Понедельник первой седмицы Monday of the First Week   ЧИСТЫЙ ИНТЕРНЕТ о Библии
1
Час первый first hour Первый Час Час третий third hour От Луки Святое Благовествование Неделя мясопустная meatfare sunday ЕС Канон молебный Богородице Intercessory Kanon to the theotokos Третья седмица (с понедельника по пяток) third week (monday through friday). Церковно-славянский язык Синодальный перевод. Книга пророка Даниила (Дан) Книга Товита Книга Судей Израилевых  К фессалоникийцам второе послание святого апостола Павла

Понедельник первой седмицы


Fri, 21 Jul 2017 14:59:45 GMT
  • Канон Великий святого Андрея Критского, читаемый...

  • ...читаемый в понедельник, вторник, среду и четверг первой седмицы Великого поста.
    http://vk.com/wall-46957051_29388
    Tue, 18 Jul 2017 13:02:15 GMT
  • Имени старца Василия Тульского (Новикова) 1 мар 2016 Действия...

  • С сорока лет отказалась от мяса: в понедельник, среду, пятницу, первую и последнюю недели Великого
    http://vk.com/wall434873884_334
    Mon, 17 Jul 2017 08:15:18 GMT
  • О великом каноне святителя андрея критского...

  • Вопреки мнению М. Скабаллановича, не он первый стал писать полные каноны
    http://vk.com/wall-139111183_1155
    Mon, 03 Jul 2017 22:31:18 GMT
  • ЖИЗНЕОПИСАНИЕ О. ВАСИЛИЯ НОВИКОВА. На могилке...

  • С сорока лет отказалась от мяса: в понедельник, среду, пятницу, первую и последнюю недели Великого
    http://vk.com/wall313914468_39609
    Fri, 07 Jul 2017 23:09:43 GMT
  • 8 июля 2017 года. Суббота Седмица 5-я по Пятидесятнице.

  • Ибо Я пришел призвать не праведников, но грешников к покаянию.
    http://vk.com/wall-65797781_6636



    8 июля 2017 года. Суббота Седмица 5-я по Пятидесятнице. Ибо Я пришел призвать не праведников, но грешников к покаянию.
    Fri, 07 Jul 2017 23:09:43 GMT


    ВЕЛИКИЙ ПОКАЯННЫЙ КАНОН
    Понедельник первой седмицы Великого Поста
    в 2002 году - 18 марта


    Изгнание из рая.Фреска.Ярославль.
    Изгнание Адама и Евы из рая.
    Фреска. Ярославль

    Песнь 1

    Ирмос: Помощник и Покровитель бысть мне во спасение, Сей мой Бог, и прославлю Его, Бог Отца моего, и вознесу Его: славно бо прославися.

    Припев: Помилуй мя, Боже, помилуй мя.

    &nbsp&nbsp Откуду начну плакати окаяннаго моего жития деяний? Кое ли положу начало, Христе, нынешнему рыданию? Но, яко благоутробен, даждь ми прегрешений оставление.

    Помилуй мя, Боже, помилуй мя.

    &nbsp&nbsp Гряди, окаянная душе, с плотию твоею, Зиждителю всех исповеждься и останися прочее преждняго безсловесия, и принеси Богу в покаянии слезы.

    Помилуй мя, Боже, помилуй мя.

    &nbsp&nbsp Первозданнаго Адама преступлению поревновав, познах себе обнажена от Бога и присносущнаго Царствия и сладости, грех ради моих.

    Помилуй мя, Боже, помилуй мя.

    &nbsp&nbsp Увы мне, окаянная душе, что уподобилася еси первей Еве? видела бо еси зле, и уязвилася еси горце, и коснулася еси древа, и вкусила еси дерзостно безсловесныя снеди.

    Помилуй мя, Боже, помилуй мя.

    &nbsp&nbsp Вместо Евы чувственныя мысленная ми бысть Ева, во плоти страстный помысл, показуяй сладкая и вкушаяй присно горькаго напоения.

    Помилуй мя, Боже, помилуй мя.

    &nbsp&nbsp Достойно из Едема изгнан бысть, яко не сохранив едину Твою, Спасе, заповедь Адам: аз же что постражду, отметая всегда животная Твоя словеса?

    Слава: Пресущная Троице, во Единице покланяемая, возьми бремя от мене тяжкое греховное и, яко благоутробна, даждь ми слезы умиления.

    И ныне: Богородице, Надежде и Предстательство Тебе поющих, возьми бремя от мене тяжкое греховное, и, яко Владычица Чистая, кающася приими мя.

    Песнь 2

    Ирмос: Вонми, Небо, и возглаголю, и воспою Христа, от Девы плотию пришедшаго.

    Помилуй мя, Боже, помилуй мя.

    &nbsp&nbsp Вонми, Небо, и возглаголю, земле, внушай глас, кающийся к Богу и воспевающий Его.

    Помилуй мя, Боже, помилуй мя.

    &nbsp&nbsp Вонми ми, Боже, Спасе мой, милостивым Твоим оком и приими мое теплое исповедание.

    Помилуй мя, Боже, помилуй мя.

    &nbsp&nbsp Согреших паче всех человек, един согреших Тебе; но ущедри, яко Бог, Спасе, творение Твое.

    Помилуй мя, Боже, помилуй мя.

    &nbsp&nbsp Вообразив моих страстей безобразие, любосластными стремленьми погубих ума красоту.

    Помилуй мя, Боже, помилуй мя.

    &nbsp&nbsp Буря мя злых обдержит, благоутробне Господи; но яко Петру и мне руку простри.

    Помилуй мя, Боже, помилуй мя.

    &nbsp&nbsp Оскверних плоти моея ризу и окалях, еже по образу, Спасе, и по подобию.

    Помилуй мя, Боже, помилуй мя.

    &nbsp&nbsp Омрачих душевную красоту страстей сластьми и всячески весь ум персть сотворих.

    Помилуй мя, Боже, помилуй мя.

    &nbsp&nbsp Раздрах ныне одежду мою первую, юже ми изтка Зиждитель из начала, и оттуду лежу наг.

    Помилуй мя, Боже, помилуй мя.

    &nbsp&nbsp Облекохся в раздранную ризу, юже изтка ми змий советом, и стыждуся.

    Помилуй мя, Боже, помилуй мя.

    &nbsp&nbsp Слезы блудницы, Щедре, и аз предлагаю, очисти мя, Спасе, благоутробием Твоим.

    Помилуй мя, Боже, помилуй мя.

    &nbsp&nbsp Воззрех на садовную красоту и прельстихся умом: и оттуду лежу наг и срамляюся.

    Помилуй мя, Боже, помилуй мя.

    &nbsp&nbsp Делаша на хребте моем вси начальницы страстей, продолжающе на мя беззаконие их.

    Слава: Единаго Тя в Триех Лицех, Бога всех пою, Отца и Сына и Духа Святаго.

    И ныне: Пречистая Богородице Дево, Едина Всепетая, моли прилежно, во еже спастися нам.

    Песнь 3

    Ирмос: На недвижимом, Христе, камени заповедей Твоих утверди мое помышление.

    Помилуй мя, Боже, помилуй мя.

    &nbsp&nbsp Огнь от Господа иногда Господь одождив, землю содомскую прежде попали.

    Помилуй мя, Боже, помилуй мя.

    &nbsp&nbsp На горе спасайся, душе, якоже Лот оный, и в Сигор угонзай.

    Помилуй мя, Боже, помилуй мя.

    &nbsp&nbsp Бегай запаления, о душе, бегай содомскаго горения, бегай тления Божественнаго пламене.

    Помилуй мя, Боже, помилуй мя.

    &nbsp&nbsp Согреших Тебе един аз, согреших паче всех, Христе Спасе, да не презриши мене.

    Помилуй мя, Боже, помилуй мя.

    &nbsp&nbsp Ты еси Пастырь добрый, взыщи мене, агнца, и заблуждшаго да не презриши мене.

    Помилуй мя, Боже, помилуй мя.

    &nbsp&nbsp Ты еси сладкий Иисусе, Ты еси Создателю мой, в Тебе, Спасе, оправдаюся.

    Помилуй мя, Боже, помилуй мя.

    &nbsp&nbsp Исповедаюся Тебе, Спасе, согреших, согреших Ти; но ослаби, остави ми, яко благоутробен.

    Слава: О Троице Единице Боже, спаси нас от прелести, и искушений, и обстояний.

    И ныне: Радуйся, Богоприятная утробо, радуйся, престоле Господень, радуйся, Мати Жизни нашея.

    Песнь 4

    Ирмос: Услыша пророк пришествие Твое, Господи, и убояся, яко хощеши от Девы родитися и человеком явитися, и глаголаше: услышах слух Твой и убояхся, слава силе Твоей, Господи.

    Помилуй мя, Боже, помилуй мя.

    &nbsp&nbsp Дел Твоих да не презриши, создания Твоего да не оставиши, Правосуде. Аще и един согреших, яко человек, паче всякаго человека, Человеколюбче; но имаши, яко Господь всех, власть оставляти грехи.

    Помилуй мя, Боже, помилуй мя.

    &nbsp&nbsp Приближается, душе, конец, приближается, и нерадиши, ни готовишися, время сокращается: востани, близ при дверех Судия есть. Яко соние, яко цвет, время жития течет: что всуе мятемся?

    Помилуй мя, Боже, помилуй мя.

    &nbsp&nbsp Воспряни, о душе моя, деяния твоя, яже соделала еси, помышляй, и сия пред лице твое принеси, и капли испусти слез твоих; рцы со дерзновением деяния и помышления Христу и оправдайся

    Помилуй мя, Боже, помилуй мя.

    &nbsp&nbsp Не бысть в житии греха, ни деяния, ни злобы, еяже аз, Спасе, не согреших, умом, и словом, и произволением, и предложением, и мыслию, и деянием согрешив, яко ин никтоже когда.

    Помилуй мя, Боже, помилуй мя.

    &nbsp&nbsp Отсюду и осужден бых, отсюду препрен бых аз, окаянный, от своея совести, еяже ничтоже в мире нужнейше: Судие, Избавителю мой и Ведче, пощади, и избави, и спаси мя, раба Твоего.

    Помилуй мя, Боже, помилуй мя.

    &nbsp&nbsp Лествица, юже виде древле великий в патриарсех, указание есть, душе моя, деятельнаго восхождения, разумнаго возшествия: аще хощеши убо деянием, и разумом, и зрением пожити, обновися.

    Помилуй мя, Боже, помилуй мя.

    &nbsp&nbsp Зной дневный претерпе лишения ради патриарх и мраз нощный понесе, на всяк день снабдения творя, пасый, труждаяйся, работаяй, да две жене сочетает.

    Помилуй мя, Боже, помилуй мя.

    &nbsp&nbsp Жены ми две разумей, деяние же и разум в зрении, Лию убо деяние, яко многочадную, Рахиль же разум, яко многотрудную; ибо кроме трудов ни деяние, ни зрение, душе, исправится.

    Слава: Нераздельное Существом, Неслитное Лицы богословлю Тя, Троическое Едино Божество, яко Единоцарственное и Сопрестольное, вопию Ти песнь великую, в вышних трегубо песнословимую.

    И ныне: И раждаеши, и девствуеши, и пребываеши обоюду естеством Дева, Рождейся обновляет законы естества, утроба же раждает нераждающая. Бог идеже хощет, побеждается естества чин: творит бо, елика хощет.

    Песнь 5

    Ирмос: От нощи утренююща, Человеколюбче, просвети, молюся, и настави и мене на повеления Твоя, и научи мя, Спасе, творити волю Твою.

    Помилуй мя, Боже, помилуй мя.

    &nbsp&nbsp В нощи житие мое преидох присно, тьма бо бысть, и глубока мне мгла, нощь греха, но яко дне сына, Спасе, покажи мя.

    Помилуй мя, Боже, помилуй мя.

    &nbsp&nbsp Рувима подражая, окаянный аз, содеях беззаконный и законопреступный совет на Бога Вышняго, осквернив ложе мое, яко отчее он.

    Помилуй мя, Боже, помилуй мя.

    &nbsp&nbsp Исповедаюся Тебе, Христе Царю: согреших, согреших, яко прежде Иосифа братия продавшии, чистоты плод и целомудрия.

    Помилуй мя, Боже, помилуй мя.

    &nbsp&nbsp От сродников праведная душа связася, продася в работу сладкий, во образ Господень: ты же вся, душе, продалася еси злыми твоими.

    Помилуй мя, Боже, помилуй мя.

    &nbsp&nbsp Иосифа праведнаго и целомудреннаго ума подражай, окаянная и неискусная душе, и не оскверняйся безсловесными стремленьми, присно беззаконнующи.

    Помилуй мя, Боже, помилуй мя.

    &nbsp&nbsp Аще и в рове поживе иногда Иосиф, Владыко Господи, но во образ погребения и востания Твоего: аз же что Тебе когда сицевое принесу?

    Слава: Тя, Троице, славим Единаго Бога: Свят, Свят, Свят еси, Отче, Сыне и Душе, Простое Существо, Единице присно покланяемая.

    И ныне: Из Тебе облечеся в мое смешение, нетленная, безмужная Мати Дево, Бог, создавый веки, и соедини Себе человеческое естество.

    Песнь 6

    Ирмос: Возопих всем сердцем моим к щедрому Богу, и услыша мя от ада преисподняго, и возведе от тли живот мой.

    Помилуй мя, Боже, помилуй мя.

    &nbsp&nbsp Слезы, Спасе, очию моею и из глубины воздыхания чисте приношу, вопиющу сердцу: Боже, согреших Ти, очисти мя.

    Помилуй мя, Боже, помилуй мя.

    &nbsp&nbsp Уклонилася еси, душе, от Господа твоего, якоже Дафан и Авирон, но пощади, воззови из ада преисподняго, да не пропасть земная тебе покрыет.

    Помилуй мя, Боже, помилуй мя.

    &nbsp&nbsp Яко юница, душе, разсвирепевшая, уподобилася еси Ефрему, яко серна от тенет сохрани житие, вперивши деянием ум и зрением.

    Помилуй мя, Боже, помилуй мя.

    &nbsp&nbsp Рука нас Моисеова да уверит, душе, како может Бог прокаженное житие убелити и очистити, и не отчайся сама себе, аще и прокаженна еси.

    Слава: Троица есмь Проста, Нераздельна, раздельна Личне, и Единица есмь естеством соединена, Отец глаголет, и Сын, и Божественный Дух.

    И ныне: Утроба Твоя Бога нам роди, воображена по нам: Егоже, яко Создателя всех, моли, Богородице, да молитвами Твоими оправдимся.

    Господи помилуй (трижды).

    Слава, и ныне:

    Кондак, глас 6:

    &nbsp&nbsp Душе моя, душе моя, востани, что спиши? Конец приближается, и имаши смутитися: воспряни убо, да пощадит тя Христос Бог, везде сый и вся исполняяй.

    Песнь 7

    Ирмос: Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам; но не предаждь нас до конца, отцев Боже.

    Помилуй мя, Боже, помилуй мя.

    &nbsp&nbsp Согреших, беззаконновах и отвергох заповедь Твою, яко во гресех произведохся, и приложих язвам струпы себе; но Сам мя помилуй, яко благоутробен, отцев Боже.

    Помилуй мя, Боже, помилуй мя.

    &nbsp&nbsp Тайная сердца моего исповедах Тебе, Судии моему, виждь мое смирение, виждь и скорбь мою, и вонми суду моему ныне, и Сам мя помилуй, яко благоутробен, отцев Боже.

    Помилуй мя, Боже, помилуй мя.

    &nbsp&nbsp Саул иногда, яко погуби отца своего, душе, ослята, внезапу царство обрете к прослутию; но блюди, не забывай себе, скотския похоти твоя произволивши паче Царства Христова.

    Помилуй мя, Боже, помилуй мя.

    &nbsp&nbsp Давид иногда Богоотец, аще и согреши сугубо, душе моя, стрелою убо устрелен быв прелюбодейства, копием же пленен быв убийства томлением; но ты сама тяжчайшими делы недугуеши, самохотными стремленьми.

    Помилуй мя, Боже, помилуй мя.

    &nbsp&nbsp Совокупи убо Давид иногда беззаконию беззаконие, убийству же любодейство растворив, покаяние сугубое показа абие; но сама ты, лукавнейшая душе, соделала еси, не покаявшися Богу.

    Помилуй мя, Боже, помилуй мя.

    &nbsp&nbsp Давид иногда вообрази, списав яко на иконе песнь, еюже деяние обличает, еже содея, зовый: помилуй мя, Тебе бо единому согреших всех Богу, Сам очисти мя.

    Слава: Троице Простая, Нераздельная, Единосущная и Естество Едино, Светове и Свет, и Свята Три, и Едино Свято поется Бог Троица; но воспой, прослави Живот и Животы, душе, всех Бога.

    И ныне: Поем Тя, благословим Тя, покланяемся Ти, Богородительнице, яко Нераздельныя Троицы породила еси Единаго Христа Бога, и Сама отверзла еси нам, сущим на земли, Небесная.

    Песнь 8

    Ирмос: Егоже воинства Небесная славят, и трепещут херувими и серафими, всяко дыхание и тварь, пойте, благословите и превозносите во вся веки.

    Помилуй мя, Боже, помилуй мя.

    &nbsp&nbsp Согрешивша, Спасе, помилуй, воздвигни мой ум ко обращению, приими мя кающагося, ущедри вопиюща: согреших Ти, спаси, беззаконновах, помилуй мя.

    Помилуй мя, Боже, помилуй мя.

    &nbsp&nbsp Колесничник Илия колесницею добродетелей вшед, яко на небеса, ношашеся превыше иногда от земных: сего убо, душе моя, восход помышляй.

    Помилуй мя, Боже, помилуй мя.

    &nbsp&nbsp Елиссей иногда прием милоть Илиину, прият сугубую благодать от Бога; ты же, о душе моя, сея не причастилася еси благодати за невоздержание.

    Помилуй мя, Боже, помилуй мя.

    &nbsp&nbsp Иорданова струя первее милотию Илииною Елиссеем ста сюду и сюду; ты же, о душе моя, сея не причастилася еси благодати за невоздержание.

    Помилуй мя, Боже, помилуй мя.

    &nbsp&nbsp Соманитида иногда праведнаго учреди, о душе, нравом благим; ты же не ввела еси в дом ни странна, ни путника. Темже чертога изринешися вон, рыдающи.

    Помилуй мя, Боже, помилуй мя.

    &nbsp&nbsp Гиезиев подражала еси, окаянная, разум скверный всегда, душе, егоже сребролюбие отложи поне на старость; бегай геенскаго огня, отступивши злых твоих.

    Слава: Безначальне Отче, Сыне Собезначальне, Утешителю Благий, Душе Правый, Слова Божия Родителю, Отца Безначальна Слове, Душе Живый и Зиждяй, Троице Единице, помилуй мя.

    И ныне: Яко от оброщения червленицы, Пречистая, умная багряница Еммануилева внутрь во чреве Твоем плоть исткася. Темже Богородицу воистинну Тя почитаем.

    Песнь 9

    Ирмос: Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.

    Помилуй мя, Боже, помилуй мя.

    &nbsp&nbsp Ум острупися, тело оболезнися, недугует дух, слово изнеможе, житие умертвися, конец при дверех. Темже, моя окаянная душе, что сотвориши, егда приидет Судия испытати твоя?

    Помилуй мя, Боже, помилуй мя.

    &nbsp&nbsp Моисеово приведох ти, душе, миробытие, и от того все заветное Писание, поведающее тебе праведныя и неправедныя: от нихже вторыя, о душе, подражала еси, а не первыя, в Бога согрешивши.

    Помилуй мя, Боже, помилуй мя.

    &nbsp&nbsp Закон изнеможе, празднует Евангелие, Писание же все в тебе небрежено бысть, пророцы изнемогоша и все праведное слово; струпи твои, о душе, умножишася, не сущу врачу, исцеляющему тя.

    Помилуй мя, Боже, помилуй мя.

    &nbsp&nbsp Новаго привожду ти Писания указания, вводящая тя, душе, ко умилению: праведным убо поревнуй, грешных же отвращайся и умилостиви Христа молитвами же, и пощеньми, и чистотою, и говением.

    Помилуй мя, Боже, помилуй мя.

    &nbsp&nbsp Христос вочеловечися, призвав к покаянию разбойники и блудницы; душе, покайся, дверь отверзеся Царствия уже, и предвосхищают е фарисее и мытари и прелюбодеи кающиися.

    Помилуй мя, Боже, помилуй мя.

    &nbsp&nbsp Христос вочеловечися, плоти приобщився ми, и вся елика суть естества хотением исполни греха кроме, подобие тебе, о душе, и образ предпоказуя Своего снисхождения.

    Помилуй мя, Боже, помилуй мя.

    &nbsp&nbsp Христос волхвы спасе, пастыри созва, младенец множества показа мученики, старцы прослави и старыя вдовицы, ихже не поревновала еси, душе, ни деянием, ни житию, но горе тебе, внегда будеши судитися.

    Помилуй мя, Боже, помилуй мя.

    &nbsp&nbsp Постився Господь дний четыредесять в пустыни, последи взалка, показуя человеческое; душе, да не разленишися, аще тебе приложится враг, молитвою же и постом от ног твоих да отразится.

    Слава: Отца прославим, Сына превознесем, Божественному Духу верно поклонимся, Троице Нераздельней, Единице по существу, яко Свету и Светом, и Животу и Животом, животворящему и просвещающему концы.

    И ныне: Град Твой сохраняй, Богородительнице Пречистая, в Тебе бо сей верно царствуяй, в Тебе и утверждается, и Тобою побеждаяй, побеждает всякое искушение, и пленяет ратники, и проходит послушание.

    Припев: Преподобне отче Андрее, моли Бога о нас.

    &nbsp&nbsp Андрее честный и отче треблаженнейший, пастырю Критский, не престай моляся о воспевающих тя: да избавимся вси гнева и скорби, и тления, и прегрешений безмерных, чтущии твою память верно.

    Ирмос: Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.

    Let's block ads! (Why?)


    http://www.xxc.ru/orthodox/pastor/v_kanon/text1.htm

    www.церковно-славянская-библия.рф
    X
    Левит. Последование изобразительных celebration of the typika Молитвы перед началом чтения Псалтири. Псалмы. Стихи. Тропари и молитвы по кафизмах. Молитвы по совершении нескольких кафизм или всей Псалтири. Устав о пении Псалтири в течение года. Книга пророка Софонии (Соф) Вторник первой седмицы tuesday of the first week Первая Книга Паралипоменон К Тимофею первое послание святого апостола Павла the first Epistle of the holy apostle paul to timothy Книга пророка Аггея (Агг) Вторая книга Царств (2Цар) Вторая книга Царств — часть Ветхого Завета Библии в Септуагинте и в православном каноне. В католическом и протестантском каноне соответствует «Второй книге Самуила», в еврейской Библии (Танахе) — часть книги Самуила. Состоит из 24 глав, авторство не указано. Излагает историю Израиля от смерти Саула до конца царствования Давида. Неделя Антипасхи st thomas sunday Соборное послание третье святого апостола Иоанна Богослова