Малое повечерие Small Compline   ЧИСТЫЙ ИНТЕРНЕТ о Библии
1
есфирь • www.церковно-славянская-библия.рф эсфирь к титу • www.церковно-славянская-библия.рф к титу послание святого апостола павла Шестая седмица по Пасхе (с понедельника по субботу) the sixth week after pascha (monday through saturday). Церковно-славянский язык премудрости соломона • www.церковно-славянская-библия.рф книга премудрости царя Соломона Первая Книга Ездры исаия • www.церковно-славянская-библия.рф пророк Исайя Иосифовы трипеснцы Деяния Святых Апостолов (Деян) От Марка Святое Благовествование варух • www.церковно-славянская-библия.рф пророк Варух

Малое повечерие

.

Текст малого повечерия

.

малое повечерие текст цся


Читать на телефоне. Opera Mini
Wed, 24 May 2017 04:16:38 GMT
  • "КОГДА КРЕСТИТЬСЯ, КОГДА КЛАНЯТЬСЯ" В наше время...
  • 9. В Великий пост на великом повечерии при пении «Пресвятая Владычице...» — на каждом
    http://vk.com/wall66622676_7169
    Wed, 24 May 2017 11:03:32 GMT
  • Вознесение Господне
  • ...у «Стопочки», проходит вечерня и повечерие.
    http://zhiganigor.livejournal.com/11281.html
    Fri, 26 May 2017 11:02:45 GMT
  • КАК МУЧАЮТСЯ ДЕТИ ИЗ-ЗА РОДИТЕЛЕЙ Преподобный Паисий...
  • ...предначинательный псалом [3], дома читает вечерню, повечерие, поёт молебный канон. Как Бог расставил все по своим местам! Диавол хотел сделать зло, но Бог, сглаживая это зло то с...
    http://vk.com/wall369912803_1013
    Sat, 20 May 2017 15:45:56 GMT
  • Расписание богослужений. 22 мая, понедельник. ПЕРЕНЕСЕНИЕ...
  • 12:00 Малое Повечерие.
    http://vk.com/wall-16082060_1896
    Sat, 20 May 2017 15:42:34 GMT
  • Расписание богослужений. 22 мая, понедельник. ПЕРЕНЕСЕНИЕ...
  • 12:00 Малое Повечерие.
    http://vk.com/wall-16082060_1895
    Thu, 25 May 2017 20:00:22 GMT
  • ЧТО БОГ ПОСЛАЛ Епископу из Орла подарили внедорожник...
  • Это нисколько не является характеристикой духовной жизни человека, если этот человек
    http://vk.com/wall-120367381_93704
    Mon, 22 May 2017 18:29:00 GMT
  • Куда исчез с Подола Киево-Братский монастырь. В конце ХVI века...
  • ― Монастырь женский. Настоятельница ― игуменья Глафира. Сестер пока мало, но и погони за ними нет.
    http://vk.com/wall-48572919_10229
    Thu, 25 May 2017 02:13:27 GMT
  • Трансляция богослужений русской православной...
  • 25:40). В обращении твоем с ближними содержи в памяти это изречение Евангелия, и соделаешься наперсником любви к ближнему.
    http://vk.com/wall375582946_3628
    Fri, 26 May 2017 10:32:19 GMT
  • Как мучаются дети из-за родителей (святой Паисий Святогорец)...
  • ...предначинательный псалом [3], дома читает вечерню, повечерие, поёт молебный канон. Как Бог расставил все по своим местам! Диавол хотел сделать зло, но Бог, сглаживая это зло то с...
    http://vk.com/wall-136851086_3434
    Wed, 24 May 2017 19:30:02 GMT
  • С праздником святых кирилла и мефодия, учителей...
  • Они переводят Псалтырь, они переводят Паремии, они переводят Божественную Литургию, службу повечерия, вечеря, то есть весь часослов. Но при этом они понимают...
    http://vk.com/wall-46271419_18429
    www.церковно-славянская-библия.рф
    Они переводят Псалтырь, они переводят Паремии, они переводят Божественную Литургию, службу повечерия, вечеря, то есть весь часослов. Но при этом они понимают...
  • малое повечерие цся — Рамблер/поиск
  • ru.wikipedia.org/.../

    Повече́рие, у старообрядцев па́вечерница (греч. Απόδειπνον — «после ве́чери, ужина») .... Во все прочие дни, по Уставу, должно совершаться малоеповечерие, представляющее собой значительное сокращение великого. ... Начало с Богом великаго повечерия Церковнославянский перевод текста повечерия ...

    lib.pravmir.ru/library/book/1866

    ... Молитвы в трапезе · Великое повечерие · Малое повечерие · Кафисма 17 · Отпустительные воскресные, восьми гласов, с Богородичными и ипакои их.

    azbyka.ru/bogosluzhenie/chasoslov/chas20.shtml

    МАЛОЕ ПОВЕЧЕРИЕ. Глаголет священник: Благословен Бог наш всегда, ныне и присно, и во веки веков. Священник: Благословен Бог наш всегда, ныне ...

    azbyka.ru/bogosluzhenie/chasoslov/chas.shtml

    Чин о панагии. • Час девятый. • Междочасие девятого часа. • Вечерня. • Молитвы вечерней трапезы. • Великое повечерие. • Малое повечерие ...

    liturgy.ru/.../

    ... Последование изобразительных · Чин о панагии · Час девятый · Последование вечерни · Молитвы в трапезе · Великое повечерие · Малоеповечерие ...

    drevo-info.ru/articles/12655.html

    5 авг 2016 ...Повечерие бывает малое и великое. Малое совершается во все дни, кроме Великого поста и праздников Рождества Христова и ...

    krotov.info/.../worship/kanonnik/povecher_mal.html

    Малое повечерие. Молитвами святых отец наших: Аминь. Слава Тебе, Боже наш, слава Тебе. Царю Небесный, Утешителю, Душе Истинный, Иже ...

    церковно-славянская-библия.рф/12_Small....docs.htm

    Малое повечерие текст ЦСЯ. ... Вечерня в Спасо-Преображенском соборе, малое повечерие с трехканонником и акафистом. Ужин в паломнической ...

    predanie.ru/bez-avtora/book/99469-chasoslov-csl

    Малое повечерие - Великое повечерие - Чин о панагии - Молитвы трапезы. В приложение входят: тропари и кондаки, богородичны, троичны, светильны ...

    wertograd.org/map.htm

    Чин о панагии. • Час девятый. • Междочасие девятого часа. • Вечерня. • Молитвы вечерней трапезы. • Великое повечерие. • Малое повечерие ...

    Поисковая технология 

    Let's block ads! (Why?)


    http://nova.rambler.ru/search?query=%D0%BC%D0%B0%D0%BB%D0%BE%D0%B5%20%D0%BF%D0%BE%D0%B2%D0%B5%D1%87%D0%B5%D1%80%D0%B8%D0%B5%20%D1%86%D1%81%D1%8F&adult=none


    (с. 170)
    Нача́ло съ бг҃омъ вели́кагѡ повече́рїѧ
    Глаго́летъ сщ҃е́нникъ: Бл҃гослове́нъ бг҃ъ на́шъ:
    И҆ начина́ютъ бра́тїѧ:
    Сла́ва тебѣ̀ бж҃е на́шъ, сла́ва тебѣ̀.
    Цр҃ю̀ нбⷭ҇ный: Трист҃о́е. Прест҃а́ѧ трⷪ҇це: Ѻ҆́ч҃е на́шъ. Гдⷭ҇и поми́лꙋй, в҃і.
    Прїиди́те поклони́мсѧ: три́жды.
    И҆ а҆́бїе, а҆́ще є҆́сть пе́рваѧ седми́ца вели́кїѧ четыредесѧ́тницы, начина́емъ: Бж҃е, въ по́мощь мою̀ вонмѝ: И҆ и҆спо́лнившꙋсѧ семꙋ̀, пое́мъ вели́кїй канѡ́нъ.
    А҆́ще же нѝ, начина́емъ си́це:
    Внегда̀ призва́ти мѝ, ᲂу҆слы́ша мѧ̀ бг҃ъ пра́вды моеѧ̀: въ ско́рби распространи́лъ мѧ̀ є҆сѝ. Оу҆ще́дри мѧ̀, и҆ ᲂу҆слы́ши мл҃твꙋ мою̀. Сы́нове человѣ́честїи, доко́лѣ тѧжкосе́рдїи; (с. 171) вскꙋ́ю лю́бите сꙋетꙋ̀, и҆ и҆́щете лжѝ; И҆ ᲂу҆вѣ́дите, ꙗ҆́кѡ ᲂу҆дивѝ гдⷭ҇ь прпⷣбнаго своего̀: гдⷭ҇ь ᲂу҆слы́шитъ мѧ̀, внегда̀ воззва́ти мѝ къ немꙋ̀. Гнѣ́вайтесѧ, и҆ не согрѣша́йте: ꙗ҆̀же глаго́лете въ сердца́хъ ва́шихъ, на ло́жахъ ва́шихъ ᲂу҆мили́тесѧ. Пожри́те же́ртвꙋ пра́вды, и҆ ᲂу҆пова́йте на гдⷭ҇а. Мнѡ́зи глаго́лютъ: кто̀ ꙗ҆ви́тъ на́мъ бл҃га̑ѧ; зна́менасѧ на на́съ свѣ́тъ лица̀ твоегѡ̀, гдⷭ҇и. Да́лъ є҆сѝ весе́лїе въ се́рдцѣ мое́мъ, ѿ плода̀ пшени́цы, вїна̀ и҆ є҆ле́а своегѡ̀ ᲂу҆мно́жишасѧ. Въ ми́рѣ вкꙋ́пѣ ᲂу҆снꙋ̀ и҆ почі́ю: ꙗ҆́кѡ ты̀ гдⷭ҇и, є҆ди́наго на ᲂу҆пова́нїи всели́лъ мѧ̀ є҆сѝ.
    Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ. Поми́лꙋй мѧ̀ гдⷭ҇и, ꙗ҆́кѡ не́мощенъ є҆́смь: и҆сцѣли́ мѧ (с. 172) гдⷭ҇и, ꙗ҆́кѡ смѧто́шасѧ кѡ́сти моѧ̑. И҆ дꙋша̀ моѧ̀ смѧте́сѧ ѕѣлѡ̀: и҆ ты̀ гдⷭ҇и, доко́лѣ; Ѡ҆брати́сѧ гдⷭ҇и, и҆зба́ви дꙋ́шꙋ мою̀, сп҃си́ мѧ ра́ди млⷭ҇ти твоеѧ̀: Ꙗ҆́кѡ нѣ́сть въ сме́рти помина́ѧй тебѐ, во а҆́дѣ же кто̀ и҆сповѣ́стсѧ тебѣ̀; Оу҆трꙋди́хсѧ воздыха́нїемъ мои́мъ, и҆змы́ю на всѧ́кꙋ но́щь ло́же моѐ, слеза́ми мои́ми посте́лю мою̀ ѡ҆мочꙋ̀. Смѧте́сѧ ѿ ꙗ҆́рости ѻ҆́ко моѐ, ѡ҆бетша́хъ во всѣ́хъ вразѣ́хъ мои́хъ. Ѿстꙋпи́те ѿ менѐ всѝ дѣ́лающїи беззако́нїе, ꙗ҆́кѡ ᲂу҆слы́ша гдⷭ҇ь гла́съ пла́ча моегѡ̀. Оу҆слы́ша гдⷭ҇ь моле́нїе моѐ, гдⷭ҇ь мл҃твꙋ мою̀ прїѧ́тъ. Да постыдѧ́тсѧ, и҆ смѧтꙋ́тсѧ всѝ вразѝ моѝ: да возвратѧ́тсѧ, и҆ ᲂу҆стыдѧ́тсѧ ѕѣлѡ̀ вско́рѣ.
    Доко́лѣ, гдⷭ҇и, забꙋ́деши мѧ̀ до конца̀; доко́лѣ ѿвраща́еши лицѐ твоѐ (с. 174) ѿ менѐ; Доко́лѣ положꙋ̀ совѣ́ты въ дꙋшѝ мое́й, болѣ̑зни въ се́рдцѣ мое́мъ де́нь и҆ но́щь; Доко́лѣ вознесе́тсѧ вра́гъ мо́й на мѧ̀; При́зри, ᲂу҆слы́ши мѧ̀ гдⷭ҇и бж҃е мо́й, просвѣтѝ ѻ҆́чи моѝ, да не когда̀ ᲂу҆снꙋ̀ въ сме́рть. Да не когда̀ рече́тъ вра́гъ мо́й: ᲂу҆крѣпи́хсѧ на него̀. Стꙋжа́ющїи мѝ возра́дꙋютсѧ, а҆́ще подви́жꙋсѧ. А҆́зъ же на млⷭ҇ть твою̀ ᲂу҆пова́хъ: возра́дꙋетсѧ се́рдце моѐ ѡ҆ сп҃се́нїи твое́мъ. Воспою̀ гдⷭ҇еви бл҃годѣ́ѧвшемꙋ мнѣ̀, и҆ пою̀ и҆́мени гдⷭ҇а вы́шнѧгѡ. При́зри, ᲂу҆слы́ши мѧ̀ гдⷭ҇и бж҃е мо́й, просвѣтѝ ѻ҆́чи моѝ, да не когда̀ ᲂу҆снꙋ̀ въ сме́рть: Да не когда̀ рече́тъ вра́гъ мо́й: ᲂу҆крѣпи́хсѧ на него̀.
    Сла́ва, и҆ ны́нѣ:
    А҆ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды. И҆ покло́ны г҃. (с. 174)
    Гдⷭ҇и поми́лꙋй, три́жды.
    Сла́ва и҆ ны́нѣ:
    Къ тебѣ̀ гдⷭ҇и, воздвиго́хъ дꙋ́шꙋ мою̀, бж҃е мо́й на тѧ̀ ᲂу҆пова́хъ, да не постыжꙋ́сѧ во вѣ́къ, нижѐ да посмѣю́тъ ми сѧ вразѝ моѝ: И҆́бо всѝ терпѧ́щїи тѧ̀, не постыдѧ́тсѧ. Да постыдѧ́тсѧ беззако́ннꙋющїи вотщѐ. Пꙋти̑ твоѧ̑ гдⷭ҇и, скажи́ ми, и҆ стезѧ́мъ твои̑мъ наꙋчи́ мѧ. Наста́ви мѧ̀ на и҆́стинꙋ твою̀, и҆ наꙋчи́ мѧ: ꙗ҆́кѡ ты̀ є҆сѝ бг҃ъ сп҃съ мо́й, и҆ тебѐ терпѣ́хъ ве́сь де́нь. Помѧнѝ щедрѡ́ты твоѧ̑ гдⷭ҇и, и҆ млⷭ҇ти твоѧ̑, ꙗ҆́кѡ ѿ вѣ́ка сꙋ́ть. Грѣ̑хъ ю҆́ности моеѧ̀, и҆ невѣ́дѣнїѧ моегѡ̀ не помѧнѝ, по млⷭ҇ти твое́й помѧни́ мѧ ты̀, ра́ди бл҃гости твоеѧ̀ гдⷭ҇и. Бл҃гъ и҆ пра́въ гдⷭ҇ь, сегѡ̀ ра́ди законоположи́тъ согрѣша́ющымъ на пꙋтѝ. Наста́витъ крѡ́ткїѧ на сꙋ́дъ, (с. 175) наꙋчи́тъ крѡ́ткїѧ пꙋтє́мъ свои̑мъ. Всѝ пꙋтїѐ гдⷭ҇ни млⷭ҇ть и҆ и҆́стина, взыска́ющымъ завѣ́та є҆гѡ̀ и҆ свидѣ́нїѧ є҆гѡ̀. Ра́ди и҆́мене твоегѡ̀ гдⷭ҇и, и҆ ѡ҆чи́сти грѣ́хъ мо́й, мно́гъ бо є҆́сть. Кто́ є҆сть человѣ́къ боѧ́йсѧ гдⷭ҇а; законоположи́тъ є҆мꙋ̀ на пꙋтѝ, є҆го́же и҆зво́ли. Дꙋша̀ є҆гѡ̀ во бл҃ги́хъ водвори́тсѧ, и҆ сѣ́мѧ є҆гѡ̀ наслѣ́дитъ зе́млю. Держа́ва гдⷭ҇ь боѧ́щихсѧ є҆гѡ̀, и҆ завѣ́тъ є҆гѡ̀ ꙗ҆ви́тъ и҆̀мъ. Ѻ҆́чи моѝ вы́нꙋ ко гдⷭ҇ꙋ, ꙗ҆́кѡ то́й и҆сто́ргнетъ ѿ сѣ́ти но́зѣ моѝ. При́зри на мѧ̀, и҆ поми́лꙋй мѧ̀, ꙗ҆́кѡ є҆диноро́дъ и҆ ни́щъ є҆́смь а҆́зъ. Скѡ́рби се́рдца моегѡ̀ ᲂу҆мно́жишасѧ, ѿ нꙋ́ждъ мои́хъ и҆зведи́ мѧ. Ви́ждь смире́нїе моѐ и҆ трꙋ́дъ мо́й, и҆ ѡ҆ста́ви всѧ̑ грѣхѝ моѧ̑. Ви́ждь врагѝ моѧ̑, ꙗ҆́кѡ ᲂу҆мно́жишасѧ, и҆ ненавидѣ́нїемъ непра́веднымъ возненави́дѣша мѧ̀. (с. 176) Сохранѝ дꙋ́шꙋ мою̀, и҆ и҆зба́ви мѧ̀, да не постыжꙋ́сѧ, ꙗ҆́кѡ ᲂу҆пова́хъ на тѧ̀. Неѕло́бивїи и҆ пра́вїи прилѣплѧ́хꙋсѧ мнѣ̀, ꙗ҆́кѡ потерпѣ́хъ тѧ̀ гдⷭ҇и. И҆зба́ви бж҃е, і҆и҃лѧ ѿ всѣ́хъ скорбе́й є҆гѡ̀.
    На тѧ̀ гдⷭ҇и ᲂу҆пова́хъ, да не постыжꙋ́сѧ во вѣ́къ, пра́вдою твое́ю и҆зба́ви мѧ̀, и҆ и҆зми́ мѧ. Приклонѝ ко мнѣ̀ ᲂу҆́хо твоѐ, ᲂу҆скорѝ и҆з̾ѧ́ти мѧ̀. бꙋ́ди мѝ въ бг҃а защи́тителѧ, и҆ въ до́мъ прибѣ́жища, є҆́же сп҃сти́ мѧ. Ꙗ҆́кѡ держа́ва моѧ̀, и҆ прибѣ́жище моѐ є҆сѝ ты̀: и҆ и҆́мене твоегѡ̀ ра́ди наста́виши мѧ̀, и҆ препита́еши мѧ̀. И҆зведе́ши мѧ̀ ѿ сѣ́ти сеѧ̀, ю҆́же скры́ша мѝ: ꙗ҆́кѡ ты̀ є҆сѝ защи́титель мо́й гдⷭ҇и. Въ рꙋ́цѣ твоѝ предложꙋ̀ дꙋ́хъ мо́й: и҆зба́вилъ мѧ̀ є҆сѝ гдⷭ҇и бж҃е и҆́стины. Возненави́дѣлъ є҆сѝ хранѧ́щыѧ сꙋеты̀ вотщѐ: а҆́зъ же на гдⷭ҇а (с. 177) ᲂу҆пова́хъ. Возра́дꙋюсѧ и҆ возвеселю́сѧ ѡ҆ млⷭ҇ти твое́й, ꙗ҆́кѡ призрѣ́лъ є҆сѝ на смире́нїе моѐ, спа́слъ є҆сѝ ѿ нꙋ́ждъ дꙋ́шꙋ мою̀. И҆ нѣ́си менѐ затвори́лъ въ рꙋка́хъ вра́жїихъ, поста́вилъ є҆сѝ на простра́ннѣ но́зѣ моѝ. Поми́лꙋй мѧ̀ гдⷭ҇и, ꙗ҆́кѡ скорблю̀, смѧте́сѧ ꙗ҆́ростїю ѻ҆́ко моѐ, дꙋша̀ моѧ̀ и҆ ᲂу҆тро́ба моѧ̀. Ꙗ҆́кѡ и҆счезѐ въ болѣ́зни живо́тъ мо́й, и҆ лѣ̑та моѧ̑ въ воздыха́нїихъ: и҆знемо́же нището́ю крѣ́пость моѧ̀, и҆ кѡ́сти моѧ̑ смѧто́шасѧ. Ѿ всѣ́хъ вра̑гъ мои́хъ бы́хъ поноше́нїе, и҆ сосѣ́дѡмъ мои̑мъ ѕѣлѡ̀, и҆ стра́хъ зна́ємымъ мои̑мъ: ви́дѧщїи мѧ̀ во́нъ бѣжа́ша ѿ менѐ. Забве́нъ бы́хъ ꙗ҆́кѡ ме́ртвъ ѿ се́рдца, бы́хъ ꙗ҆́кѡ сосꙋ́дъ погꙋбле́нъ. Ꙗ҆́кѡ слы́шахъ гажде́нїе мно́гихъ живꙋ́щихъ ѻ҆́крестъ: внегда̀ собра́тисѧ и҆̀мъ вкꙋ́пѣ на мѧ̀, (с. 178) прїѧ́ти дꙋ́шꙋ мою̀ совѣща́ша. А҆́зъ же на тѧ̀ гдⷭ҇и ᲂу҆пова́хъ, рѣ́хъ: ты̀ є҆сѝ бг҃ъ мо́й. Въ рꙋкꙋ̀ твоє́ю жре́бїи моѝ, и҆зба́ви мѧ̀ и҆з̾ рꙋкѝ вра̑гъ мои́хъ, и҆ ѿ гонѧ́щихъ мѧ̀. Просвѣтѝ лицѐ твоѐ на раба̀ твоего̀, сп҃си́ мѧ млⷭ҇тїю твое́ю. Гдⷭ҇и, да не постыжꙋ́сѧ, ꙗ҆́кѡ призва́хъ тѧ̀, да постыдѧ́тсѧ нечести́вїи, и҆ сни́дꙋтъ во а҆́дъ. Нѣ́мы да бꙋ́дꙋтъ ᲂу҆стны̀ льсти̑выѧ, глаго́лющыѧ на пра́веднаго беззако́нїе, горды́нею и҆ ᲂу҆ничиже́нїемъ. Ко́ль мно́гое мно́жество бл҃гости твоеѧ̀ гдⷭ҇и, ю҆́же скры́лъ є҆сѝ боѧ́щымсѧ тебѐ, содѣ́лалъ є҆сѝ ᲂу҆пова́ющымъ на тѧ̀, пред̾ сы́ны человѣ́ческими. Скры́еши и҆̀хъ въ та́йнѣ лица̀ твоегѡ̀ ѿ мѧте́жа человѣ́ческа: покры́еши и҆̀хъ въ кро́вѣ ѿ прерѣка́нїѧ ꙗ҆зы̑къ. Бл҃гослове́нъ гдⷭ҇ь, ꙗ҆́кѡ ᲂу҆дивѝ млⷭ҇ть свою̀ во гра́дѣ (с. 179) ѡ҆гражде́нїѧ. А҆́зъ же рѣ́хъ во и҆зстꙋпле́нїи мое́мъ, ѿве́рженъ є҆́смь ѿ лица̀ ѻ҆́чїю твое́ю: сегѡ̀ ра́ди ᲂу҆слы́шалъ є҆сѝ гла́съ мл҃твы моеѧ̀, внегда̀ воззва́хъ къ тебѣ̀. Возлюби́те гдⷭ҇а всѝ прпⷣбнїи є҆гѡ̀, ꙗ҆́кѡ и҆́стины взыска́етъ гдⷭ҇ь и҆ воздае́тъ и҆зли́ше творѧ́щымъ горды́ню. Мꙋжа́йтесѧ, и҆ да крѣпи́тсѧ се́рдце ва́ше, всѝ ᲂу҆пова́ющїи на гдⷭ҇а.
    Живы́й въ по́мощи вы́шнѧгѡ, въ кро́вѣ бг҃а нбⷭ҇нагѡ водвори́тсѧ. Рече́тъ гдⷭ҇еви: застꙋ́пникъ мо́й є҆сѝ, и҆ прибѣ́жище моѐ, бг҃ъ мо́й, и҆ ᲂу҆пова́ю на него̀. Ꙗ҆́кѡ то́й и҆зба́витъ тѧ̀ ѿ сѣ́ти ло́вчи, и҆ ѿ словесѐ мѧте́жна. Плещма̀ свои́ма ѡ҆сѣни́тъ тѧ̀, и҆ под̾ крилѣ̀ є҆гѡ̀ надѣ́ешисѧ. Ѻ҆рꙋ́жїемъ ѡ҆бы́детъ тѧ̀ и҆́стина є҆гѡ̀, не ᲂу҆бои́шисѧ ѿ стра́ха нощна́гѡ, ѿ стрѣлы̀ летѧ́щїѧ во днѝ, ѿ ве́щи во тьмѣ̀ (с. 180) преходѧ́щїѧ, ѿ срѧ́ща и҆ бѣ́са полꙋ́деннагѡ. Паде́тъ ѿ страны̀ твоеѧ̀ ты́сѧща, и҆ тьма̀ ѡ҆деснꙋ́ю тебѐ, къ тебѣ́ же не прибли́житсѧ. Ѻ҆ба́че ѻ҆чи́ма твои́ма смо́триши, и҆ воздаѧ́нїе грѣ́шникѡвъ ᲂу҆́зриши. Ꙗ҆́кѡ ты̀ гдⷭ҇и, ᲂу҆пова́нїе моѐ, вы́шнѧго положи́лъ є҆сѝ прибѣ́жище твоѐ. Не прїи́детъ къ тебѣ̀ ѕло̀, и҆ ра́на не прибли́житсѧ тѣлесѝ твоемꙋ̀. Ꙗ҆́кѡ а҆́гг҃лѡмъ свои̑мъ заповѣ́сть ѡ҆ тебѣ̀, сохрани́ти тѧ̀ во всѣ́хъ пꙋте́хъ твои́хъ. На рꙋка́хъ во́змꙋтъ тѧ̀, да не когда̀ преткне́ши ѡ҆ ка́мень но́гꙋ твою̀. На а҆́спїда и҆ васїлі́ска настꙋ́пиши, и҆ попере́ши льва̀ и҆ ѕмі́ѧ. Ꙗ҆́кѡ на мѧ̀ ᲂу҆пова̀, и҆ и҆зба́влю и҆̀: покры́ю и҆̀, ꙗ҆́кѡ позна̀ и҆́мѧ моѐ: Воззове́тъ ко мнѣ̀, и҆ ᲂу҆слы́шꙋ є҆го̀: съ ни́мъ є҆́смь въ ско́рби, и҆змꙋ̀ є҆го̀: и҆ просла́влю є҆го̀: (с. 181) Долгото́ю дне́й и҆спо́лню є҆го̀, и҆ ꙗ҆влю̀ є҆мꙋ̀ сп҃се́нїе моѐ.
    Сла́ва, и҆ ны́нѣ:
    А҆ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды.
    Гдⷭ҇и поми́лꙋй, три́жды.
    Сла́ва, и҆ ны́нѣ:
    А҆́ще є҆́сть по́стъ, покло́ны трѝ. Та́же начина́емъ глаго́лати стїхѝ со сладкопѣ́нїемъ, не ско́рѡ, и҆ вели́кимъ гла́сомъ.
    Пе́рвый ли́къ:
    Съ на́ми бг҃ъ, разꙋмѣ́йте ꙗ҆зы́цы, и҆ покарѧ́йтесѧ: Ꙗ҆́кѡ съ на́ми бг҃ъ.
    Вторы́й ли́къ, то́жде.
    Та́же по чи́нꙋ кі́йждо ли́къ сво́й сті́хъ.
    Пе́рвый ли́къ:
    Оу҆слы́шите до послѣ́днихъ землѝ: Ꙗ҆́кѡ съ на́ми бг҃ъ. (с. 182)
    Вторы́й ли́къ:
    Могꙋ́щїи покарѧ́йтесѧ: Ꙗ҆́кѡ съ на́ми бг҃ъ.
    А҆́ще бо па́ки возмо́жете, и҆ па́ки побѣжде́ни бꙋ́дете: Ꙗ҆́кѡ съ на́ми бг҃ъ.
    И҆ и҆́же а҆́ще совѣ́тъ совѣщава́ете, разори́тъ гдⷭ҇ь: Ꙗ҆́кѡ съ на́ми бг҃ъ.
    И҆ сло́во, є҆́же а҆́ще возглаго́лете, не пребꙋ́детъ въ ва́съ: Ꙗ҆́кѡ съ на́ми бг҃ъ.
    Стра́ха же ва́шегѡ не ᲂу҆бои́мсѧ, нижѐ смꙋти́мсѧ: Ꙗ҆́кѡ съ на́ми бг҃ъ.
    Гдⷭ҇а же бг҃а на́шего того̀ ѡ҆ст҃и́мъ, и҆ то́й бꙋ́детъ на́мъ въ стра́хъ: Ꙗ҆́кѡ съ на́ми бг҃ъ.
    И҆ а҆́ще на него̀ надѣ́ѧсѧ бꙋ́дꙋ, бꙋ́детъ мнѣ̀ во ѡ҆сщ҃е́нїе: Ꙗ҆́кѡ съ на́ми бг҃ъ.
    И҆ ᲂу҆пова́ѧ бꙋ́дꙋ на него̀, и҆ спасꙋ́сѧ и҆́мъ: Ꙗ҆́кѡ съ на́ми бг҃ъ. (с. 183)
    Сѐ а҆́зъ и҆ дѣ́ти, ꙗ҆̀же мѝ дадѐ бг҃ъ: Ꙗ҆́кѡ съ на́ми бг҃ъ.
    Лю́дїе ходѧ́щїи во тьмѣ̀, ви́дѣша свѣ́тъ ве́лїй: Ꙗ҆́кѡ съ на́ми бг҃ъ.
    Живꙋ́щїи во странѣ̀ и҆ сѣ́ни сме́ртнѣй, свѣ́тъ возсїѧ́етъ на вы̀: Ꙗ҆́кѡ съ на́ми бг҃ъ.
    Ꙗ҆́кѡ ѻ҆троча̀ роди́сѧ на́мъ, сн҃ъ, и҆ даде́сѧ на́мъ: Ꙗ҆́кѡ съ на́ми бг҃ъ.
    Є҆гѡ́же нача́льство бы́сть на ра́мѣ є҆гѡ̀: Ꙗ҆́кѡ съ на́ми бг҃ъ.
    И҆ ми́ра є҆гѡ̀ нѣ́сть предѣ́ла: Ꙗ҆́кѡ съ на́ми бг҃ъ.
    И҆ нарица́етсѧ и҆́мѧ є҆гѡ̀, вели́ка совѣ́та а҆́гг҃лъ: Ꙗ҆́кѡ съ на́ми бг҃ъ.
    Чꙋ́денъ совѣ́тникъ: Ꙗ҆́кѡ съ на́ми бг҃ъ.
    Бг҃ъ крѣ́покъ, власти́тель, нача́льникъ ми́ра: Ꙗ҆́кѡ съ на́ми бг҃ъ. (с. 184)
    Ѻ҆ц҃ъ бꙋ́дꙋщагѡ вѣ́ка: Ꙗ҆́кѡ съ на́ми бг҃ъ.
    И҆спо́лнившымъ же сѧ стїхѡ́мъ, ꙗ҆́кѡ предрече́сѧ, пое́тсѧ.
    Съ на́ми бг҃ъ, разꙋмѣ́йте ꙗ҆зы́цы, и҆ покарѧ́йтесѧ: Ꙗ҆́кѡ съ на́ми бг҃ъ.
    И҆ па́ки є҆ди́ницею ѿ ѻ҆бою̀ ли̑кꙋ.
    Сла́ва: Пе́рвый ли́къ: Съ на́ми бг҃ъ:
    И҆ ны́нѣ: Вторы́й, то́жде.
    Та́же два̀ ли̑ка вкꙋ́пѣ:
    Ꙗ҆́кѡ съ на́ми бг҃ъ.
    И҆ а҆́бїе настоѧ́щыѧ тропарѝ.
    Пе́рвый ли́къ:
    Де́нь преше́дъ, бл҃годарю́ тѧ гдⷭ҇и, ве́черъ, прошꙋ̀, съ но́щїю без̾ грѣха̀ пода́ждь мѝ сп҃се, и҆ сп҃си́ мѧ.
    Вторы́й ли́къ. Сла́ва:
    Де́нь преше́дъ, славосло́влю тѧ̀ влⷣко, ве́черъ, прошꙋ̀, съ но́щїю безсобла́знство пода́ждь мѝ сп҃се, и҆ сп҃си́ мѧ. (с. 185)
    Два̀ ли̑ка. И҆ ны́нѣ:
    Де́нь преше́дъ, пѣсносло́влю тѧ̀ ст҃ы́й, ве́черъ, прошꙋ̀, съ но́щїю ненавѣ́тенъ пода́ждь мѝ сп҃се, и҆ спаси́ мѧ.
    Вкꙋ́пѣ два̀ ли̑ка:
    Безпло́тное є҆стество̀ херꙋві́мское, немо́лчными пѣ́сньми тѧ̀ славосло́вѧтъ. Шестокри̑льнаѧ живѡ́тнаѧ серафі́ми, непреста́нными гла́сы тѧ̀ превозно́сѧтъ: а҆́гг҃лѡвъ же всѧ̑ вѡ́инства трист҃ы́ми пѣ́сньми тѧ̀ восхвалѧ́ютъ. Пре́жде бо всѣ́хъ є҆сѝ сы́й ѻ҆ц҃ъ, и҆ собезнача́льна и҆́маши твоего̀ сн҃а: и҆ равноче́стна носѧ́й дх҃а жи́зни, трⷪ҇цы ꙗ҆влѧ́еши нераздѣ́льное. Прест҃а́ѧ дв҃о мт҃и бж҃їѧ, и҆ и҆̀же сло́ва самови́дцы и҆ слꙋги̑: прⷪ҇рѡ́къ же и҆ мч҃нкъ всѝ ли́цы, ꙗ҆́кѡ безсме́ртнꙋ и҆мꙋ́ще жи́знь: ѡ҆ всѣ́хъ (с. 186) моли́тесѧ прилѣ́жнѡ, ꙗ҆́кѡ всѝ є҆смы̀ въ бѣда́хъ. Да пре́лести и҆зба́вльшесѧ лꙋка́вагѡ, а҆́гг҃льскꙋю вопїе́мъ пѣ́снь: ст҃ы́й, ст҃ы́й, ст҃ы́й, трист҃ы́й гдⷭ҇и, поми́лꙋй и҆ сп҃сѝ на́съ, а҆ми́нь.
    И҆ а҆́бїе ни́зкимъ гла́сомъ:
    [а҃] Вѣ́рꙋю во є҆ди́наго бг҃а ѻ҆ц҃а̀ вседержи́телѧ, творца̀ нб҃ꙋ и҆ землѝ, ви̑димымъ же всѣ̑мъ и҆ неви̑димымъ. [в҃] И҆ во є҆ди́наго гдⷭ҇а і҆и҃са хрⷭ҇та̀, сн҃а бж҃їѧ, є҆диноро́днаго, и҆́же ѿ ѻ҆ц҃а̀ рожде́ннаго пре́жде всѣ́хъ вѣ̑къ. свѣ́та ѿ свѣ́та, бг҃а и҆́стинна, ѿ бг҃а и҆́стинна, рожде́нна, не сотворе́нна, є҆диносꙋ́щна ѻ҆ц҃ꙋ̀, и҆́мже всѧ̑ бы́ша. [г҃] На́съ ра́ди человѣ̑къ, и҆ на́шегѡ ра́ди сп҃се́нїѧ сше́дшаго съ нб҃съ, и҆ воплоти́вшагосѧ ѿ дх҃а ст҃а и҆ мр҃і́и дв҃ы, и҆ вочеловѣ́чшасѧ. [д҃] Распѧ́таго же за ны̀ при понті́йстѣмъ пїла́тѣ, и҆ страда́вша, (с. 187) и҆ погребе́на. [є҃] И҆ воскре́сшаго въ тре́тїй де́нь, по писа́нїємъ. [ѕ҃] И҆ возше́дшаго на нб҃са̀, и҆ сѣдѧ́ща ѡ҆деснꙋ́ю ѻ҆ц҃а̀. [з҃] И҆ па́ки грѧдꙋ́щаго со сла́вою сꙋди́ти живы̑мъ и҆ мє́ртвымъ, є҆гѡ́же црⷭ҇твїю не бꙋ́детъ конца̀.
    [и҃] И҆ въ дх҃а ст҃а́го, гдⷭ҇а животворѧ́щаго, и҆́же ѿ ѻ҆ц҃а̀ и҆сходѧ́щаго, и҆́же со ѻ҆ц҃е́мъ и҆ сн҃омъ спокланѧ́ема и҆ ссла́вима, глаго́лавшаго прⷪ҇ро́ки. [ѳ҃] Во є҆ди́нꙋ ст҃ꙋ́ю, собо́рнꙋю и҆ а҆пⷭ҇льскꙋю цр҃ковь. [і҃] И҆сповѣ́дꙋю є҆ди́но кр҃ще́нїе, во ѡ҆ставле́нїе грѣхѡ́въ. [а҃і]Ча́ю воскрⷭ҇нїѧ ме́ртвыхъ: [в҃і] И҆ жи́зни бꙋ́дꙋщагѡ вѣ́ка, а҆ми́нь.
    И҆ а҆́бїе, Прест҃а́ѧ: всѧ̑ глаго́лютсѧ по два́жды, кромѣ̀ Прест҃а́ѧ влⷣчце, є҆́же глаго́летсѧ три́жды.
    Прест҃а́ѧ влⷣчце бцⷣе, молѝ ѡ҆ на́съ грѣ́шныхъ. (с. 188)
    Всѧ̑ нбⷭ҇ныѧ си̑лы ст҃ы́хъ а҆́гг҃лъ и҆ а҆рха̑гг҃лъ моли́те ѡ҆ на́съ грѣ́шныхъ.
    Ст҃ы́й і҆ѡа́нне прⷪ҇ро́че, и҆ прⷣте́че, и҆ крⷭ҇ти́телю гдⷭ҇а на́шегѡ і҆и҃са хрⷭ҇та̀, молѝ ѡ҆ на́съ грѣ́шныхъ.
    Ст҃і́и сла́внїи а҆пⷭ҇ли, прⷪ҇ро́цы и҆ мч҃нцы, и҆ всѝ ст҃і́и, моли́те ѡ҆ на́съ грѣ́шныхъ.
    Прпⷣбнїи и҆ бг҃оно́снїи ѻ҆тцы̀ на́ши, па́стырїе и҆ ᲂу҆чи́телїе вселе́нныѧ, моли́те ѡ҆ на́съ грѣ́шныхъ.
    Здѣ́ же глаго́летсѧ и҆ ст҃ы́й хра́ма.
    Непобѣди́маѧ, и҆ непостижи́маѧ, и҆ бж҃е́ственнаѧ си́ло чⷭ҇тна́гѡ и҆ животворѧ́щагѡ крⷭ҇та̀, не ѡ҆ста́ви на́съ грѣ́шныхъ.
    Бж҃е, ѡ҆чи́сти на́съ грѣ́шныхъ.
    Бж҃е, ѡ҆чи́сти на́съ грѣ́шныхъ, и҆ поми́лꙋй на́съ.
    Та́же: Трист҃о́е. Прест҃а́ѧ трⷪ҇це: Ѻ҆́ч҃е на́шъ: (с. 189)
    И҆ пое́мъ тропарѝ сїѧ̑ въ понедѣ́льникъ и҆ въ сре́дꙋ ве́чера, во гла́съ в҃. [А҆́ще же прилꙋчи́тсѧ пра́здникъ, пое́мъ тропа́рь пра́здника.]
    Просвѣтѝ ѻ҆́чи моѝ хрⷭ҇тѐ бж҃е, да не когда̀ ᲂу҆снꙋ̀ въ сме́рть, да не когда̀ рече́тъ вра́гъ мо́й: ᲂу҆крѣпи́хсѧ на него̀.
    Сла́ва:
    Застꙋ́пникъ дꙋшѝ моеѧ̀ бꙋ́ди бж҃е, ꙗ҆́кѡ посредѣ̀ хождꙋ̀ сѣте́й мно́гихъ, и҆зба́ви мѧ̀ ѿ ни́хъ, и҆ сп҃си́ мѧ бл҃же, ꙗ҆́кѡ чл҃вѣколю́бецъ.
    И҆ ны́нѣ, бг҃оро́диченъ:
    Ꙗ҆́кѡ не и҆́мамы дерзнове́нїѧ за премнѡ́гїѧ грѣхѝ на́шѧ, ты̀ и҆́же ѿ тебѐ ро́ждшагосѧ молѝ, бцⷣе дв҃о: мно́гѡ бо мо́жетъ моле́нїе мт҃рнее ко бл҃госе́рдїю влⷣки. не пре́зри грѣ́шныхъ мольбы̑ всечⷭ҇таѧ, ꙗ҆́кѡ млⷭ҇тивъ (с. 190) є҆́сть, и҆ спастѝ могі́й, и҆́же и҆ страда́ти ѡ҆ на́съ и҆зво́ливый.
    И҆́ны тропарѝ во вто́рникъ и҆ въ четверто́къ ве́чера, во гла́съ и҃:
    Неви́димыхъ вра̑гъ мои́хъ неꙋсыпа́нїе вѣ́си гдⷭ҇и, и҆ ѻ҆каѧ́нныѧ пло́ти моеѧ̀ неможе́нїе вѣ́си созда́вый мѧ̀. тѣ́мже въ рꙋ́цѣ твоѝ предаю̀ дꙋ́хъ мо́й, покры́й мѧ̀ крило́ма твоеѧ̀ бл҃гости, да не когда̀ ᲂу҆снꙋ̀ въ сме́рть, и҆ ᲂу҆́мныѧ моѝ ѻ҆́чи просвѣтѝ въ наслажде́нїе бж҃е́ственныхъ слове́съ твои́хъ, и҆ воздви́гни мѧ̀ во вре́мѧ бл҃гопотре́бно къ твоемꙋ̀ славосло́вїю, ꙗ҆́кѡ є҆ди́нъ бл҃гъ и҆ чл҃вѣколю́бецъ.
    Сті́хъ: При́зри, и҆ ᲂу҆слы́ши мѧ̀, гдⷭ҇и бж҃е мо́й:
    Ꙗ҆́кѡ стра́шенъ сꙋ́дъ тво́й гдⷭ҇и, а҆́гг҃лѡмъ предстоѧ́щымъ, человѣ́кѡмъ вводи̑мымъ, кни́гамъ разгиба́ємымъ, (с. 191) дѣлѡ́мъ и҆спытꙋ́ємымъ, помыслѡ́мъ и҆стѧзꙋ́ємымъ: кі́й сꙋ́дъ бꙋ́детъ мнѣ̀ зача́томꙋ во грѣсѣ́хъ; кто́ ми пла́мень ᲂу҆гаси́тъ; кто́ ми тьмꙋ̀ просвѣти́тъ; а҆́ще не ты̀ гдⷭ҇и, поми́лꙋеши мѧ̀, ꙗ҆́кѡ чл҃вѣколю́бецъ.
    Сла́ва:
    Сле́зы мѝ да́ждь бж҃е, ꙗ҆́коже и҆ногда̀ женѣ̀ грѣ́шницѣ: и҆ сподо́би мѧ̀ ѡ҆мочи́ти но́зѣ твоѝ, ꙗ҆̀же мѧ̀ ѿ пꙋтѝ пре́лести свободи́вшыѧ, и҆ мѵ́ро бл҃гоꙋха́нїѧ тебѣ̀ приноси́ти, житїѐ чи́сто, покаѧ́нїемъ мѝ созда́нное, да ᲂу҆слы́шꙋ и҆ а҆́зъ жела́емый тво́й гла́съ: вѣ́ра твоѧ̀ сп҃се́ тѧ, и҆дѝ въ ми́рѣ.
    И҆ ны́нѣ, бг҃оро́диченъ:
    Непосты́днꙋю, бцⷣе, наде́ждꙋ твою̀ и҆мѣ́ѧ, спасꙋ́сѧ, предста́тельство твоѐ стѧжа́въ, пречⷭ҇таѧ, не ᲂу҆бою́сѧ: поженꙋ̀ врагѝ моѧ̑, и҆ побѣждꙋ̀ ѧ҆̀, во є҆ди́нъ ѡ҆болкі́йсѧ, ꙗ҆́кѡ въ бронѧ̀ (с. 192) кро́въ тво́й, и҆ всемогꙋ́щꙋю твою̀ по́мощь, молѧ́сѧ вопїю́ ти: влⷣчце, сп҃си́ мѧ мл҃твами твои́ми, и҆ возста́ви мѧ̀ ѿ мра́чнагѡ сна̀ къ твоемꙋ̀ славосло́вїю, си́лою и҆з̾ тебѐ воплоти́вшагѡсѧ сн҃а бж҃їѧ.
    Гдⷭ҇и поми́лꙋй, м҃.
    Сла́ва, и҆ ны́нѣ: Чⷭ҇тнѣ́йшꙋю херꙋві̑мъ:
    И҆́менемъ гдⷭ҇нимъ бл҃гословѝ, ѻ҆́тче.
    І҆ере́й: Мл҃твами ст҃ы́хъ ѻ҆тє́цъ на́шихъ, гдⷭ҇и і҆и҃се хрⷭ҇тѐ бж҃е на́шъ, поми́лꙋй на́съ, а҆ми́нь.
    И҆ мл҃твꙋ сїю̀ вели́кагѡ васі́лїа:
    Гдⷭ҇и гдⷭ҇и, и҆збавле́й на́съ ѿ всѧ́кїѧ стрѣлы̀ летѧ́щїѧ во днѝ, и҆зба́ви на́съ и҆ ѿ всѧ́кїѧ ве́щи во тьмѣ̀ преходѧ́щїѧ. Прїимѝ же́ртвꙋ вече́рнюю рꙋ́къ на́шихъ воздѣѧ́нїе. Сподо́би же на́съ и҆ нощно́е по́прище (с. 193) без̾ поро́ка прейтѝ, неискꙋше́ны ѿ ѕлы́хъ. И҆ и҆зба́ви на́съ ѿ всѧ́кагѡ смꙋще́нїѧ и҆ боѧ́зни, ꙗ҆́же ѿ дїа́вола на́мъ прибыва́ющїѧ. Да́рꙋй дꙋша́мъ на́шымъ ᲂу҆миле́нїе, и҆ помыслѡ́мъ на́шымъ попече́нїе, є҆́же на стра́шнѣмъ и҆ пра́веднѣмъ твое́мъ сꙋдѣ̀ и҆спыта́нїѧ. Пригвоздѝ стра́хꙋ твоемꙋ̀ плѡ́ти на́шѧ, и҆ ᲂу҆мертвѝ ᲂу҆́ды на́шѧ сꙋ́щыѧ на землѝ: да и҆ со́ннымъ безмо́лвїемъ просвѣти́мсѧ зрѣ́нїемъ сꙋде́бъ твои́хъ. Ѿими́ же ѿ на́съ всѧ́кое мечта́нїе неподо́бное, и҆ по́хоть вре́днꙋ. Возста́ви же на́съ во вре́мѧ моли́твы, ᲂу҆твержде́ны въ вѣ́рѣ, и҆ преспѣва́ющыѧ въ за́повѣдехъ твои́хъ, бл҃говоле́нїемъ, и҆ бла́гостїю є҆диноро́днагѡ сн҃а твоегѡ̀: съ ни́мже бл҃гослове́нъ є҆сѝ, съ прест҃ы́мъ, и҆ бл҃ги́мъ, и҆ животворѧ́щимъ (с. 194) твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь.
    И҆ а҆́бїе: Прїиди́те, поклони́мсѧ: три́жды. И҆ покло́ны г҃.
    Та́же ѱало́мъ н҃:
    Поми́лꙋй мѧ̀ бж҃е, по вели́цѣй ми́лости твое́й и҆ по мно́жествꙋ щедро́тъ твои́хъ ѡ҆чи́сти беззако́нїе моѐ. Наипа́че ѡ҆мы́й мѧ̀ ѿ беззако́нїѧ моегѡ̀, и҆ ѿ грѣха̀ моегѡ̀ ѡ҆чи́сти мѧ̀. Ꙗ҆́кѡ беззако́нїе моѐ а҆́зъ зна́ю, и҆ грѣ́хъ мо́й предо мно́ю є҆́сть вы́нꙋ. Тебѣ̀ є҆ди́номꙋ согрѣши́хъ, и҆ лꙋка́вое пред̾ тобо́ю сотвори́хъ, ꙗ҆́кѡ да ѡ҆правди́шисѧ во словесѣ́хъ твои́хъ, и҆ побѣди́ши, внегда̀ сꙋди́ти тѝ. Се́ бо въ беззако́нїихъ зача́тъ є҆́смь, и҆ во грѣсѣ́хъ роди́ мѧ ма́ти моѧ̀. Се́ бо и҆́стинꙋ возлюби́лъ є҆сѝ, безвѣ̑стнаѧ и҆ та̑йнаѧ премꙋ́дрости твоеѧ̀ ꙗ҆ви́лъ мѝ є҆сѝ. Ѡ҆кропи́ши мѧ̀ (с. 195) ѵ҆ссѡ́помъ, и҆ ѡ҆чи́щꙋсѧ: ѡ҆мы́еши мѧ̀, и҆ па́че снѣ́га ᲂу҆бѣлю́сѧ. Слꙋ́хꙋ моемꙋ̀ да́си ра́дость и҆ весе́лїе, возра́дꙋютсѧ кѡ́сти смирє́нныѧ. Ѿвратѝ лицѐ твоѐ ѿ грѣ̑хъ мои́хъ, и҆ всѧ̑ беззакѡ́нїѧ моѧ̑ ѡ҆чи́сти. Се́рдце чи́сто сози́жди во мнѣ̀ бж҃е, и҆ дꙋ́хъ пра́въ ѡ҆бновѝ во ᲂу҆тро́бѣ мое́й. Не ѿве́ржи менѐ ѿ лица̀ твоегѡ̀, и҆ дх҃а твоегѡ̀ ст҃а́гѡ не ѿимѝ ѿ менѐ. Возда́ждь мѝ ра́дость сп҃се́нїѧ твоегѡ̀, и҆ дх҃омъ влⷣчнимъ ᲂу҆тверди́ мѧ. Наꙋчꙋ̀ беззакѡ́нныѧ пꙋтє́мъ твои̑мъ, и҆ нечести́вїи къ тебѣ̀ ѡ҆братѧ́тсѧ. И҆зба́ви мѧ̀ ѿ крове́й бж҃е, бж҃е сп҃се́нїѧ моегѡ̀, возра́дꙋетсѧ ѧ҆зы́къ мо́й пра́вдѣ твое́й. Гдⷭ҇и, ᲂу҆стнѣ̀ моѝ ѿве́рзеши, и҆ ᲂу҆ста̀ моѧ̑ возвѣстѧ́тъ хвалꙋ̀ твою̀. Ꙗ҆́кѡ а҆́ще бы восхотѣ́лъ є҆сѝ же́ртвы, да́лъ бы́хъ ᲂу҆́бѡ: всесожже́нїѧ не (с. 196) бл҃говоли́ши. Же́ртва бг҃ꙋ дꙋ́хъ сокрꙋше́нъ: се́рдце сокрꙋше́нно и҆ смире́нно бг҃ъ не ᲂу҆ничижи́тъ. Оу҆бл҃жѝ гдⷭ҇и, бл҃говоле́нїемъ твои́мъ сїѡ́на, и҆ да сози́ждꙋтсѧ стѣ́ны і҆ерⷭ҇ли̑мскїѧ. Тогда̀ бл҃говоли́ши же́ртвꙋ пра́вды, возноше́нїе и҆ всесожега́ємаѧ: тогда̀ возложа́тъ на ѻ҆лта́рь тво́й тельцы̀.
    Гдⷭ҇и, ᲂу҆слы́ши моли́твꙋ мою̀, и҆ во́пль мо́й къ тебѣ̀ да прїи́детъ. Не ѿвратѝ лица̀ твоегѡ̀ ѿ менѐ: во́ньже а҆́ще де́нь скорблю̀, приклонѝ ко мнѣ̀ ᲂу҆́хо твоѐ: во́ньже а҆́ще де́нь призовꙋ́ тѧ, ско́рѡ ᲂу҆слы́ши мѧ̀. Ꙗ҆́кѡ и҆счезо́ша ꙗ҆́кѡ ды́мъ дні́е моѝ, и҆ кѡ́сти моѧ̑ ꙗ҆́кѡ сꙋши́ло сосхо́шасѧ. Оу҆ѧ́звенъ бы́хъ ꙗ҆́кѡ трава̀, и҆ и҆́зсше се́рдце моѐ, ꙗ҆́кѡ забы́хъ снѣ́сти хлѣ́бъ мо́й. Ѿ гла́са воздыха́нїѧ моегѡ̀, прильпѐ ко́сть моѧ̀ пло́ти мое́й. (с. 197) Оу҆подо́бихсѧ неѧ́сыти пꙋсты́ннѣй, бы́хъ ꙗ҆́кѡ нощны́й вра́нъ на ны́рищи. Бдѣ́хъ, и҆ бы́хъ ꙗ҆́кѡ пти́ца, ѡ҆со́бѧщаѧсѧ на здѣ̀. Ве́сь де́нь поноша́хꙋ мѝ вразѝ моѝ, и҆ хва́лѧщїи мѧ̀ мно́ю кленѧ́хꙋсѧ. Занѐ пе́пелъ ꙗ҆́кѡ хлѣ́бъ ꙗ҆дѧ́хъ, и҆ питїѐ моѐ съ пла́чемъ растворѧ́хъ. Ѿ лица̀ гнѣ́ва твоегѡ̀ и҆ ꙗ҆́рости твоеѧ̀, ꙗ҆́кѡ возне́съ низве́рглъ мѧ̀ є҆сѝ. Дні́е моѝ ꙗ҆́кѡ сѣ́нь ᲂу҆клони́шасѧ, и҆ а҆́зъ ꙗ҆́кѡ сѣ́но и҆зсхо́хъ. Ты́ же гдⷭ҇и, во вѣ́къ пребыва́еши, и҆ па́мѧть твоѧ̀ въ ро́дъ и҆ ро́дъ. Ты̀ воскре́съ ᲂу҆ще́дриши сїѡ́на: ꙗ҆́кѡ вре́мѧ ᲂу҆ще́дрити є҆го̀, ꙗ҆́кѡ прїи́де вре́мѧ. Ꙗ҆́кѡ бл҃говоли́ша рабѝ твоѝ ка́менїе є҆гѡ̀, и҆ пе́рсть є҆гѡ̀ ᲂу҆ще́дрѧтъ. И҆ ᲂу҆боѧ́тсѧ ꙗ҆зы́цы и҆́мене гдⷭ҇нѧ, и҆ всѝ ца́рїе зе́мстїи сла́вы твоеѧ̀. Ꙗ҆́кѡ сози́ждетъ гдⷭ҇ь сїѡ́на, и҆ ꙗ҆ви́тсѧ (с. 198) во сла́вѣ во сла́вѣ свое́й. Призрѣ̀ на моли́твꙋ смире́нныхъ, и҆ не ᲂу҆ничижѝ моле́нїѧ и҆́хъ. Да напи́шетсѧ сїѐ въ ро́дъ и҆́нъ, и҆ лю́дїе зи́ждемїи восхва́лѧтъ гдⷭ҇а. Ꙗ҆́кѡ прини́че съ высоты̀ ст҃ы́ѧ своеѧ̀, гдⷭ҇ь съ нб҃сѐ на зе́млю призрѣ̀: Оу҆слы́шати воздыха́нїе ѡ҆кова́нныхъ, разрѣши́ти сы́ны ᲂу҆мерщвле́нныхъ: Возвѣсти́ти въ сїѡ́нѣ и҆́мѧ гдⷭ҇не, и҆ хвалꙋ̀ є҆гѡ̀ во і҆ерꙋсали́мѣ. Внегда̀ собра́тисѧ лю́демъ вкꙋ́пѣ, и҆ царє́мъ є҆́же рабо́тати гдⷭ҇еви. Ѿвѣща̀ є҆мꙋ̀ на пꙋтѝ крѣ́пости є҆гѡ̀, ᲂу҆мале́нїе дне́й мои́хъ возвѣсти́ ми. Не возведѝ менѐ въ преполове́нїе дне́й мои́хъ, въ ро́дѣ родѡ́въ лѣ̑та твоѧ̑. Въ нача́лѣхъ ты̀ гдⷭ҇и, зе́млю ѡ҆снова́лъ є҆сѝ, и҆ дѣла̀ рꙋкꙋ̀ твоє́ю сꙋ́ть нб҃са̀. Та̑ поги́бнꙋтъ, ты́ же пребыва́еши: и҆ всѧ̑ ꙗ҆́кѡ ри́за ѡ҆бетша́ютъ, и҆ ꙗ҆́кѡ ѻ҆де́ждꙋ свїе́ши ѧ҆̀, (с. 199) и҆ и҆змѣнѧ́тсѧ. Ты́ же то́йжде є҆сѝ, и҆ лѣ̑та твоѧ̑ не ѡ҆скꙋдѣ́ютъ. Сы́нове ра̑бъ твои́хъ вселѧ́тсѧ, и҆ сѣ́мѧ и҆́хъ во вѣ́къ и҆спра́витсѧ.
    Мл҃тва манассі́и царѧ̀ і҆ꙋде́йска:
    Гдⷭ҇и вседержи́телю, бж҃е ѻ҆тє́цъ на́шихъ, а҆враа́мовъ, и҆ і҆саа́ковъ, и҆ і҆а́кѡвль, и҆ сѣ́мене и҆́хъ пра́веднагѡ: сотвори́вый нб҃о и҆ зе́млю со все́ю лѣ́потою и҆́хъ, свѧза́вый мо́ре сло́вомъ повелѣ́нїѧ твоегѡ̀, заключи́вый бе́зднꙋ, и҆ запеча́тствовавый ю҆̀ стра́шнымъ и҆ сла́внымъ и҆́менемъ твои́мъ, є҆го́же всѧ̑ боѧ́тсѧ, и҆ трепе́щꙋтъ ѿ лица̀ си́лы твоеѧ̀ ꙾ꙗ҆́кѡ непостоѧ́нно великолѣ́пїе сла́вы твоеѧ̀꙾ꙗ҆́кѡ никто́же постои́ть пред̾ великолѣ́пїемъ сла́вы твоеѧ̀, и҆ не стерпи́мь гнѣ́въ, є҆́же на грѣ́шники преще́нїѧ твоегѡ̀. Безмѣ́рна же и҆ (с. 200) неизслѣ́дованна ми́лость ѡ҆бѣща́нїѧ твоегѡ̀: ты́ бо є҆сѝ гдⷭ҇ь вы́шнїй, бл҃гоꙋтро́бенъ. долготерпѣли́въ и҆ многоми́лостивъ, и҆ ка́ѧйсѧ ѡ҆ ѕло́бахъ человѣ́ческихъ. Ты̀ гдⷭ҇и, по мно́жествꙋ бл҃гости твоеѧ̀, ѡ҆бѣща́лъ є҆сѝ покаѧ́нїе и҆ ѡ҆ставле́нїе согрѣши́вшымъ тебѣ̀, и҆ мно́жествомъ щедро́тъ твои́хъ, ѡ҆предѣли́лъ є҆сѝ покаѧ́нїе грѣ́шникѡмъ во сп҃се́нїе. Ты̀ ᲂу҆́бѡ гдⷭ҇и бж҃е си́лъ, не положи́лъ є҆сѝ покаѧ́нїе пра́вєднымъ, а҆враа́мꙋ и҆ і҆саа́кꙋ и҆ і҆а́кѡвꙋ, не согрѣши́вшымъ тебѣ̀. Но положи́лъ є҆сѝ покаѧ́нїе на мнѣ̀ грѣ́шнѣмъ: занѐ согрѣши́хъ па́че числа̀ песка̀ морска́гѡ. Оу҆мно́жишасѧ беззакѡ́нїѧ моѧ̑, гдⷭ҇и, ᲂу҆мно́жишасѧ беззакѡ́нїѧ моѧ̑: и҆ нѣ́смь досто́инъ воззрѣ́ти, и҆ ви́дѣти высотꙋ̀ нбⷭ҇нꙋю ѿ мно́жества непра́вдъ мои́хъ. (с. 201) Слѧ́ченъ є҆́смь мно́гими ᲂу҆́зами желѣ́зными, во є҆́же не возвестѝ главы̀ моеѧ̀, и҆ нѣ́сть мѝ ѡ҆слабле́нїѧ: занѐ прогнѣ́вахъ ꙗ҆́рость твою̀, и҆ лꙋка́вое пред̾ тобо́ю сотвори́хъ, не сотвори́вый во́ли твоеѧ̀, и҆ не сохрани́вый повелѣ́нїй твои́хъ. И҆ ны́нѣ приклонѧ́ю колѣ̑на се́рдца, тре́бꙋѧ ѿ тебѐ бла́гости: согрѣши́хъ гдⷭ҇и, согрѣши́хъ, и҆ беззакѡ́нїѧ моѧ̑ а҆́зъ вѣ́мъ: но прошꙋ̀ молѧ́сѧ, ѡ҆сла́би мѝ гдⷭ҇и, ѡ҆сла́би мѝ, и҆ не погꙋбѝ менѐ со беззако́ньми мои́ми. Нижѐ въ вѣ́къ враждова́въ соблюде́ши ѕѡ́лъ мои́хъ, нижѐ ѡ҆сꙋ́диши мѧ̀ въ преиспо́днихъ землѝ. Занѐ ты̀ є҆сѝ бж҃е, бг҃ъ ка́ющихсѧ, и҆ на мнѣ̀ ꙗ҆ви́ши всю̀ бл҃гость твою̀, ꙗ҆́кѡ недосто́йна сꙋ́ща сп҃се́ши мѧ̀, по мно́зѣй ми́лости твое́й, и҆ восхвалю́ тѧ вы́нꙋ во дне́хъ живота̀ (с. 202) моегѡ̀: ꙗ҆́кѡ тѧ̀ пое́тъ всѧ̀ си́ла нбⷭ҇наѧ, и҆ твоѧ̀ є҆́сть сла́ва во вѣ́ки вѣкѡ́въ, а҆ми́нь.
    Трист҃о́е. Покло́ны трѝ. Прест҃а́ѧ трⷪ҇це: Ѻ҆́ч҃е на́шъ:
    Возгла́съ: Ꙗ҆́кѡ твоѐ є҆́сть црⷭ҇тво:
    И҆ тропарѝ сїѧ̑, во гла́съ ѕ҃:
    Поми́лꙋй на́съ гдⷭ҇и, поми́лꙋй на́съ: всѧ́кагѡ бо ѿвѣ́та недоꙋмѣ́юще, сїю́ ти моли́твꙋ ꙗ҆́кѡ влⷣцѣ грѣ́шнїи прино́симъ: поми́лꙋй на́съ.
    Сла́ва:
    Гдⷭ҇и, поми́лꙋй на́съ: на тѧ́ бо ᲂу҆пова́хомъ, не прогнѣ́вайсѧ на ны̀ ѕѣлѡ̀, нижѐ помѧнѝ беззако́нїй на́шихъ: но при́зри и҆ ны́нѣ ꙗ҆́кѡ бл҃гоꙋтро́бенъ, и҆ и҆зба́ви ны̀ ѿ вра̑гъ на́шихъ: ты́ бо є҆сѝ бг҃ъ на́шъ, и҆ мы̀ лю́дїе твоѝ, всѝ дѣла̀ рꙋкꙋ̀ твоє́ю, и҆ и҆́мѧ твоѐ призыва́емъ.
    И҆ ны́нѣ:
    Милосе́рдїѧ двє́ри ѿве́рзи на́мъ (с. 203) бл҃гослове́ннаѧ бцⷣе, надѣ́ющїисѧ на тѧ̀ да не поги́бнемъ, но да и҆зба́вимсѧ тобо́ю ѿ бѣ́дъ: ты́ бо є҆сѝ сп҃се́нїе ро́да хрⷭ҇тїа́нскагѡ.
    Гдⷭ҇и поми́лꙋй, м҃.
    Сла́ва, и҆ ны́нѣ: Чⷭ҇тнѣ́йшꙋю херꙋві̑мъ:
    И҆́менемъ гдⷭ҇нимъ бл҃гословѝ, ѻ҆́тче.
    Сщ҃е́нникъ: Моли́твами ст҃ы́хъ ѻ҆тє́цъ на́шихъ, гдⷭ҇и і҆и҃се хрⷭ҇тѐ, бж҃е на́шъ, поми́лꙋй на́съ, а҆ми́нь.
    И҆ моли́твꙋ:
    Влⷣко бж҃е ѻ҆́ч҃е вседержи́телю, гдⷭ҇и, сн҃е є҆диноро́дный і҆и҃се хрⷭ҇тѐ, и҆ ст҃ы́й дш҃е, є҆ди́но бж҃ество̀, є҆ди́на си́ла, поми́лꙋй мѧ̀ грѣ́шнаго: и҆ и҆́миже вѣ́си сꙋдьба́ми, сп҃си́ мѧ недосто́йнаго раба̀ твоего̀, ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь.
    Прїиди́те, поклони́мсѧ: три́жды. (с. 204)
    И҆ а҆́бїе:
    Бж҃е, въ по́мощь мою̀ вонмѝ, гдⷭ҇и, помощи́ ми потщи́сѧ. Да постыдѧ́тсѧ и҆ посра́мѧтсѧ и҆́щꙋщїи дꙋ́шꙋ мою̀. Да возвратѧ́тсѧ вспѧ́ть, и҆ постыдѧ́тсѧ хотѧ́щїи мѝ ѕла̑ѧ. Да возвратѧ́тсѧ а҆́бїе стыдѧ́щесѧ, глаго́лющїи мѝ: бл҃гоже, бл҃гоже. Да возра́дꙋютсѧ и҆ возвеселѧ́тсѧ ѡ҆ тебѣ̀ всѝ и҆́щꙋщїи тебѐ бж҃е: и҆ да глаго́лютъ вы́нꙋ, да возвели́читсѧ гдⷭ҇ь, лю́бѧщїи сп҃се́нїе твоѐ. а҆́зъ же ни́щъ є҆́смь и҆ ᲂу҆бо́гъ, бж҃е помози́ ми: помо́щникъ мо́й, и҆ и҆зба́витель мо́й є҆сѝ ты̀, гдⷭ҇и не закоснѝ.
    Гдⷭ҇и, ᲂу҆слы́ши мл҃твꙋ мою̀, внꙋшѝ моле́нїе моѐ во и҆́стинѣ твое́й, ᲂу҆слы́ши мѧ̀ въ пра́вдѣ твое́й: И҆ не вни́ди въ сꙋ́дъ съ рабо́мъ твои́мъ, ꙗ҆́кѡ не ѡ҆правди́тсѧ пред̾ тобо́ю всѧ́къ живы́й. (с. 205) Ꙗ҆́кѡ погна̀ вра́гъ дꙋ́шꙋ мою̀, смири́лъ є҆́сть въ зе́млю живо́тъ мо́й: Посади́лъ мѧ̀ є҆́сть въ те́мныхъ, ꙗ҆́кѡ мє́ртвыѧ вѣ́ка. И҆ ᲂу҆ны̀ во мнѣ̀ дꙋ́хъ мо́й, во мнѣ̀ смѧте́сѧ се́рдце моѐ. Помѧнꙋ́хъ дни̑ дрє́внїѧ, поꙋчи́хсѧ во всѣ́хъ дѣ́лѣхъ твои́хъ, въ творе́нїихъ рꙋкꙋ̀ твоє́ю поꙋча́хсѧ. Воздѣ́хъ къ тебѣ̀ рꙋ́цѣ моѝ: дꙋша̀ моѧ̀ ꙗ҆́кѡ землѧ̀ безво́днаѧ тебѣ̀. Ско́рѡ ᲂу҆слы́ши мѧ̀ гдⷭ҇и, и҆счезѐ дꙋ́хъ мо́й: не ѿвратѝ лица̀ твоегѡ̀ ѿ менѐ, и҆ ᲂу҆подо́блюсѧ низходѧ́щымъ въ ро́въ. Слы́шанꙋ сотворѝ мнѣ̀ заꙋ́тра млⷭ҇ть твою̀, ꙗ҆́кѡ на тѧ̀ ᲂу҆пова́хъ. Скажѝ мнѣ̀ гдⷭ҇и пꙋ́ть, во́ньже пойдꙋ̀, ꙗ҆́кѡ къ тебѣ̀ взѧ́хъ дꙋ́шꙋ мою̀. И҆зми́ мѧ ѿ вра̑гъ мои́хъ, гдⷭ҇и къ тебѣ̀ прибѣго́хъ, наꙋчи́ мѧ твори́ти во́лю твою̀, ꙗ҆́кѡ ты̀ є҆сѝ бг҃ъ мо́й. Дх҃ъ тво́й бл҃гі́й наста́витъ мѧ̀ на (с. 206) зе́млю пра́вꙋ. И҆́мене твоегѡ̀ ра́ди гдⷭ҇и, живи́ши мѧ̀, пра́вдою твое́ю и҆зведе́ши ѿ печа́ли дꙋ́шꙋ мою̀: И҆ млⷭ҇тїю твое́ю потреби́ши врагѝ моѧ̑, и҆ погꙋби́ши всѧ̑ стꙋжа́ющыѧ дꙋшѝ мое́й, ꙗ҆́кѡ а҆́зъ ра́бъ тво́й є҆́смь.
    Сла́ва въ вы́шнихъ бг҃ꙋ, и҆ на землѝ ми́ръ, въ человѣ́цѣхъ бл҃говоле́нїе. Хва́лимъ тѧ̀, бл҃гослови́мъ тѧ̀, кла́нѧемъ ти сѧ, славосло́вимъ тѧ̀, бл҃годари́мъ тѧ̀, вели́кїѧ ра́ди сла́вы твоеѧ̀. Гдⷭ҇и цр҃ю̀ нбⷭ҇ный, бж҃е ѻ҆́ч҃е вседержи́телю, гдⷭ҇и сн҃е є҆диноро́дный і҆и҃се хрⷭ҇тѐ, и҆ ст҃ы́й дш҃е: гдⷭ҇и бж҃е, а҆́гнче бж҃їй, сн҃е ѻ҆ч҃ь, взе́млѧй грѣ́хъ мі́ра, поми́лꙋй на́съ: взе́млѧй грѣхѝ мі́ра, прїимѝ мл҃твꙋ на́шꙋ, сѣдѧ́й ѡ҆деснꙋ́ю ѻ҆ц҃а̀, поми́лꙋй на́съ. ꙗ҆́кѡ ты̀ є҆сѝ є҆ди́нъ ст҃ъ, ты̀ є҆сѝ є҆ди́нъ гдⷭ҇ь, і҆и҃съ хрⷭ҇то́съ, въ сла́вꙋ бг҃а ѻ҆ц҃а̀, а҆ми́нь. (с. 207)
    На всѧ́кꙋ но́щь бл҃гословлю́ тѧ, и҆ восхвалю̀ и҆́мѧ твоѐ во вѣ́ки, и҆ въ вѣ́къ вѣ́ка.
    Гдⷭ҇и, прибѣ́жище бы́лъ є҆сѝ на́мъ въ ро́дъ и҆ ро́дъ. а҆́зъ рѣ́хъ: гдⷭ҇и, поми́лꙋй мѧ̀, и҆сцѣлѝ дꙋ́шꙋ мою̀, ꙗ҆́кѡ согрѣши́хъ тебѣ̀. Гдⷭ҇и, къ тебѣ̀ прибѣго́хъ, наꙋчи́ мѧ твори́ти во́лю твою̀, ꙗ҆́кѡ ты̀ є҆сѝ бг҃ъ мо́й: ꙗ҆́кѡ ᲂу҆ тебѐ и҆сто́чникъ живота̀, во свѣ́тѣ твое́мъ ᲂу҆́зримъ свѣ́тъ. Проба́ви млⷭ҇ть твою̀ вѣ́дꙋщымъ тѧ̀.
    Та́же:
    Сподо́би гдⷭ҇и въ но́щь сїю̀ без̾ грѣха̀ сохрани́тисѧ на́мъ. бл҃гослове́нъ є҆сѝ гдⷭ҇и, бж҃е ѻ҆тє́цъ на́шихъ, и҆ хва́льно, и҆ просла́влено и҆́мѧ твоѐ во вѣ́ки, а҆ми́нь.
    Бꙋ́ди гдⷭ҇и, млⷭ҇ть твоѧ̀ на на́съ, ꙗ҆́коже ᲂу҆пова́хомъ на тѧ̀. бл҃гослове́нъ є҆сѝ гдⷭ҇и, наꙋчи́ мѧ ѡ҆правда́нїємъ твои̑мъ. бл҃гослове́нъ є҆сѝ влⷣко, вразꙋми́ мѧ (с. 208) ѡ҆правда́нїємъ твои̑мъ. бл҃гослове́нъ є҆сѝ ст҃ы́й, просвѣти́ мѧ ѡ҆правда́нїи твои́ми. Гдⷭ҇и, млⷭ҇ть твоѧ̀ во вѣ́къ, дѣ́лъ рꙋкꙋ̀ твоє́ю не пре́зри. тебѣ̀ подоба́етъ хвала̀, тебѣ̀ подоба́етъ пѣ́нїе, тебѣ̀ сла́ва подоба́етъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ, а҆ми́нь.
    Посе́мъ глаго́лемъ канѡ́нъ рѧдовы́й ст҃о́мꙋ, и҆лѝ бцⷣѣ.
    И҆ по и҆сполне́нїи канѡ́на и҆ тропаре́й:
    Трист҃о́е. Прест҃а́ѧ трⷪ҇це: Ѻ҆́ч҃е на́шъ:
    Та́же пое́мъ велегла́снѡ и҆ ко́снѡ, на гла́съ ѕ҃:
    Гдⷭ҇и си́лъ съ на́ми бꙋ́ди, и҆но́гѡ бо ра́звѣ тебѐ помо́щника въ ско́рбехъ не и҆́мамы: гдⷭ҇и си́лъ, поми́лꙋй на́съ.
    И҆ ѿвѣща́етъ то́жде дрꙋгі́й ли́къ. (с. 209)
    И҆ пое́тъ наче́ншїй ли́къ:
    Сті́хъ а҃: Хвали́те бг҃а во ст҃ы́хъ є҆гѡ̀, хвали́те є҆го̀ во ᲂу҆тверже́нїи си́лы є҆гѡ̀. Гдⷭ҇и си́лъ, съ на́ми бꙋ́ди:
    Вторы́й ли́къ:
    Сті́хъ в҃: Хвали́те є҆го̀ на си́лахъ є҆гѡ̀, хвали́те є҆го̀ по мно́жествꙋ вели́чествїѧ є҆гѡ̀. Гдⷭ҇и си́лъ, съ на́ми бꙋ́ди:
    Сті́хъ г҃: Хвали́те є҆го̀ во гла́сѣ трꙋ́бнѣмъ, хвали́те є҆го̀ во ѱалти́ри и҆ гꙋ́слехъ. Гдⷭ҇и си́лъ, съ на́ми бꙋ́ди:
    Сті́хъ д҃: Хвали́те є҆го̀ въ тѷмпа́нѣ и҆ ли́цѣ, хвали́те є҆го̀ во стрꙋ́нахъ и҆ ѻ҆рга́нѣ. Гдⷭ҇и си́лъ, съ на́ми бꙋ́ди:
    Сті́хъ є҃: Хвали́те є҆го̀ въ кѷмва́лѣхъ доброгла́сныхъ, хвали́те є҆го̀ въ кѷмва́лѣхъ восклица́нїѧ: всѧ́кое дыха́нїе да хва́литъ гдⷭ҇а. Гдⷭ҇и си́лъ, съ на́ми бꙋ́ди: (с. 210)
    Та́же ѻ҆́ба ли̑ка вкꙋ́пѣ:
    Хвали́те бг҃а во ст҃ы́хъ є҆гѡ̀, хвали́те є҆го̀ во ᲂу҆тверже́нїи си́лы є҆гѡ̀.
    Гдⷭ҇и си́лъ, съ на́ми бꙋ́ди, и҆но́гѡ бо ра́звѣ тебѐ помо́щника въ ско́рбехъ не и҆́мамы: гдⷭ҇и си́лъ, поми́лꙋй на́съ.
    Сла́ва:
    Гдⷭ҇и, а҆́ще не бы́хомъ ст҃ы̑ѧ твоѧ̑ и҆мѣ́ли мл҃твенники, и҆ бл҃госты́ню твою̀ ми́лꙋющꙋю на́съ: ка́кѡ смѣ́ли бы́хомъ сп҃се, пѣ́ти тѧ̀, є҆го́же славосло́вѧтъ непреста́ннѡ а҆́гг҃ли; сердцевѣ́дче, пощадѝ дꙋ́шы на́шѧ.
    И҆ ны́нѣ:
    Мнѡ́гаѧ мно́жєства мои́хъ бцⷣе прегрѣше́нїй, къ тебѣ̀ прибѣго́хъ чи́стаѧ, сп҃се́нїѧ тре́бꙋѧ. посѣтѝ немощствꙋ́ющꙋю мою̀ дꙋ́шꙋ, и҆ молѝ сн҃а твоего̀ и҆ бг҃а на́шего, да́ти мѝ (с. 211) ѡ҆ставле́нїе, ꙗ҆̀же содѣ́ѧхъ лю́тыхъ, є҆ди́на бл҃гослове́ннаѧ.
    Всест҃а́ѧ бцⷣе, во вре́мѧ живота̀ моегѡ̀ не ѡ҆ста́ви менѐ, человѣ́ческомꙋ предста́тельствꙋ не ввѣ́ри мѧ̀: но сама̀ застꙋпѝ, и҆ поми́лꙋй мѧ̀.
    Всѐ ᲂу҆пова́нїе моѐ на тѧ̀ возлага́ю, мт҃и бж҃їѧ, сохрани́ мѧ под̾ кро́вомъ твои́мъ.
    Гдⷭ҇и поми́лꙋй, м҃.
    И҆́же на всѧ́кое вре́мѧ и҆ на всѧ́кїй ча́съ, на нб҃сѝ и҆ на землѝ покланѧ́емый и҆ сла́вимый хрⷭ҇тѐ бж҃е, долготерпѣли́ве, многомлⷭ҇тиве, многобл҃гоꙋтро́бне, и҆́же пра́вєдныѧ любѧ́й и҆ грѣ̑шныѧ ми́лꙋѧй, и҆́же всѧ̑ зовы́й ко сп҃се́нїю ѡ҆бѣща́нїѧ ра́ди бꙋ́дꙋщихъ бла̑гъ. са́мъ гдⷭ҇и, прїимѝ и҆ на́шѧ въ ча́съ се́й мл҃твы, и҆ и҆спра́ви (с. 212) живо́тъ на́шъ къ за́повѣдемъ твои̑мъ: дꙋ́шы на́шѧ ѡ҆свѧтѝ, тѣлеса̀ ѡ҆чи́сти, помышлє́нїѧ и҆спра́ви, мы̑сли ѡ҆чи́сти, и҆ и҆зба́ви на́съ ѿ всѧ́кїѧ ско́рби, ѕѡ́лъ и҆ болѣ́зней: ѡ҆градѝ на́съ ст҃ы́ми твои́ми а҆́гг҃лы, да ѡ҆полче́нїемъ и҆́хъ соблюда́еми и҆ наставлѧ́еми, дости́гнемъ въ соедине́нїе вѣ́ры, и҆ въ ра́зꙋмъ непристꙋ́пныѧ твоеѧ̀ сла́вы: ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь.
    Гдⷭ҇и поми́лꙋй, три́жды.
    Сла́ва, и҆ ны́нѣ:
    Чⷭ҇тнѣ́йшꙋю херꙋві̑мъ:
    И҆́менемъ гдⷭ҇нимъ бл҃гословѝ, ѻ҆́тче.
    Сщ҃е́нникъ: Бж҃е, ᲂу҆ще́дри ны̀:
    И҆ твори́мъ г҃ покло́ны вели̑кїѧ, съ мл҃твою ст҃а́гѡ є҆фре́ма, и҆ про́чихъ в҃і:
    Гдⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. Покло́нъ. (с. 213)
    Дꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀. Покло́нъ.
    Є҆́й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь. Покло́нъ.
    Та́же: Трист҃о́е. И҆ покло́ны г҃. Прест҃а́ѧ трⷪ҇це: Ѻ҆́ч҃е на́шъ: Гдⷭ҇и поми́лꙋй, в҃і.
    И҆ мл҃тва моле́бнаѧ ко прест҃ѣ́й бцⷣѣ, па́ѵла мона́ха ѻ҆би́тели є҆ѵергеті́ды, си́рѣчь, бл҃годѣ́тельницы:
    Нескве́рнаѧ, небла́знаѧ, нетлѣ́ннаѧ, пречⷭ҇таѧ, чⷭ҇таѧ дв҃о, бг҃оневѣ́сто влⷣчце, ꙗ҆́же бг҃а сло́ва человѣ́кѡмъ пресла́внымъ твои́мъ ржⷭ҇тво́мъ соедини́вшаѧ, и҆ ѿри́нꙋвшеесѧ є҆стество̀ ро́да на́шегѡ нбⷭ҇нымъ совокꙋ́пльшаѧ: ꙗ҆́же ненаде́жныхъ є҆ди́на наде́жда, и҆ бори́мыхъ по́моще, гото́вое (с. 214) застꙋпле́нїе къ тебѣ̀ притека́ющихъ, и҆ всѣ́хъ хрⷭ҇тїа́нъ прибѣ́жище. не гнꙋша́йсѧ менѐ грѣ́шнагѡ, скве́рнагѡ, скве́рными по́мыслы, и҆ словесы̀, и҆ дѣѧ́ньми всего̀ себѐ непотре́бна сотво́рша, и҆ ра́зꙋмомъ лѣ́ности сласте́й житїѧ̀ раба̀ бы́вша: но ꙗ҆́кѡ чл҃вѣколюби́вагѡ бг҃а мт҃и, человѣколю́бнѣ ᲂу҆милосе́рдисѧ ѡ҆ мнѣ̀ грѣ́шнѣмъ и҆ блꙋ́днѣмъ, и҆ прїимѝ моѐ, є҆́же ѿ скве́рныхъ ᲂу҆сте́нъ приноси́мое тебѣ̀ моле́нїе: и҆ твоего̀ сн҃а, и҆ на́шего влⷣкꙋ и҆ гдⷭ҇а, ма́тернее твоѐ дерзнове́нїе ᲂу҆потреблѧ́ющи, молѝ, да ѿве́рзетъ и҆ мнѣ̀ чл҃вѣколю́бныѧ ᲂу҆трѡ́бы своеѧ̀ бл҃гости, и҆ презрѣ́въ моѧ̑ безчи́слєннаѧ прегрѣшє́нїѧ, ѡ҆брати́тъ мѧ̀ къ покаѧ́нїю, и҆ свои́хъ за́повѣдей дѣ́лателѧ и҆скꙋ́сна ꙗ҆ви́тъ мѧ̀. и҆ предста́ни мнѣ̀ при́снѡ, ꙗ҆́кѡ млⷭ҇тиваѧ, (с. 215) и҆ милосе́рдаѧ, и҆ бл҃голюби́ваѧ, въ настоѧ́щемъ ᲂу҆́бѡ житїѝ те́плаѧ предста́тельнице и҆ помо́щнице, сопроти́вныхъ нашє́ствїѧ ѿгонѧ́ющи, и҆ ко сп҃се́нїю наставлѧ́ющи мѧ̀: и҆ во вре́мѧ и҆схо́да моегѡ̀ ѡ҆каѧ́ннꙋю мою̀ дꙋ́шꙋ соблюда́ющи, и҆ тє́мныѧ зра́ки лꙋка́выхъ бѣсѡ́въ дале́че ѿ неѧ̀ ѿгонѧ́ющи: въ стра́шный же де́нь сꙋда̀ вѣ́чныѧ мѧ̀ и҆збавлѧ́ющи мꙋ́ки, и҆ неизрече́нныѧ сла́вы твоегѡ̀ сн҃а и҆ бг҃а на́шегѡ наслѣ́дника мѧ̀ показꙋ́ющи. ю҆́же и҆ да ᲂу҆лꙋчꙋ̀ влⷣчце моѧ̀, прест҃а́ѧ бцⷣе, твои́мъ хода́тайствомъ и҆ застꙋпле́нїемъ бл҃года́тїю и҆ чл҃вѣколю́бїемъ є҆диноро́днагѡ сн҃а твоегѡ̀, гдⷭ҇а и҆ бг҃а и҆ сп҃са на́шегѡ і҆и҃са хрⷭ҇та̀: є҆мꙋ́же подоба́етъ всѧ́каѧ сла́ва, че́сть и҆ поклоне́нїе, со безнача́льнымъ є҆гѡ̀ ѻ҆ц҃е́мъ, и҆ прест҃ы́мъ, и҆ бл҃ги́мъ, и҆ (с. 216) животворѧ́щимъ є҆гѡ̀ дх҃омъ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь.
    Мл҃тва и҆на́ѧ ко гдⷭ҇ꙋ на́шемꙋ і҆и҃сꙋ хрⷭ҇тꙋ̀, а҆нтїо́ха мона́ха панде́кта:
    И҆ да́ждь на́мъ влⷣко, на со́нъ грѧдꙋ́щымъ поко́й тѣ́ла и҆ дꙋшѝ, и҆ сохранѝ на́съ ѿ мра́чнагѡ сна̀ грѣхо́внагѡ, и҆ ѿ всѧ́кагѡ те́мнагѡ и҆ нощна́гѡ сладостра́стїѧ: ᲂу҆кротѝ стремлє́нїѧ страсте́й, ᲂу҆гасѝ разжжє́нныѧ стрѣ́лы лꙋка́вагѡ, ꙗ҆̀же на ны̀ льсти́внѡ дви̑жимыѧ: пло́ти на́шеѧ воста̑нїѧ ᲂу҆толѝ, и҆ всѧ́кое земно́е и҆ веще́ственное на́ше мꙋдрова́нїе ᲂу҆спѝ. и҆ да́рꙋй на́мъ бж҃е, бо́дръ ᲂу҆́мъ, цѣломꙋ́дръ по́мыслъ, се́рдце трезвѧ́щеесѧ, со́нъ лего́къ и҆ всѧ́кагѡ сатанина̀ мечта́нїѧ и҆змѣне́нъ. возста́ви же на́съ во вре́мѧ мл҃твы ᲂу҆тверждє́ны въ за́повѣдехъ твои́хъ, и҆ па́мѧть сꙋде́бъ твои́хъ (с. 217) въ себѣ̀ тве́рдꙋ и҆мꙋ́щѧ: всено́щное славосло́вїе на́мъ да́рꙋй, во є҆́же пѣ́ти и҆ бл҃гослови́ти и҆ сла́вити пречⷭ҇тно́е и҆ великолѣ́пое и҆́мѧ твоѐ, ѻ҆ц҃а̀, и҆ сн҃а, и҆ ст҃а́гѡ дх҃а, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь.
    Пресла́внаѧ приснодв҃о, мт҃и хрⷭ҇та̀ бг҃а, принесѝ на́шꙋ мл҃твꙋ сн҃ꙋ твоемꙋ̀, и҆ бг҃ꙋ на́шемꙋ, да сп҃се́тъ тобо́ю дꙋ́шы на́шѧ.
    Мл҃тва и҆на́ѧ ст҃а́гѡ і҆ѡанні́кїа.
    Оу҆пова́нїе моѐ ѻ҆ц҃ъ, прибѣ́жище моѐ сн҃ъ, покро́въ мо́й дх҃ъ ст҃ы́й, трⷪ҇це ст҃а́ѧ, сла́ва тебѣ̀.
    Сла́ва, и҆ ны́нѣ:
    Гдⷭ҇и поми́лꙋй, три́жды. Бл҃гословѝ.
    И҆ а҆́бїе сщ҃е́нникъ возглаша́етъ, на́мъ на зе́млю прикло́ншымсѧ:
    Влⷣко многомлⷭ҇тиве, гдⷭ҇и і҆и҃се хрⷭ҇тѐ бж҃е на́шъ, мл҃твами всепречⷭ҇тыѧ (с. 218) влⷣчцы на́шеѧ бцⷣы, и҆ приснодв҃ы марі́и: Си́лою чⷭ҇тна́гѡ и҆ животворѧ́щагѡ крⷭ҇та̀: Предста́тельствы чⷭ҇тны́хъ нбⷭ҇ныхъ си́лъ безпло́тныхъ: Чⷭ҇тна́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ і҆ѡа́нна: Ст҃ы́хъ сла́вныхъ и҆ всехва́льныхъ а҆пⷭ҇лъ: Ст҃ы́хъ сла́вныхъ и҆ добропобѣ́дныхъ мꙋ́ченикѡвъ: Прпⷣбныхъ и҆ бг҃оно́сныхъ ѻ҆тє́цъ на́шихъ: Ст҃ы́хъ и҆ пра́ведныхъ бг҃оѻтє́цъ, і҆ѡакі́ма и҆ а҆́нны, и҆ всѣ́хъ твои́хъ ст҃ы́хъ, Бл҃гопрїѧ́тнꙋ сотворѝ мл҃твꙋ на́шꙋ. Да́рꙋй на́мъ ѡ҆ставле́нїе прегрѣше́нїй на́шихъ. Покры́й на́съ кро́вомъ крилꙋ̀ твоє́ю. Ѿженѝ ѿ на́съ всѧ́каго врага̀ и҆ сопоста́та. Оу҆мирѝ на́шꙋ жи́знь. Гдⷭ҇и, поми́лꙋй на́съ, и҆ мі́ръ тво́й, и҆ сп҃сѝ дꙋ́шы на́шѧ, ꙗ҆́кѡ бл҃гъ и҆ чл҃вѣколю́бецъ. (с. 219)
    Та́же сотвори́въ предстоѧ́тель покло́нъ на зе́млю, глаго́летъ бра́тїи:
    Бл҃гослови́те ѻ҆тцы̀ ст҃і́и, прости́те мѝ грѣ́шномꙋ.
    И҆ бра́тїѧ:
    Бг҃ъ прости́тъ тѝ, ѻ҆́тче ст҃ы́й.
    Сщ҃е́нникъ же глаго́летъ:
    Помо́лимсѧ ѡ҆ вели́комъ господи́нѣ и҆ ѻ҆ц҃ѣ̀ на́шемъ ст҃ѣ́йшемъ патрїа́рхѣ моско́вскомъ и҆ всеѧ̀ рꙋсѝ пі́менѣ и҆ ѡ҆ господи́нѣ на́шемъ преѡсщ҃е́ннѣйшемъ є҆пⷭ҇кпѣ [и҆лѝ а҆рхїепⷭ҇кпѣ, и҆лѝ митрополі́тѣ] и҆́мⷬ҇къ.
    И҆ прѡ́чаѧ, ꙗ҆́коже предпи́сано въ полꙋ́нощницѣ.
    И҆ мы̀: Гдⷭ҇и поми́лꙋй, на всѧ́кїй сті́хъ.
    И҆ послѣдѝ предстоѧ́тель глаго́летъ:
    Мл҃твами ст҃ы́хъ ѻ҆тє́цъ на́шихъ, гдⷭ҇и і҆и҃се хрⷭ҇тѐ бж҃е на́шъ, поми́лꙋй на́съ.
    И҆ начина́ютъ бра́тїѧ ѿ десна́гѡ и҆ лѣ́вагѡ ли́ка по чи́нꙋ. є҆ди́нъ по є҆ди́номꙋ, (с. 220) твори́ти покло́нъ, и҆ проси́ти и҆ прїѧ́ти проще́нїе ѿ предстоѧ́телѧ, подо́бнѣ глаго́люще:
    Бл҃гословѝ ѻ҆́тче ст҃ы́й, и҆ прости́ мѧ грѣ́шнаго. И҆ прѡ́чаѧ.
    Стоѧ́щꙋ предстоѧ́телю посредѝ цр҃кве, до́ндеже и҆спо́лнѧтсѧ всѧ̑.
    И҆ прїе́мше проще́нїе ѿ предстоѧ́телѧ, ѿхо́димъ въ кє́ллїи на́шѧ, глаго́люще мл҃твꙋ сїю̀, ꙗ҆́же и҆ ѿ всѧ́кагѡ человѣ́ка глаго́летсѧ:
    Ненави́дѧщихъ и҆ ѡ҆би́дѧщихъ на́съ простѝ гдⷭ҇и, чл҃вѣколю́бче. Бл҃готворѧ́щымъ бл҃госотворѝ. Бра́тїѧмъ и҆ сро́дникѡмъ на́шымъ, да́рꙋй ꙗ҆̀же ко сп҃се́нїю прошє́нїѧ, и҆ жи́знь вѣ́чнꙋю. Въ не́мощехъ сꙋ́щыѧ посѣтѝ, и҆ и҆сцѣле́нїе да́рꙋй. Ꙗ҆̀же въ мо́ри ᲂу҆пра́ви. Съ пꙋтеше́ствꙋющими спꙋтеше́ствꙋй. (с. 221) Слꙋжа́щымъ, и҆ ми́лꙋющымъ на́съ, грѣхѡ́въ ѡ҆ставле́нїе да́рꙋй. Заповѣ́давшихъ на́мъ недостѡ́йнымъ моли́тисѧ ѡ҆ ни́хъ, поми́лꙋй по вели́цѣй твое́й ми́лости. Помѧнѝ гдⷭ҇и, пре́жде ᲂу҆со́пшыѧ ѻ҆тцы̀, и҆ бра́тїю на́шꙋ, и҆ ᲂу҆поко́й ѧ҆̀, и҆дѣ́же присѣща́етъ свѣ́тъ лица̀ твоегѡ̀. Помѧнѝ гдⷭ҇и, бра́тїй на́шихъ плѣне́нныхъ, и҆ и҆зба́ви ѧ҆̀ ѿ всѧ́кагѡ ѡ҆бстоѧ́нїѧ. Помѧнѝ гдⷭ҇и, плодоносѧ́щихъ, и҆ добродѣ́лающихъ во ст҃ы́хъ твои́хъ цр҃квахъ, и҆ да́ждь и҆̀мъ ꙗ҆́же ко сп҃се́нїю прошє́нїѧ, и҆ жи́знь вѣ́чнꙋю. Помѧнѝ гдⷭ҇и и҆ на́съ смире́нныхъ, и҆ грѣ́шныхъ, и҆ недосто́йныхъ ра̑бъ твои́хъ: и҆ просвѣтѝ на́шъ ᲂу҆́мъ свѣ́томъ ра́зꙋма твоегѡ̀, и҆ наста́ви на́съ на стезю̀ за́повѣдей твои́хъ. Мл҃твами пречⷭ҇тыѧ влⷣчцы на́шеѧ бцⷣы, и҆ приснодв҃ы (с. 222) мр҃і́и, и҆ всѣ́хъ твои́хъ ст҃ы́хъ. Ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь.
    Коне́цъ вели́кагѡ повече́рїѧ.
    Проще́нїе си́це глаго́летсѧ:
    Прости́ мѧ, ѻ҆́тче ст҃ы́й, и҆ бл҃гословѝ, є҆ли̑ка согрѣши́хъ во всѧ̑ дни̑ живота̀ моегѡ̀, и҆ въ сі́й де́нь без̾ числа̀ согрѣши́хъ, дꙋше́ю и҆ тѣ́ломъ, сно́мъ и҆ лѣ́ностїю, помраче́нїемъ бѣсо́вскимъ, въ мы́слехъ нечи́стыхъ, въ забы́тїи ᲂу҆ма̀, и҆ во ѡ҆сꙋжде́нїи: согрѣши́хъ се́рдцемъ, и҆ всѣ́ми мои́ми чꙋ́вствы, слꙋ́хомъ и҆ ви́домъ, во́лею и҆ нево́лею: и҆ нѣ́сть тогѡ̀ грѣха̀, є҆гѡ́же не сотвори́хъ, но ѡ҆ всѣ́хъ ка́юсѧ, простѝ мѧ̀, ѻ҆́тче ст҃ы́й, и҆ бл҃гословѝ, и҆ помоли́сѧ ѡ҆ мнѣ̀ грѣ́шнѣмъ.

    X
    К Филимону послание святого апостола Павла the Epistle of the holy apostle paul to philemon Книга Иудифь (Иудифь) Отпустительные тропари седмичные dismissal troparia for weekdays. Церковно-славянский язык Отпустительные тропари седмичные dismissal troparia for weekdays Второе послание св. Ап. Павла к Коринфянам (2Кор) Православное вероучение и теория эволюции ЕС Понедельник первой седмицы monday of the first week Сырная седмица (с понедельника по пяток)cheesefare week (monday through friday) Синодальный перевод. Книга пророка Софонии (Соф) Первая книга Маккавейская (1Макк) Синодальный перевод. Книга Руфь (Руфь)
     

    23.20.147.6