Неделя четвертая по Пасхе, о расслабленном Fourth Sunday after Pascha, of the Paralytic   ЧИСТЫЙ ИНТЕРНЕТ о Библии
1 Заказать тут печать на текстиле дизайн рекомендую
Вторая Книга Маккавейская К коринфянам второе послание святого апостола Павла Великий Пяток great and holy friday Отпусты Владычних праздников - Увольнения на праздники Господни Плачь Иеремии Плачь Иеремии Великая Среда great and holy wednesday Прокимны постовые - prokeimena, аллилуйя стихов и псалмов Причастия на Великий Пост Послание к Галатам (Гал) К Римлянам послание св. Ап. Павла (Рим) Книга Екклесиаста (Еккл) Синодальный перевод. Книга Руфь (Руфь) Синодальный перевод. Книга пророка Даниила (Дан)

Неделя четвертая по Пасхе, о расслабленном


Fourth Sunday after Pascha, of the Paralytic
  • Церковь. Советы воцерковляющимся. От Пасхи до Вознесения...

    1. Пасха в нашем доме – значит, перед едой мы поем тропарь «Христос воскресе из мертвых» и сегодня, и всю Светлую седмицу, и все остальные пасхальные недели...
    http://vk.com/wall-109461107_4285

    Fri, 21 Apr 2017 14:33:19 GMT
  • ОТ ПАСХИ ДО ВОЗНЕСЕНИЯ ВМЕСТЕ С ДЕТЬМИ Материнские...

    1. Антипасха, она же «неделя вторая по Пасхе, о Фоме», напоминает о явлении Христа ученикам после Воскресения.
    http://www.liveinternet.ru/users/starik_hottabw/post413375854/

    Sat, 15 Apr 2017 16:38:28 GMT
  • О периоде Пасхальном #МоБ_это_интересно Убедился в том году...

    1. А до него нас ждет: вторая неделя после Пасхи - апостола Фомы, третья - жен-мироносиц, четвертая - о расслабленном, пятая - о самаряныне, шестая неделя по Пасхе - о слепом, и...
    http://vk.com/wall-58666282_286

    Mon, 17 Apr 2017 00:30:54 GMT
  • Церковь. Советы воцерковляющимся. От Пасхи до Вознесения...

    1. От Пасхи до Вознесения вместе с детьми Материнские заметки.
    http://vk.com/wall-138655394_1192

    Fri, 21 Apr 2017 05:45:13 GMT
  • Закон Божий Содержание (292 части) Предисловие ко 2-му...

    1. Просвещение славян Крещение Руси Часть четвертая.
    http://vk.com/wall-130535806_594

    Thu, 20 Apr 2017 08:56:43 GMT
  • Пасхальный период Подобно тому, как Великий пост состоит из...

    1. На Пасху Господь Своим Воскресением уничтожил власть ада и смерти, и открыл нам двери рая.
    http://vk.com/wall-18251211_22739

    Mon, 17 Apr 2017 08:20:27 GMT
    Недѣ́ля четве́ртая по па́сцѣ, разсла́бленнаго. Въ суббо́ту ве́чера, на ма́лѣй вече́рни. На Го́споди воззва́хъ: стіхи́ры воскре́сны 4, гла́съ 3: Твои́мъ кре́сто́мъ Христе́ Cпа́се: Просвѣти́шася вся́ческая: Сла́влю отца́ и сы́на си́лу: Кресту́ твоему́ честно́му: Сла́ва: гла́съ 5: Взы́де Іису́съ во іерусали́мъ: [Вся́ сія́ стіхи́ры ищи́ на вели́цѣй вече́рни.] И ны́нѣ: богоро́диченъ, догма́тікъ, гла́съ 3: Преве́ліе чу́до: дѣ́ва ро́ждшая, и рожде́нное Бо́гъ, пре́жде вѣ́къ предъявле́нное рожде́ніе, и соверше́нное па́че естества́. о та́инства стра́шнаго, е́же и мы́слимое неизрече́нно пребыва́етъ, и зри́мое не пое́млется! блаже́нна ты́ еси́ пречи́стая отрокови́це, ада́ма земноро́днаго дщи́, и бога вы́шняго я́вльшаяся ма́ти: того́ моли́ спасти́ся душа́мъ на́шимъ. На стіхо́внѣ стіхи́ра воскре́сна: Стра́стію твое́ю: [ли́стъ 94]. Та́же стіхи́ры богоро́дицы, гла́съ 3. Подо́бенъ: Ве́лія кре́ста́: Сті́хъ: Слы́ши дщи́ и ви́ждь: Вели́кое тобо́ю благодѣя́ніе пречи́стая получи́вше, со а́нгелы рожде́ніе твое́ сла́вимъ, сподо́бльшееся изъ утро́бы (л. 92 об.) твоея́ роди́тися, кра́йняго ра́ди благоутро́бія, и возсозда́вшаго человѣ́ческій ро́дъ. Сті́хъ: Помяну́ и́мя твое́ во вся́комъ ро́дѣ и ро́дѣ. Тя́ вси́ прибѣ́жище и боже́ственный покро́въ чи́стая, грѣ́шніи въ житіи́ стяжа́хомъ, дѣ́во: мо́лимъ у́бо вси́ твое́ благоутро́біе, не отступи́ отъ на́съ, мо́лимся, но поми́луй и спаси́. Сті́хъ: Лицу́ твоему́ помо́лятся: Е́же ра́дуйся богоро́дице ма́ти приснодѣ́во, пе́рстніи твои́ раби́ прино́симъ досто́йно, съ гавріи́ломъ боже́ственнымъ чинонача́льникомъ: и́бо ра́дости хода́таица, и ра́дованіе ты́ была́ еси́ мі́рови. Сла́ва, и ны́нѣ: гла́съ 8: Въ притво́рѣ соломо́новѣ: [ищи́ на вели́цѣй вече́рни, на стіхо́внѣ, Сла́ва:] Тропа́рь гла́са. И отпу́стъ. На вели́цѣй вече́рни. На Го́споди воззва́хъ: поста́вимъ стіхо́въ 10. И пое́мъ стіхи́ры воскре́сны 3, и восто́чныанато́ліевы 4: и о разсла́бленномъ самогла́сны, 2, повторя́юще пе́рвую. Стіхи́ры воскре́сны, гла́съ 3: Твои́мъ кре́сто́мъ Христе́ Cпа́се, сме́рти держа́ва разруши́ся, и діа́воля пре́лесть упраздни́ся: ро́дъ же человѣ́ческій вѣ́рою спаса́емый, пѣ́снь тебѣ́ всегда́ прино́ситъ. Просвѣти́шася вся́ческая, воскресе́ніемъ твои́мъ Го́споди, и ра́й па́ки отве́рзеся: вся́ же тва́рь восхваля́ющи тя́, пѣ́снь тебѣ́ всегда́ прино́ситъ. Сла́влю отца́ и сы́на си́лу, и свята́го ду́ха пою́ вла́сть, (л. 93) нераздѣ́льное, несозда́нное божество́, Тро́ицу единосу́щную, ца́рствующую въ вѣ́къ вѣ́ка. И́ны стіхи́ры, анато́ліевы: Кресту́ твоему́ честно́му покланя́емся Христе́, и воскре́сніе твое́ пое́мъ и сла́вимъ: ра́ною бо твое́ю мы́ вси́ исцѣлѣ́хомъ. Пое́мъ спаса отъ дѣ́вы вопло́щшагося: на́съ бо ра́ди распя́тся, и въ тре́тій де́нь воскресе, да́руя на́мъ ве́лію ми́лость. Су́щимъ во а́дѣ соше́дъ Христо́съ благовѣсти́: дерза́йте, глаго́ля, ны́нѣ побѣди́хъ, а́зъ е́смь воскре́сніе, а́зъ вы́ возведу́, разруши́въ сме́ртная врата́. Недосто́йно стоя́ще въ пречи́стомъ дому́ твое́мъ, вече́рнюю пѣ́снь возсыла́емъ, изъ глубины́ взыва́юще Христе́ боже: просвѣти́вый мі́ръ тридне́внымъ воскре́сніемъ твои́мъ, изми́ лю́ди твоя́ отъ руки́ враго́въ твои́хъ человѣколю́бче. И́ны стіхи́ры самогла́сны, о разсла́бленномъ. Гла́съ 1: Дла́нію пречи́стою созда́вый человѣ́ка, прише́лъ еси́ благоутро́бне неду́гующия исцѣли́ти Христе́, разсла́бленнаго во о́вчей купѣ́ли, сло́вомъ твои́мъ возста́вилъ еси́: кровоточи́вой же болѣ́знь исцѣли́лъ еси́: ханане́и отрокови́цу стужа́емую поми́ловалъ еси́, и проше́нія со́тника не презрѣ́лъ еси́. сего́ ра́ди зове́мъ: всеси́льне Го́споди, сла́ва тебѣ́. [Два́жды.] Непогребе́нъ мертве́цъ сы́й, разсла́бленный ви́дѣвъ тя́, возопи́: поми́луй мя́ Го́споди, я́ко о́дръ мо́й гро́бъ мнѣ́ бы́сть. что́ ми пріобрѣ́теніе живота́? не тре́бую о́вчія (л. 93 об.) купѣ́ли, не и́мамъ бо никого́же влага́юща мя́, возмуща́ющимся вода́мъ: но къ тебѣ́ исто́чнику прихожду́ исцѣле́ній, да и а́зъ со всѣ́ми зову́: всеси́льне Го́споди, сла́ва тебѣ́. Сла́ва: гла́съ 5: Взы́де Іису́съ во іерусали́мъ на о́вчую купѣ́ль, глаго́лемую іуде́йски вифесда́, пя́ть притво́ровъ иму́щую: въ тѣ́хъ бо слежа́ше мно́жество немощству́ющихъ. а́нгелъ бо бо́жій по вся́ лѣ́та сходя́, возмуща́ше ю́, и здра́віе подава́ше приступа́ющимъ вѣ́рою. и ви́дѣвъ госпо́дь многовре́менна человѣ́ка, глаго́летъ къ нему́: хо́щеши ли здра́въ бы́ти? немощству́яй отвѣщава́ше: Го́споди, человѣ́ка не и́мамъ, да егда́ возмути́тся вода́, вве́ржетъ мя́ въ купѣ́ль: враче́мъ изда́хъ все́ имѣ́ніе мое́, и ми́лости улучи́ти не сподо́бихся. но вра́чь ду́шъ и тѣле́съ глаго́летъ къ нему́: возми́ тво́й о́дръ и ходи́, проповѣ́дуя мою́ си́лу, и ве́лію ми́лость въ концѣ́хъ. И ны́нѣ, богоро́диченъ, гла́съ 3: Ка́ко не диви́мся богому́жному рождеству́ твоему́, пречи́стна́я? искуше́нія бо му́жескаго не пріе́мши всенепоро́чная, родила́ еси́ безъ отца́ сы́на пло́тію пре́жде вѣ́къ отъ отца́ рожде́ннаго безъ ма́тере, ника́коже претерпѣ́вшаго измѣне́нія, или́ смѣше́нія, или́ раздѣле́нія, но обою́ существу́ сво́йство цѣ́ло сохра́ншаго. тѣ́мже ма́ти дѣ́во влады́чце, того́ моли́ спасти́ся душа́мъ, правосла́вно богоро́дицу исповѣ́дающихъ тя́. Вхо́дъ: Свѣ́те ти́хій: Прокі́менъ: Го́сподь воцари́ся: со стіхи́ его́. (л. 94) На літі́и стіхи́ра хра́ма. Сла́ва, гла́съ 5: При о́вчей купѣ́ли, человѣ́къ лежа́ше въ не́мощи, и ви́дѣвъ тя́ Го́споди, вопія́ше: человѣ́ка не и́мамъ, да егда́ возмути́тся вода́, вве́ржетъ мя́ въ ню́. егда́ же прихожду́, и́нъ предваря́етъ мя́, и пріе́млетъ исцѣле́ніе: а́зъ же немощству́яй лежу́. и а́біе умилосе́рдився Спа́съ, глаго́летъ къ нему́: тебе́ ра́ди человѣ́къ бы́въ, тебе́ ра́ди въ пло́ть облеко́хся, и глаго́леши: человѣ́ка не и́мамъ: возми́ о́дръ тво́й и ходи́. вся́ тебѣ́ возмо́жна, вся́ послу́шаютъ, вся́ повину́ются: всѣ́хъ на́съ помяни́, и поми́луй святы́й, я́ко человѣколю́бецъ. И ны́нѣ: богоро́диченъ, гла́съ то́йже: Хра́мъ и две́рь еси́, пала́та и престо́лъ царе́въ, дѣ́во всечестна́я: е́юже изба́витель мо́й, Христо́съ госпо́дь, во тмѣ́ спя́щимъ яви́ся, со́лнце сы́й пра́вды, просвѣти́ти хотя́, я́же созда́ по о́бразу своему́ руко́ю свое́ю. тѣ́мже всепѣ́тая, я́ко ма́терне дерзнове́ніе къ нему́ стяжа́вшая, непреста́нно моли́ спасти́ся душа́мъ на́шимъ. На стіхо́внѣ стіхи́ра воскре́сна, гла́съ 3: Стра́стію твое́ю Христе́, омрачи́вый со́лнце и свѣ́томъ твоего́ воскре́снія, просвѣти́вый вся́ческая, пріими́ на́шу вече́рнюю пѣ́снь человѣколю́бче. И стіхи́ры па́сцѣ, съ припѣ́вы и́хъ: ищи́ въ недѣ́лю па́схи на у́трени, ли́стъ 7 на оборо́тѣ. Сла́ва: гла́съ 8: Въ притво́рѣ соломо́новѣ, та́мо слежа́ше мно́жество немощству́ющихъ, и преполови́вшуся пра́зднику, обрѣ́те (л. 94 об.) Христо́съ три́десять о́смь лѣ́тъ разсла́блена лежа́ща, влады́чнимъ гла́сомъ глаго́летъ къ нему́: хо́щеши ли здра́въ бы́ти? немощству́яй отвѣщава́ше: Го́споди, человѣ́ка не и́мамъ, да егда́ возмути́тся вода́, вве́ржетъ мя́ въ купѣ́ль. о́нъ же глаго́летъ къ нему́: возми́ о́дръ тво́й, и ходи́: се́ здра́въ бы́лъ еси́, ктому́ не согрѣша́й. богоро́дицы моли́твами низпосли́ на́мъ ве́лію ми́лость. И ны́нѣ: Воскресе́нія де́нь: Христо́съ воскре́се: еди́ножды. И про́чее, я́ко предписа́ся въ мимоше́дшую недѣ́лю. Отпусти́тельный тропа́рь, гла́съ 3: Да веселя́тся небе́сная, да ра́дуются земна́я, я́ко сотвори́ держа́ву мы́шцею свое́ю госпо́дь: попра́ сме́ртію сме́рть, пе́рвенецъ ме́ртвыхъ бы́сть, изъ чре́ва а́дова изба́ви на́съ, и подаде́ мі́рови ве́лію ми́лость. Сла́ва, и ны́нѣ: богоро́диченъ. Тя́ хода́тайствовавшую спасе́ніе ро́да на́шего воспѣва́емъ, богоро́дице дѣ́во: пло́тію бо отъ тебе́ воспрія́тою сы́нъ тво́й, и Бо́гъ на́шъ, кресто́мъ воспріи́мъ стра́сть, изба́ви на́съ отъ тли́, я́ко человѣколю́бецъ. А́ще же не бу́детъ бдѣ́нія, на полу́нощницѣ пое́мъ кано́нъ тро́иченъ во окто́ихѣ, гла́са 3-го. И Досто́йно е́сть: и про́чее я́ко обы́чно. И отпу́стъ. (л. 95) Въ недѣ́лю четве́ртую по па́сцѣ, на у́трени. На Богъ госпо́дь: тропа́рь воскре́сенъ два́жды. Сла́ва и ны́нѣ: богоро́диченъ. По 1-мъ стіхосло́віи сѣда́ленъ, гла́съ 3: Христо́съ отъ ме́ртвыхъ воста́, нача́токъ усо́пшихъ, перворожде́нъ тва́ри, и содѣ́тель всѣ́хъ бы́вшихъ, истлѣ́вшее естество́ ро́да на́шего въ себѣ́ само́мъ обнови́. не ктому́ сме́рте, облада́еши: и́бо всѣ́хъ влады́ка держа́ву твою́ разруши́. Сті́хъ: Воскресни́ Го́споди боже мо́й: Пло́тію сме́рти вкуси́вый Го́споди, го́ресть сме́рти пресѣ́клъ еси́ воста́ніемъ твои́мъ, и человѣ́ка на ню́ укрѣпи́вый, пе́рвыя кля́твы одолѣ́ніе призыва́я: защи́тниче жи́зни на́шея, Го́споди сла́ва тебѣ́. Сла́ва, и ны́нѣ: Антіфо́нъ 3: Боя́щіися Го́спода блаже́ни, въ пути́ ходя́ще за́повѣдей, снѣ́дятъ бо живо́тное всепло́діе. О́крестъ трапе́зы твоея́ возвесели́ся, зря́ твоя́ пастыренача́льниче исча́дія нося́ща вѣ́тви благодѣ́ланія. Сла́ва: Святы́мъ духомъ вся́кое бога́тство сла́вы, отъ него́же благода́ть, и живо́тъ вся́кой тва́ри: со отце́мъ бо воспѣва́емь е́сть и съ сло́вомъ. И ны́нѣ: то́йже. Та́же прокі́менъ, гла́съ 3: Рцы́те во язы́цѣхъ, я́ко госпо́дь воцари́ся: и́бо испра́ви вселе́нную, я́же не подви́жится. Сті́хъ: Воспо́йте Го́сподеви пѣ́снь но́ву, воспо́йте Го́сподеви вся́ земля́. Вся́кое дыха́ніе: Ева́нгеліе отъ луки́, 4, воскре́сное зача́ло 112. Та́же, Воскресе́ніе Христо́во: По 50-мъ псалмѣ́, по обы́чаю. (л. 96 об.) Та́же кано́нъ па́схи, пи́санъ въ недѣ́лю па́схи, со ірмосы́ и съ богоро́дичнами его́, на 8: пи́саны въ недѣ́лю святы́хъ мироно́сицъ. И о разсла́бленномъ на 6. Катава́сіа: Воскресе́нія де́нь: о́ба ли́ка вку́пѣ. КАНО́НЪ, гла́съ 3. Пѣ́снь 1. Ірмо́съ: Ди́вно, сла́вно творя́й чудеса́. ты́ еси́ боже, бе́здну оземлени́вый, и колесни́цы потопи́вый, и лю́ди спасы́й пою́щия тебѣ́, я́ко царю́ на́шему и богу. Дѣ́йствуяй зна́менія, творя́й чудеса́ еди́не царю́, распя́тіе во́лею претерпѣ́лъ еси́, я́ко ще́дръ, и сме́рть сме́ртію умертви́въ, оживотвори́лъ еси́ на́съ. Во Христо́вѣ воста́ніи лю́діе дне́сь лику́имъ вѣ́рно, плѣне́нъ бы́сть а́дъ, ю́зники я́же содержа́ше, отдаде́ со тща́ніемъ, пою́щия вели́чія бо́жія. Си́лою боже́ственною, иногда́ разсла́бленнаго сло́вомъ твои́мъ Христе́ стягну́вый, и повелѣ́вый ему́ о́дръ взя́ти, мно́гимъ вре́менемъ немощству́ющую лю́тѣ ду́шу мою́ исцѣли́. Въ купѣ́ль иногда́ о́вчую а́нгелъ схожда́ше, и еди́наго исцѣлева́ше на вся́кое лѣ́то: креще́ніемъ же боже́ственнымъ ны́нѣ очища́етъ безчи́сленная мно́жества Христо́съ. Арха́нгелу міхаи́лу: Нача́льниче а́нгеловъ, архістрати́же вы́шнихъ служи́телей, собра́вшияся въ честнѣ́мъ хра́мѣ твое́мъ, и бога воспѣва́ющия, покрыва́й и сохраня́й отъ вся́кихъ искуше́ній. Сла́ва: тро́иченъ: Въ тріе́хъ ли́цѣхъ, еди́номъ же естествѣ́ безнача́льнаго (л. 97) бога пои́мъ непреста́нно со безпло́тными, отца́, сло́ва и ду́ха, ца́рство и держа́ву иму́ща нераздѣ́льную. И ны́нѣ, богоро́диченъ: Чту́щій се́й чи́стая гра́дъ тво́й всегда́ вѣ́рно, спаса́й отъ бѣ́дъ, плѣне́нія ва́рварскаго, междоусо́бныя бра́ни, и меча́, и вся́каго ино́го преще́нія. Пѣ́снь 3. Ірмо́съ: Непло́дная душе́ и безча́дная, стяжи́ пло́дъ благосла́вный, веселя́щися возопі́й: утверди́хся тобо́ю богоро́дице, нѣ́сть свя́тъ, нѣ́сть пра́веденъ, па́че тебе́ Го́споди. Зря́ тебе́ иногда́ со́лнце, на дре́вѣ ви́сяща сло́ве, свѣ́тъ скры́, и тряса́шеся земля́ вся́, ме́ртвіи воста́ша, ме́ртву бы́вшу тебѣ́ всеси́льне. Съ душе́ю прише́дшу тебѣ́ во утро́бу земли́, ду́ши я́же стяжа́ а́дъ, издава́ше со тща́ніемъ, вопію́щия держа́вѣ твое́й пѣ́снь благода́рную, еди́не Го́споди. Въ лѣ́тѣхъ мно́гихъ немощству́ющую лю́тѣ ду́шу мою́ преблагі́й исцѣли́, я́коже разсла́бленнаго пре́жде, я́ко да послѣ́дую твои́мъ стезя́мъ, я́же показа́лъ еси́ лю́бящимъ тя́. Арха́нгелу міхаи́лу: Съ вы́шними чи́нми бо́жіи арха́нгеле, мольбу́ сотвори́ о вѣ́рою пою́щихъ тя́, соблюда́я и храня́ на́съ, жите́йскими страстьми́ напада́емыхъ. Сла́ва, тро́иченъ: Сла́ва отцу́ возопіи́мъ, сы́ну, и ду́ху, еди́нъ бо е́сть естество́мъ Бо́гъ, его́же си́лы вся́ небе́сныя со стра́хомъ сла́вятъ, свя́тъ, свя́тъ, свя́тъ еси́ зову́ще. (л. 97 об.) И ны́нѣ: богоро́диченъ: Безсѣ́менное имѣ́ла еси́ зача́тіе, и па́че ума́ рождество́, дѣ́во ма́ти чи́стая: дѣ́ло стра́шное, чу́до преве́ліе, а́нгелы почита́емое и человѣ́ки сла́вимое, отрокови́це влады́чце. Конда́къ па́сцѣ и і́косъ. И сѣда́ленъ, гла́съ 3: Глаго́лъ разсла́бленнаго то́кмо стягну́, я́ко всемі́рное сло́во еди́но, на́съ ра́ди на земли́ я́вльшагося за благоутро́біе. тѣ́мже и о́дръ нося́ мимохожда́ше, а́ще и кни́жницы зрѣ́ти содѣ́янное не терпя́ху, зло́бы содержи́ми за́вистію, ду́ши разслабля́ющею. Сла́ва, и ны́нѣ: богоро́диченъ: Красотѣ́ дѣ́вства твоего́, и пресвѣ́тлой чистотѣ́ твое́й, гавріи́лъ удиви́вся, вопія́ше ти́ богоро́дице: ку́ю ти́ похвалу́ принесу́ досто́йную? что́ же возымену́ю тя́? недоумѣва́ю и ужаса́юся. тѣ́мже, я́ко повелѣ́нъ бы́хъ, вопію́ ти: ра́дуйся благода́тная. Пѣ́снь 4. Ірмо́съ: Пріосѣне́нную го́ру, авваку́мъ прозря́ше пречи́стую твою́ утро́бу чи́стая. тѣ́мъ взыва́ше: отъ ю́га пріи́детъ Бо́гъ, и святы́й отъ горы́ пріосѣне́нныя ча́щи. Евре́йскій собо́ръ за́вистію растаява́емь, на дре́вѣ распя́тъ тя́ Го́споди: и разори́въ осужде́ніе сме́рти, я́ко си́ленъ воста́лъ еси́, мі́ръ съ собо́ю совоздви́гнувъ. Съ ми́ры жены́, что́ неистощи́мое ми́ро и́щете? воста́лъ е́сть, мироно́сицамъ рече́, сѣдя́й въ бѣ́лыхъ ри́захъ, поднебе́сную испо́лнивъ мы́сленнаго благоуха́нія. Ра́бій нося́ о́бразъ, за мно́гое благоутро́біе ходя́й (л. 98) прише́лъ еси́, и здра́ва показа́лъ еси́, во мно́гихъ лѣ́тѣхъ лежа́щаго, сло́ве, повелѣ́въ и о́дръ взя́ти. А́нгелъ у́бо госпо́днь, на вся́кое лѣ́то схожда́я, во́ду въ купѣ́ли возмуща́ше, соверша́я здра́ва еди́наго то́чію: Христо́съ же мно́жество безчи́сленное боже́ственнымъ креще́ніемъ спаса́етъ. Арха́нгелу міхаи́лу: Нача́льниче а́нгеловъ и наста́вниче заблужда́ющихъ, госпо́днь нача́льный воево́до, въ ча́съ се́й посредѣ́ на́съ пріиди́, и моли́твы всѣ́хъ принеси́ еди́ному творцу́ и влады́цѣ. Сла́ва, тро́иченъ: Соединя́емая естество́мъ, и раздѣля́емая ли́цы, е́сть свята́я Тро́ица, оте́цъ пресу́щный, соприсносу́щный же сы́нъ, и святы́й и еди́ный всеси́льный ду́хъ. И ны́нѣ: богоро́диченъ: Чи́стая, ка́ко дои́ши? ка́ко же родила́ еси́ младе́нца, ада́ма дре́внѣйшаго? ка́ко на руку́ но́сиши сы́на, су́щаго на ра́му херуві́мску, я́ко зна́етъ, я́коже вѣ́сть, вся́ осуществова́вый. Пѣ́снь 5. Ірмо́съ: Свѣ́томъ твои́мъ невече́рнимъ Христе́, озари́ боже смире́нную мою́ ду́шу, и наста́ви на стра́хъ тво́й, зане́ свѣ́тъ повелѣ́нія твоя́. Вознесы́йся на дре́вѣ кре́стнѣмъ, и совознесы́й мі́ръ ве́сь, и бы́въ въ ме́ртвыхъ боже, отъ вѣ́ка ме́ртвыя воздвиза́еши. Воскре́се я́коже рече́ Христо́съ, истощи́вый вся́ а́дова ца́рствія, и явля́ется апо́столомъ, ра́дость подава́я вѣ́чнующую. (л. 98 об.) Бѣлообра́зенъ ви́дѣнъ бы́сть жена́мъ блиста́яйся а́нгелъ: не ктому́ пла́чите, жи́знь ва́ша воста́, су́щия во гробѣ́хъ ме́ртвыя оживи́вшая. Разсла́бленнаго я́ко воздви́глъ еси́ Христе́, разсла́бленную мою́ ду́шу преступле́ньми оздра́ви, и ше́ствовати мнѣ́ твоя́ пра́выя стези́ споспѣшеству́й. Арха́нгелу міхаи́лу: А́нгеловъ наста́вниче міхаи́ле, собира́ющияся въ хра́мѣ твое́мъ лю́ди дне́сь, и проповѣ́дающия бо́жія вели́чія спаса́й. Сла́ва: тро́иченъ: Равноче́стная тричи́сленная еди́нице, раздѣля́емая у́бо вѣ́рно ипоста́сьми, соединя́емая же естество́мъ е́сть, оте́цъ, сы́нъ и боже́ственный ду́хъ. И ны́нѣ: богоро́диченъ: Безсѣ́менное рождество́ твое́ чи́стая, непостижи́мое пое́мъ рожде́ніе, блажа́ще тя́ я́ко ма́терь творца́ всѣ́хъ и влады́ки. Пѣ́снь 6. Ірмо́съ: Глубина́ страсте́й воста́ на мя́, и бу́ря проти́вныхъ вѣ́тровъ: но предвари́въ мя́ ты́ спаси́ Cпа́се, и изба́ви отъ тли́, я́ко спа́слъ еси́ отъ звѣ́ря проро́ка. Вознесы́йся во́лею на дре́во, положи́лся еси́ я́ко ме́ртвъ во гро́бѣ, и су́щия во а́дѣ ме́ртвыя вся́ вку́пѣ оживи́въ Христе́, воскреси́лъ еси́ боже́ственною си́лою. А́дъ срѣ́тъ тя́ ще́дре до́лѣ огорчи́ся, свя́занныя отдава́я со тща́ніемъ, твое́ стра́шное пою́щия Cпа́се воскресе́ніе, во гла́сѣхъ немо́лчныхъ. (л. 99) Боже́ственніи ученицы́, ви́дѣвше жи́знь всѣ́хъ изъ гро́ба воста́вша Христа́, любо́вію мно́гою, и нра́вомъ пра́вымъ, и весе́ліемъ душе́внымъ покланя́хуся. Дре́вле на одрѣ́ болѣ́зненномъ, въ лѣ́тѣхъ мно́зѣхъ слежа́й, твои́мъ Христе́ повелѣ́ніемъ исцѣлѣ́въ, сла́витъ воспѣва́я благоутро́біе твое́, жизнода́телю. Арха́нгелу міхаи́лу: А́нгеловъ наста́вниче міхаи́ле, предстоя́й престо́лу влады́чню, пріиди́ посредѣ́ на́съ, наставля́я къ стезя́мъ жи́зни, тебе́ предста́теля те́пла стяжа́вшихъ. Сла́ва: тро́иченъ: Тро́ицу ли́цы тя́ чту́, еди́ницу же существо́мъ проповѣ́даю, безнача́льне о́тче, сы́не, душе пра́вый: боже всѣ́хъ, съ вы́шними стра́шными во́инствы. И ны́нѣ: богоро́диченъ: Вся́ боже́ственнымъ манове́ніемъ нося́й, держи́мь е́сть богоро́дице дѣ́во во объя́тіяхъ твои́хъ, всѣ́хъ на́съ восхища́я, отъ руки́ рабо́ты лука́ваго, я́ко ще́дръ. Славосло́віе вели́кое. Тропа́рь воскре́снъ, ектеніи́, и отпу́стъ, и исхожде́ніе въ притво́ръ. Сла́ва, и ны́нѣ: Стіхи́ра ева́нгельская, гла́съ 3: Магдали́нѣ марі́и, спасово благовѣству́ющей изъ ме́ртвыхъ воскресе́ніе и явле́ніе, не вѣ́рующе же ученицы́, поноси́ми бы́ша о жестосе́рдіи: но зна́меньми вооружи́вшеся и чудесы́, ко проповѣ́данію посыла́хуся. и ты́ у́бо Го́споди, къ нача́льному свѣ́ту возне́слся еси́ отцу́: они́ же проповѣ́даша всю́ду сло́во, чудесы́ увѣря́юще. тѣ́мже просвѣти́вшеся тѣ́ми, сла́вимъ твое́ е́же изъ ме́ртвыхъ воскресе́ніе, человѣколю́бче Го́споди. И поуче́ніе студі́тово. И коне́чный отпу́стъ. Ча́съ 1. На часѣ́хъ тропа́рь воскре́сенъ. По трисвя́то́мъ конда́къ тріо́ди: Ду́шу мою́ Го́споди: На літургі́и блаже́нна гла́са, гла́съ 3, на 4: Отве́ргшаго Христе́ за́повѣдь твою́, пра́отца ада́ма изъ рая́ изгна́лъ еси́: разбо́йника же ще́дре, исповѣ́давша тя́ на кре́стѣ́, во́нь всели́лъ еси́, зову́ща: помяни́ мя Cпа́се, во ца́рствіи твое́мъ. (л. 103 об.) Воскре́съ изъ ме́ртвыхъ, совоскреси́лъ еси́ на́съ отъ страсте́й воскресе́ніемъ твои́мъ Го́споди: сме́ртную же всю́ си́лу погуби́лъ еси́ Cпа́се. сего́ ра́ди вѣ́рою ти́ зове́мъ: помяни́ и на́съ во ца́рствіи твое́мъ. Тридне́внымъ твои́мъ погребе́ніемъ, я́же во а́дѣ умерщвле́нныя, я́ко Бо́гъ оживотвори́вый совоздви́глъ еси́, и нетлѣ́ніе всѣ́мъ я́ко бла́гъ источи́лъ еси́ на́мъ, вѣ́рою зову́щимъ всегда́: помяни́ и на́съ во ца́рствіи твое́мъ. Согрѣ́шшихъ на́съ сме́ртною осуди́лъ еси́ кля́твою, жизнода́вче и Го́споди: тѣ́ломъ же твои́мъ безгрѣ́шне влады́ко пострада́въ, сме́ртныя оживи́лъ еси́, зову́щия: помяни́ и на́съ во ца́рствіи твое́мъ. И отъ кано́на пѣ́снь 6-я, на 4. По вхо́дѣ тропа́рь воскре́сенъ: Сла́ва, конда́къ тріо́ди. И ны́нѣ: па́схи: А́ще и во гро́бъ: Хра́ма же Христо́ва, и богоро́дицы, и святы́хъ, тропаря́ и кондака́ не глаго́лемъ. Прокі́менъ, гла́съ 1: Бу́ди Го́споди ми́лость твоя́ на на́съ, я́коже упова́хомъ на тя́. Сті́хъ: Ра́дуйтеся пра́ведніи о Го́сподѣ: пра́вымъ подоба́етъ похвала́. Апо́столъ дѣя́ній, зача́ло 23: Бы́сть петру́ посѣща́ющу всѣ́хъ: Аллилу́іа, гла́съ 5: Ми́лости твоя́ Го́споди во вѣ́къ воспою́. Сті́хъ: Зане́ ре́клъ еси́: въ вѣ́къ ми́лость сози́ждется. Ева́нгеліе іоа́нна, зача́ло 14: Взы́де Іису́съ во іерусали́мъ: Прича́стный: Тѣ́ло Христо́во: Другі́й: Хвали́те Го́спода съ небе́съ: [зри́] Подоба́етъ вѣ́дати, я́ко вослѣ́дованіе разсла́бленнаго пое́тся въ недѣ́лю, въ понедѣ́льникъ: во вто́рникъ же отдае́тся.

    www.церковно-славянская-библия.рф
    X
    Откровение Святого Иоанна Богослова - Апокалипсис Пяток первой седмицы 3 иоанна • www.церковно-славянская-библия.рф третье соборное послание святого иоанна богослова Книга Товита Последование вечерни - Вечерня. Церковно-славянский язык. Святая Пятидесятница holy pentecost Вознесение ascension. Церковно-славянский язык Евангелие. Сказания о чтении евангелия Прп. Ефрем Сирин. Толкование на послания божественного Павла. Второе послание к Коринфянам 2 паралипоменон • www.церковно-славянская-библия.рф 2 паралипоменон Седмица ваий (с понедельника по пяток) Книга Пророка Софонии
     

    54.81.198.150