Пятая седмица по Пасхе (с понедельника по субботу) Fifth Week after Pascha (Monday through Saturday)   ЧИСТЫЙ ИНТЕРНЕТ о Библии
1

Пятая седмица по Пасхе (с понедельника по субботу)

. Fifth Week after Pascha (Monday through Saturday).
Неделя 5-я по Пасхе, О САМАРЯНЫНЕ

О самаряныне

#pravoslavmonarhist #православный_календарь Православный...

Суббота, 27 мая, 2017 / 14 мая, 2017 (по ст.ст.). Мч. Исидора (251). Седмица 6-я по Пасхе. Глас пятый.Sat, 27 May 2017 05:50:20 GMT

ПРЕПОЛОВЕНИЕ ПЯТИДЕСЯТНИЦЫ Тропарь Преполовения...

Богослужение пятого пасхального воскресенья (неделя о самаряныне) совмещается с службой попразднества Преполовения. Предпразднства этот праздник не имеет.Wed, 10 May 2017 08:15:45 GMT

Расписание богослужений на 7-ю седмицу по Пасхе

Расписание богослужений на 7-ю седмицу по Пасхе.Sat, 27 May 2017 22:17:00 GMT

Вернемся к разминке ума осколкам ВизАнтии. Латеранский...

26:23), и как говорит Павел: пасха наша за ны пожрен бысть Христос (1 Кор. 5:7), и: человек ХристосSat, 27 May 2017 11:36:20 GMT

27 мая 2017 года, в субботу седмицы 6-й по Пасхе, накануне...

27 мая 2017 года, в субботу седмицы 6-й по Пасхе, накануне недели святых отцев I Вселенского собора, епископ Среднеуральский Евгений, викарий Екатеринбургской епархии...Sat, 27 May 2017 20:50:01 GMT

Об одном из чудес святителя николая чудотворца 🌼...

Из воспоминаний Александры Ивановны А.: «На пятой неделе Великого поста 1982 года я приехала в Ракитное.Mon, 22 May 2017 13:09:49 GMT

Молодежное служение на Праздник Вознесения Господа и Бога...

25 мая 2017 года, в четверг седмицы 6-ой по Пасхе, в храме святой блаженной старицы Матроны Московской с...Sat, 27 May 2017 16:51:07 GMT

ХРИСТОС ВОСКРЕСЕ!!! 1 мая по старому стилю / 14 мая по...

ПЯТАЯ НЕДЕЛЯ ПО ПАСХЕ – О САМАРЯНЫНЕ Кондак Недели о самаряныне, глас 8: Ве́роюSun, 14 May 2017 08:54:10 GMT

ХРИСТОС ВОСКРЕСЕ! В среду мы праздновали Преполовение...

Преполовение празднуется восемь дней и заканчивается празднованием в среду следующей, пятой, недели по Пасхе – недели самарянки.Sat, 13 May 2017 18:30:48 GMT

ХРИСТОС ВОСКРЕСЕ! В среду мы праздновали Преполовение... Преполовение празднуется восемь дней и заканчивается празднованием в среду следующей, пятой, недели по Пасхе – недели самарянки.

#text =
channel = http://www.ponomar.net/cgi-bin/bookreader2.cgi?uuid=0696c87a-cfe8-11e0-85d1-b5e18845b6b3&file=15sedm5.xml Content extracted from http://www.ponomar.net/cgi-bin/bookreader2.cgi?uuid=0696c87a-cfe8-11e0-85d1-b5e18845b6b3&file=15sedm5.xml http://www.ponomar.net/cgi-bin/bookreader2.cgi?uuid=0696c87a-cfe8-11e0-85d1-b5e18845b6b3&file=15sedm5.xml http://www.ponomar.net/cgi-bin/bookreader2.cgi?uuid=0696c87a-cfe8-11e0-85d1-b5e18845b6b3&file=15sedm5.xml

(л. рм҃д ѡ҆б.)
Въ недѣ́лю самарѧны́ни ве́чера,
на Гдⷭ҇и воззва́хъ: поста́вимъ стїхѡ́въ ѕ҃. И҆ пое́мъ стїхи̑ры преполове́нїю, г҃. Гла́съ є҃.
Подо́бенъ: Ра́дꙋйсѧ по́стникѡмъ:
Ꙗ҆ви́сѧ свѣтоѧвле́нное и҆ кра́сное сп҃сова воскрⷭ҇нїѧ дне́сь преполове́нїе всест҃о́е, ꙗ҆́кѡ полꙋ́дне свѣ́тлое, ᲂу҆ѧснѧ́ющее мі́ръ бж҃е́ственными бл҃года́тьми хрⷭ҇то́ва воста́нїѧ, ѡ҆сїѧ́ющее чꙋдеса̀ нетлѣ́нїѧ, ѡ҆блистава́етъ зна́мєнїѧ, и҆ показꙋ́етъ на высотꙋ̀ вознесе́нїе, ꙗ҆влѧ́етъ многорачи́тельное дх҃а прише́ствїе, пѧтьдесѧ́тницы всечⷭ҇тны́ѧ свѣтлѣ́йшее торжество̀. тѣ́мже и҆ подае́тъ дꙋша́мъ на́шымъ ми́ръ, и҆ ве́лїю ми́лость.
Ꙗ҆́кѡ бж҃е́ственныѧ сла́вы рѣка̀, пра́здникꙋ ны́нѣ преполови́вшꙋсѧ, гдⷭ҇ь стрꙋи̑ благоꙋтро́бїѧ всѣ̑мъ подава́ѧй, вопїе́тъ: жа́ждай да грѧде́тъ ко мнѣ̀, и҆ пїе́тъ те́плѣ. и҆сто́чникъ бо сострада́нїѧ, и҆ ми́лости пꙋчи́на са́мъ сы́й, и҆сточа́етъ мі́рови ѡ҆ставле́нїе, ѡ҆мыва́етъ прегрѣшє́нїѧ, и҆ ѡ҆чища́етъ недꙋ́ги: спаса́етъ воскресе́нїе є҆гѡ̀ пра́зднꙋющихъ, покрыва́етъ любо́вїю почита́ющихъ є҆́же со сла́вою вознесе́нїе є҆гѡ̀, и҆ подае́тъ дꙋша́мъ на́шымъ ми́ръ, и҆ ве́лїю ми́лость.
Посредѣ̀ ст҃и́лища ста́въ, неѡпи́санный бг҃ъ же и҆ гдⷭ҇ь: бг҃ъ бо бѧ́ше є҆стество́мъ, а҆́ще и҆ на́съ ра́ди вочеловѣ́чивсѧ, ѡ҆пи́санъ ꙗ҆ви́сѧ тѣ́ломъ, всѣ̑мъ и҆сточа́ше животѡ́чныѧ глаго́лы, всѣ̑мъ глаго́лѧ: дꙋ́шы ѡ҆чи́стите, и҆ (л. рм҃є) зно́й страсте́й ѡ҆хлади́те, да не ка́кѡ лиша́тсѧ питїѧ̀ человѣ́цы: бж҃е́ственнꙋю бо благода́ть да́рꙋю безсме́ртнагѡ и҆ лꙋ́чшагѡ и҆ вы́шнѧгѡ црⷭ҇твїѧ: сопричасти́тисѧ мнѣ̀ созда́телю, и҆ просла́витисѧ.
И҆ мине́и, г҃. Сла́ва, и҆ ны́нѣ: гла́съ и҃:
Преполови́вшꙋсѧ пра́здникꙋ пре́жде стра́сти, и҆ сла́внагѡ воскрⷭ҇нїѧ твоегѡ̀ гдⷭ҇и, бы́лъ є҆сѝ ᲂу҆чѧ̀ бл҃же, во ст҃и́лищи непокори̑выѧ і҆ꙋдє́и, и҆ фарїсє́и, и҆ кни́жники, и҆ вопїѧ̀ къ ни́мъ: жа́ждай да грѧде́тъ ко мнѣ̀ и҆ пїе́тъ: вѣ́рꙋѧй въ мѧ̀, воды̀ жи́зни, дх҃а бж҃е́ственнагѡ, рѣ́ки потекꙋ́тъ ѿ чре́ва є҆гѡ̀. ѽ неизрече́нныѧ премꙋ́дрости твоегѡ̀ хвале́нїѧ! и҆́же всѧ̑ и҆сполнѧ́ѧй бж҃е на́шъ, сла́ва тебѣ̀.
На стїхо́внѣ, стїхи̑ры ѻ҆смогла́сника, гла́съ д҃:
Животворѧ́щемꙋ твоемꙋ̀ крⷭ҇тꙋ̀, непреста́ннѡ кла́нѧющесѧ хрⷭ҇тѐ бж҃е, тридне́вное воскрⷭ҇нїе твоѐ сла́вимъ: тѣ́мъ бо ѡ҆бнови́лъ є҆сѝ и҆стлѣ́вшее человѣ́ческое є҆стество̀ всеси́льне, и҆ и҆́же на нб҃са̀ восхо́дъ ѡ҆бнови́лъ є҆сѝ на́мъ, ꙗ҆́кѡ є҆ди́нъ бл҃гъ и҆ чл҃вѣколю́бецъ.
Сті́хъ: Къ тебѣ̀ возведо́хъ ѻ҆́чи моѝ:
Хотѣ́хъ слеза́ми ѡ҆мы́ти мои́хъ грѣхѡ́въ гдⷭ҇и, рꙋкописа́нїе и҆ про́чее живота̀ моегѡ̀ покаѧ́нїемъ бл҃гоꙋгоди́ти тебѣ̀: но вра́гъ льсти́тъ мѧ̀ и҆ бо́ретъ дꙋ́шꙋ мою̀. гдⷭ҇и, пре́жде да́же до конца̀ не поги́бнꙋ, спаси́ мѧ.
Сті́хъ: Поми́лꙋй на́съ гдⷭ҇и, поми́лꙋй на́съ:
Мꙋ́чениченъ: Прославлѧ́ѧйсѧ въ па́мѧтехъ ст҃ы́хъ твои́хъ хрⷭ҇тѐ бж҃е, ѿ ни́хъ ᲂу҆моле́нъ быва́ѧ, низпослѝ на́мъ ве́лїю млⷭ҇ть. (л. рм҃є ѡ҆б.)
Сла́ва, и҆ ны́нѣ: гла́съ ѕ҃:
Пра́здникꙋ преполови́вшꙋсѧ, твоегѡ̀ хрⷭ҇тѐ воскресе́нїѧ, и҆ бж҃е́ственнагѡ прише́ствїѧ ст҃а́гѡ твоегѡ̀ дх҃а, сше́дшесѧ чꙋде́съ твои́хъ воспѣва́емъ та̑инства: во́ньже низпослѝ на́мъ ве́лїю ми́лость.
Тропа́рь пра́здника: Преполови́вшꙋсѧ пра́здникꙋ: И҆ ѿпꙋ́стъ.
Въ понедѣ́льникъ є҃-ѧ седми́цы по па́сцѣ, на ᲂу҆́трени,
на Бг҃ъ гдⷭ҇ь: тропа́рь пра́здника преполове́нїѧ.
По а҃-мъ стїхосло́вїи, сѣда́ленъ, гла́съ д҃:
Воззрѣ́вше на гро́бный вхо́дъ, и҆ пла́мене а҆́гг҃льскагѡ не терпѧ́ще мѷронѡ́сицы, съ тре́петомъ дивлѧ́хꙋсѧ глаго́люще: є҆да̀ ᲂу҆кра́десѧ ѿве́рзый разбо́йникꙋ ра́й; є҆да́ ли воста̀, и҆́же и҆ пре́жде стрⷭ҇ти проповѣ́давый воста́нїе; вои́стиннꙋ воскре́се хрⷭ҇то́съ, сꙋ́щымъ во а҆́дѣ подаѧ̀ живо́тъ и҆ воскресе́нїе.
Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ.
Смире́ннꙋю дꙋ́шꙋ мою̀ посѣтѝ гдⷭ҇и, во грѣсѣ́хъ житїѐ всѐ и҆жди́вшꙋю, и҆ ꙗ҆́коже блꙋдни́цꙋ прїими́ мѧ сп҃се, и҆ спаси́ мѧ.
Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ.
Мꙋ́чениченъ: Дне́сь а҆́гг҃льскаѧ вѡ́инства, въ па́мѧть страстоте́рпцєвъ прїидо́ша, вѣ́рныхъ мы̑сли просвѣти́ти, и҆ вселе́ннꙋю благода́тїю ᲂу҆ѧсни́ти: тѣ́ми бж҃е, ᲂу҆моле́нъ быва́ѧ, да́рꙋй на́мъ ве́лїю ми́лость. (л. рм҃ѕ)
Сла́ва и҆ ны́нѣ: бг҃оро́диченъ:
Стѣна̀ непобори́маѧ на́мъ хрїстїа́нѡмъ є҆сѝ бцⷣе дв҃о: къ тебѣ́ бо прибѣга́юще невреди́ми пребыва́емъ, и҆ па́ки согрѣша́юще и҆́мамы тѧ̀ моли́твенницꙋ. тѣ́мъ бл҃годарѧ́ще вопїе́мъ тѝ: ра́дꙋйсѧ бл҃года́тнаѧ, гдⷭ҇ь съ тобо́ю.
По в҃-мъ стїхосло́вїи сѣда́ленъ, гла́съ и҃. Подо́бенъ:
Премꙋ́дрость сло́во ѻ҆́ч҃ее, и҆́же и҆ да́вый а҆пⷭ҇лѡмъ глаго́лъ бж҃їй, проповѣ́дати концє́мъ, є҆́же на зе́млю є҆гѡ̀ прише́ствїе, ѿ преле́стникѡвъ є҆вре́євъ неи́стовствомъ досажда́емь быва́ше, бѣснꙋ́ѧйсѧ и҆ преле́стникъ гро́знѡ ᲂу҆ничижа́емь, и҆́же неѕло́бивѡ къ ни́мъ вопїѧ́ше: не сꙋди́те на мѧ̀ сꙋ́дъ несꙋди́маго беззако́ннїи. къ немꙋ̀ ᲂу҆́бѡ возопїи́мъ: человѣколю́бче хрⷭ҇тѐ бж҃е, прегрѣше́нїй ѡ҆ставле́нїе низпослѝ, воспѣва́ющымъ вѣ́рою безприкла́днꙋю сла́вꙋ твою̀. [Два́жды.]
Воскресе́нїе хрⷭ҇то́во: Ѱало́мъ н҃. Канѡ́нъ пра́здника, со і҆рмосы̀ на и҃, и҆ мине́и на д҃. Конда́къ, и҆ свѣти́ленъ пра́здника.
На хвали́техъ поста́вимъ стїхѝ д҃, и҆ пое́мъ стїхи́рꙋ воскре́снꙋ, гла́съ д҃:
Крⷭ҇тъ претерпѣ́вый и҆ сме́рть, и҆ воскресы́й и҆з̾ ме́ртвыхъ всеси́льне гдⷭ҇и, сла́вимъ твоѐ воскресе́нїе.
Ѻ҆вча̀ є҆́смь слове́снагѡ твоегѡ̀ ста́да, и҆ къ тебѣ̀ прибѣга́ю па́стырю до́бромꙋ, взыщѝ менѐ заблꙋ́ждшаго бж҃е, и҆ поми́лꙋй мѧ̀.
Мꙋ́чениченъ:
Кто̀ не ᲂу҆жаса́етсѧ зрѧ̀ ст҃і́и мꙋ́чєницы, по́двигъ до́брый, и҆́мже подвиза́стесѧ; ка́кѡ въ тѣ́лѣ сꙋ́ще безпло́тнаго врага̀ побѣди́сте, хрⷭ҇та̀ и҆сповѣ́давше, и҆ крⷭ҇то́мъ (л. рм҃ѕ ѡ҆б.) воѡрꙋжи́вшесѧ. тѣ́мже досто́йнѡ ꙗ҆ви́стесѧ бѣсѡ́мъ прогони́телїе, и҆ ва́рварѡмъ побѣди́телїе: непреста́ннѡ моли́тесѧ, спасти́сѧ дꙋша́мъ на́шымъ.
Сла́ва, и҆ ны́нѣ: гла́съ и҃:
Преполови́вшꙋсѧ пра́здникꙋ па́схи, въ хра́мъ вше́лъ є҆сѝ ст҃и́лищный, сп҃се на́шъ, и҆ ста́въ посредѣ̀ наро́да ᲂу҆чи́лъ є҆сѝ тѣ́хъ съ дерзнове́нїемъ, и҆ глаго́лалъ є҆сѝ: а҆́зъ є҆́смь свѣ́тъ мі́ра, въ слѣ́дъ менѐ и҆ды́й, не и҆́мать ходи́ти во тмѣ̀, но и҆мѣ́ти бꙋ́детъ свѣ́тъ безсме́ртныѧ жи́зни.
На стїхо́внѣ стїхи̑ры, гла́съ в҃:
Подо́бенъ: До́ме є҆ѵфра́ѳовъ:
Прекло́нь нб҃са̀, сше́лъ є҆сѝ сп҃се мо́й, и҆ пло́ть ѿ дв҃ы кромѣ̀ преложе́нїѧ прїѧ́лъ є҆сѝ, и҆сточа́ѧ мнѣ̀ ѡ҆ставле́нїе.
Сті́хъ: Бг҃ъ же цр҃ь на́шъ пре́жде вѣ́ка:
Ве́сь въ бз҃ѣ сло́ве ты̀ є҆сѝ, погиба́юща мѧ̀ хотѧ̀ и҆з̾ѧ́ти ѿ прегрѣше́нїй, соединѧ́ешисѧ мнѣ̀, чл҃вѣколю́бче.
Сті́хъ: Помѧнѝ со́нмъ тво́й, є҆го́же стѧжа́лъ є҆сѝ и҆спе́рва:
Ты̀ прише́лъ є҆сѝ цр҃ю̀, премꙋ́дросте вели́каѧ, и҆́мже ѻ҆ц҃ъ мі́ръ сотворѝ премꙋ́дрѡ, со ст҃ы́мъ дх҃омъ.
Сла́ва, и҆ ны́нѣ: гла́съ и҃:
Ѡ҆чи́стимъ помышле́нїй сокрѡ́вища, и҆ дꙋшє́внаѧ сїѧ̑нїѧ просвѣти́мъ, и҆ жи́знь ᲂу҆́зримъ хрⷭ҇та̀, во ст҃и́лище прише́дша, премно́жествомъ бл҃гости, да врага̀ побѣди́тъ, и҆ спасе́тъ ро́дъ на́шъ, стрⷭ҇тїю крⷭ҇та̀ и҆ воскрⷭ҇нїѧ. къ немꙋ́ же возопїи́мъ: непостижи́ме гдⷭ҇и, сла́ва тебѣ̀. (л. рм҃з)
Въ понедѣ́льникъ ве́чера,
на Гдⷭ҇и воззва́хъ: стїхи̑ры подо́бны, гла́съ а҃.
Подо́бенъ: Нбⷭ҇ныхъ чинѡ́въ:
Творе́цъ всѣ́хъ и҆ жи́зни пода́тель, ѻ҆ц҃ꙋ̀ бж҃е́ственномꙋ соприсносꙋ́щное сло́во, во́лею ѿ дв҃ы пло́ть прїи́мъ, и҆ бы́въ человѣ́къ, неизрече́нныѧ премꙋ́дрости, ꙗ҆́кѡ бл҃гъ, всѣ̑мъ и҆сточѝ ᲂу҆чє́нїѧ.
Пра́здникꙋ преполови́вшꙋсѧ і҆ꙋде́йскомꙋ хрⷭ҇тѐ, во ст҃и́лищи предста́лъ є҆сѝ, зако́нꙋ влⷣка ᲂу҆чѧ̀ вла́стїю, и҆ кни́жники ѡ҆блича́ѧ, ꙗ҆́коже пи́сано є҆́сть, и҆ ᲂу҆жаса́ѧ премꙋ́дростїю слове́съ твои́хъ, и҆ чꙋде́съ показа́ньми.
Пода́тель премꙋ́дрости, и҆ до́брыхъ и҆злїѧ́тель, и҆злива́ѧй бжⷭ҇твєнныѧ стрꙋи̑, ѿ и҆сто́чника приснотекꙋ́щагѡ: прїиди́те ко мнѣ̀, зове́тъ, во́дꙋ жи́зни жа́ждꙋщїи почерпи́те, и҆ рѣ́ки и҆з̾ чре́ва ва́шегѡ, глаго́летъ, дарова́нїй бж҃е́ственныхъ потекꙋ́тъ.
Сла́ва и҆ ны́нѣ: гла́съ в҃:
Є҆гда̀ прише́лъ є҆сѝ во ст҃и́лище хрⷭ҇тѐ бж҃е, преполови́вшꙋсѧ пра́здникꙋ, тогда̀ лю́ди ᲂу҆чи́лъ є҆сѝ, вопїѧ̀: вѣ́рꙋѧй въ мѧ̀, а҆́ще и҆ ᲂу҆́мретъ, жи́въ бꙋ́детъ. і҆ꙋдє́и же распыха́хꙋсѧ съ фарїсе́и и҆ саддꙋке́и и҆ кни́жники, глаго́люще: кто̀ є҆́сть се́й, и҆́же глаго́летъ хꙋлы̑; не помышлѧ́юще, ꙗ҆́кѡ ты̀ є҆сѝ пре́жде всѣ́хъ вѣ̑къ, со ѻ҆ц҃е́мъ и҆ дх҃омъ сла́вимый бж҃е на́шъ, сла́ва тебѣ̀.
На стїхо́внѣ стїхи̑ры ѻ҆смогла́сника, гла́съ д҃:
Дре́ва преслꙋша́нїѧ запреще́нїе разрѣши́лъ є҆сѝ сп҃сѐ, на (л. рм҃з ѡ҆б.) дре́вѣ крⷭ҇тнѣмъ во́лею пригвозди́всѧ, и҆ во а҆́дъ соше́дъ си́льне, смє́ртныѧ ᲂу҆́зы ꙗ҆́кѡ бг҃ъ растерза́лъ є҆сѝ. тѣ́мже кла́нѧемсѧ є҆́же и҆з̾ ме́ртвыхъ твоемꙋ̀ воскрⷭ҇нїю, ра́достїю вопїю́ще: всеси́льне гдⷭ҇и, сла́ва тебѣ̀.
Сті́хъ: Къ тебѣ̀ возведо́хъ ѻ҆́чи моѝ:
Кто̀ ѡ҆бꙋрева́емый, и҆ притека́ѧй ко приста́нищꙋ семꙋ̀, не спаса́етсѧ; и҆лѝ кто̀ болѣ́знꙋѧй, и҆ припа́даѧй къ враче́бницѣ се́й, не и҆сцѣлѣва́етсѧ; содѣ́телю всѣ́хъ, и҆ врачꙋ̀ недꙋ́гꙋющихъ гдⷭ҇и, пре́жде да́же до конца̀ не поги́бнꙋ, спаси́ мѧ.
Сті́хъ: Поми́лꙋй на́съ гдⷭ҇и, поми́лꙋй на́съ:
Ст҃ы́хъ мꙋ́чєникъ прїе́мый терпѣ́нїе, и҆ ѿ на́съ прїимѝ пѣ́нїе чл҃вѣколю́бче, да́рꙋѧй на́мъ тѣ́хъ мл҃твами ве́лїю ми́лость.
Сла́ва, и҆ ны́нѣ: гла́съ г҃. Ге́рмана:
Преполови́вшꙋсѧ пра́здникꙋ, сла́вимъ посредѣ̀ землѝ спасе́нїе содѣ́лавша: посредѣ́ бо двою̀ разбѡ́йникꙋ живо́тъ на дре́вѣ повѣ́шенъ бѣ̀, и҆ хꙋ́лѧщемꙋ ᲂу҆́бѡ ᲂу҆молча́лъ, вѣ́рꙋющемꙋ же возопи́лъ: дне́сь со мно́ю бꙋ́деши въ раѝ. сше́лъ є҆сѝ во гро́бъ, плѣни́лъ є҆сѝ а҆́дъ, и҆ воскре́слъ є҆сѝ тридне́внѡ, спаса́ѧ дꙋ́шы на́шѧ.
Во вто́рникъ на ᲂу҆́трени.
По а҃-мъ стїхосло́вїи сѣда́ленъ, гла́съ д҃.
Подо́бенъ: Оу҆диви́сѧ і҆ѡ́сифъ:
Во́льною твое́ю во́лею крⷭ҇тъ претерпѣ́лъ є҆сѝ сп҃се, и҆ во гро́бѣ но́вѣ положи́ша тѧ̀ человѣ́цы сме́ртнїи, сло́вомъ (л. рм҃и) концы̀ соста́вльшаго. тѣ́мже свѧ́занъ бы́сть чꙋжді́й: сме́рть лю́тѡ плѣнѧ́шесѧ, и҆ сꙋ́щїи во а҆́дѣ всѝ взыва́хꙋ живоно́сномꙋ воста́нїю твоемꙋ̀: хрⷭ҇то́съ воскре́се жизнода́вецъ, пребыва́ѧй во вѣ́ки.
Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ:
Помышлѧ́й дꙋшѐ, ка́кѡ предста́немъ сꙋдїѝ; поста́вѧтсѧ престо́ли стра́шнїи, и҆ коегѡ́ждо дѣѧ̑нїѧ ѡ҆блича́тсѧ. тогда̀ сꙋдїѧ̀ неꙋмоли́мый: та́мѡ ѻ҆́гнь лю́тѡ предста́нетъ, ꙗ҆́коже свирѣ́пое мо́ре содержа̀, и҆ покрыва́ѧй концы̀. со всѣ́ми си́ми ви́ждь дꙋшѐ моѧ̀, стенѝ пре́жде конца̀.
Сті́хъ: Ди́венъ бг҃ъ во ст҃ы́хъ свои́хъ бг҃ъ і҆и҃левъ.
Мꙋ́чениченъ: И҆́же во всѣ́мъ мі́рѣ мꙋ́чєникъ твои́хъ, ꙗ҆́кѡ багрѧни́цею и҆ вѵ́ссомъ кровьмѝ цр҃ковь твоѧ̀ ᲂу҆краси́вшисѧ, тѣ́ми вопїе́тъ тѝ, хрⷭ҇тѐ бж҃е: лю́демъ твои̑мъ щедрѡ́ты твоѧ̀ низпослѝ, мі́ръ жи́тельствꙋ твоемꙋ̀ да́рꙋй, и҆ дꙋша́мъ на́шымъ ве́лїю ми́лость.
Сла́ва, и҆ ны́нѣ: бг҃оро́диченъ:
Стра́шное та́инство, и҆ чꙋ́до пресла́вное, ка́кѡ дв҃а тебѐ зижди́телѧ всѣ́хъ понесѐ, и҆ по ржⷭ҇твѣ̀ па́ки цѣла̀ и҆ дв҃а пребы́сть; рожде́йсѧ и҆з̾ неѧ̀ вѣ́рꙋ ᲂу҆твердѝ, ꙗ҆зы́ки ᲂу҆кротѝ. и҆ мі́ръ ᲂу҆мирѝ, ꙗ҆́кѡ чл҃вѣколю́бецъ.
По в҃-мъ стїхосло́вїи, сѣда́льны, гла́съ и҃.
Подо́бенъ: Премꙋ́дрости сло́ва:
Премꙋ́дрости во́дꙋ и҆ жи́зни и҆сточа́ѧ мі́рови, всѣ́хъ сп҃се призыва́еши почерпстѝ спасе́нїѧ во́ды: бж҃е́ственный бо зако́нъ тво́й прїи́мъ человѣ́къ, въ себѣ̀ ᲂу҆гаша́етъ, преле́стное ᲂу҆́глїе: ѿѻнꙋ́дꙋже во вѣ́ки не вжа́ждетъ, ни (л. рм҃и ѡ҆б.) преста́нетъ насыще́нїѧ твоегѡ̀ влⷣко цр҃ю̀ пренбⷭ҇ный. сегѡ̀ ра́ди сла́вимъ держа́вꙋ твою̀ хрⷭ҇тѐ бж҃е, прегрѣше́нїй ѡ҆ставле́нїе просѧ́ще посла́ти бога́тнѡ рабѡ́мъ твои́мъ. [Два́жды.]
Воскресе́нїе хрⷭ҇то́во: Ѱало́мъ н҃. Канѡ́нъ пра́здника со і҆рмосы̀ на и҃, и҆ мине́и на д҃. Конда́къ, и҆ і҆́косъ, и҆ є҆ѯапостїла́рїи пра́здника.
На хвали́техъ поста́вимъ стїхѝ д҃. И҆ пое́мъ стїхи̑ры ѻ҆смогла́сника. Гла́съ д҃:
Крⷭ҇то́мъ твои́мъ хрⷭ҇тѐ, ѿ дре́внїѧ клѧ́твы свободи́лъ є҆сѝ на́съ, и҆ сме́ртїю твое́ю є҆стество̀ на́ше мꙋ́чащаго дїа́вола ᲂу҆праздни́лъ є҆сѝ: воста́нїемъ же твои́мъ ра́дости всѧ̑ и҆спо́лнилъ є҆сѝ. тѣ́мже вопїе́мъ тѝ: воскр҃сы́й и҆з̾ ме́ртвыхъ гдⷭ҇и, сла́ва тебѣ̀. [Два́жды.]
Ѡ҆мы́й мѧ̀ слеза́ми мои́ми сп҃се, ꙗ҆́кѡ ѡ҆скверни́хъ во мно́гихъ грѣсѣ́хъ. тѣ́мже и҆ припа́даю тѝ ми́лостиве: согрѣши́хъ, поми́лꙋй мѧ̀ бж҃е.
Мꙋ́чениченъ:
А҆́гг҃лѡмъ соприча́стницы бы́сте ст҃і́и мꙋ́ченицы, въ по́двизѣ хрⷭ҇та̀ мꙋ́жески проповѣ́давше: всѧ̑ бо ꙗ҆̀же въ мі́рѣ ѡ҆ста́висте кра̑снаѧ, ꙗ҆́кѡ не сꙋ̑щаѧ, вѣ́рꙋ же ꙗ҆́кѡ а҆гкѵ́рꙋ тве́рдꙋю ᲂу҆держа́сте. тѣ́мже и҆ ле́сть ѿгна́вше, и҆сточа́ете вѣ̑рнымъ и҆сцѣле́нїй дарова̑нїѧ, непреста́ннѡ молѧ́щесѧ спасти́сѧ дꙋша́мъ на́шымъ.
Сла́ва, и҆ ны́нѣ: гла́съ д҃:
Гдⷭ҇и, пре́жде честна́гѡ твоегѡ̀ крⷭ҇та̀, пра́здникꙋ преполови́вшꙋсѧ, во ст҃и́лище вше́лъ є҆сѝ, і҆ꙋдє́и со дерзнове́нїемъ ᲂу҆чѧ̀, мѡѷсе́омъ и҆ въ зако́нѣ тобо́ю законоположє́ннымъ. ᲂу҆жаса́ющесѧ же хрⷭ҇тѐ, твоеѧ̀ премꙋ́дрости неизрече́нномꙋ та́инствꙋ, є҆́же на тѧ̀ ропта́нїю (л. рм҃ѳ) въ себѣ̀ за́вистїю поꙋча́хꙋсѧ: ка́кѡ се́й вѣ́сть пи́смена не ᲂу҆чи́всѧ; не вѣ́дꙋще тебѐ сп҃са дꙋ́шъ на́шихъ.
На стїхо́внѣ стїхи̑ры подо́бны, гла́съ в҃.
Подо́бенъ: До́ме є҆ѵфра́ѳовъ:
Коне́цъ сы́й и҆ нача́ло, преполове́нїе же, посредѣ̀ пра́здника предста́лъ є҆сѝ во свѧти́лищи хрⷭ҇тѐ мо́й, и҆сточа́ѧ мѝ ѡ҆ставле́нїе.
Сті́хъ: Помѧнѝ со́нмъ тво́й, є҆го́же стѧжа́лъ є҆сѝ и҆спе́рва.
Слы́ша сїѡ́нъ воскрⷭ҇нїѧ твоегѡ̀ бжⷭ҇твеннꙋю держа́вꙋ сло́ве, и҆ ра́дꙋетсѧ съ ча́ды, воспѣва́ѧ тѧ̀ бл҃гоꙋтро́бнаго.
Сті́хъ: Бг҃ъ же цр҃ь на́шъ пре́жде вѣ́ка:
Свѣ́тъ ѿ ѻ҆ц҃а̀, возсїѧ́въ сло́во, но напослѣдѝ лѣ́тъ ꙗ҆ви́лсѧ є҆сѝ ꙗ҆́кѡ чл҃вѣ́къ, подаѧ̀ мнѣ̀ прегрѣше́нїй ѡ҆ставле́нїе.
Сла́ва, и҆ ны́нѣ: гла́съ и҃:
Преполови́вшꙋсѧ пра́здникꙋ па́схи, въ хра́мъ вше́лъ є҆сѝ ст҃и́лищный сп҃се на́шъ, и҆ ста́въ посредѣ̀ наро́да, ᲂу҆чи́лъ є҆сѝ тѣ́хъ съ дерзнове́нїемъ, и҆ глаго́лалъ є҆сѝ: а҆́зъ є҆́смь свѣ́тъ мі́ра, въ слѣ́дъ менѐ и҆ды́й, не и҆́мать ходи́ти во тмѣ̀, но и҆мѣ́ти бꙋ́детъ свѣ́тъ безсме́ртныѧ жи́зни.
Во вто́рникъ пѧ́тыѧ седми́цы по па́сцѣ ве́чера,
поста́вимъ стїхѡ́въ, ѕ҃. И҆ пое́мъ стїхи̑ры преполове́нїю г҃, повторѧ́юще ѧ҆̀. Гла́съ д҃.
Подо́бенъ: Гдⷭ҇и, возше́дъ на крⷭ҇тъ:
Наста̀ преполове́нїе дне́й, ѿ спаси́тельнагѡ (л. рм҃ѳ ѡ҆б.) начина́емыхъ воста́нїѧ, пѧтдесѧ́тницею же бж҃е́ственною печатлѣ́емое: и҆ свѣ́титсѧ свѣ́тлѡсти ѻ҆бою́дꙋ и҆мꙋ́щее, и҆ соединѧ́ющее ѻ҆боѧ̑, и҆ прїитѝ сла́вѣ пред̾ѧвлѧ́ющее влⷣчнѧгѡ вознесе́нїѧ предпочита́етъ.
Слы́ша и҆ возвесели́сѧ сїѡ́нъ, бл҃говѣсти́вшꙋсѧ хрⷭ҇то́вꙋ воскрⷭ҇нїю: вѣ́рнїи же є҆гѡ̀ сы́нове возра́довашасѧ сего̀ ви́дѣвше, и҆ ѡ҆мыва́юща дх҃омъ скве́рнꙋ хрⷭ҇тоꙋбі́йства: гото́витсѧ торжествꙋ́ющи, ѻ҆бои́хъ весе́лое преполове́нїе.
Прибли́жисѧ бж҃е́ственнагѡ и҆з̾ѻби́льное и҆зли́тїе на всѣ́хъ, ꙗ҆́коже написа́сѧ дх҃а: пред̾ꙋзаконе́нїе проповѣ́дꙋетъ, преполови́вшеесѧ, по хрⷭ҇то́вѣ сме́рти и҆ погребе́нїи и҆ воскресе́нїи, ѿ негѡ̀ да́ннꙋ сꙋ́щꙋ ᲂу҆ченикѡ́мъ нело́жномꙋ ѡ҆бѣща́нїю, ᲂу҆тѣ́шителево показꙋ́ющꙋ ꙗ҆вле́нїе.
Сла́ва, и҆ ны́нѣ: гла́съ ѕ҃:
Пра́здникꙋ преполовлѧ́ющꙋсѧ твоегѡ̀ хрⷭ҇тѐ воскрⷭ҇нїѧ, и҆ бж҃е́ственнагѡ прише́ствїѧ ст҃а́гѡ твоегѡ̀ дх҃а, сше́дшесѧ чꙋде́съ твои́хъ воспѣва́емъ та̑инства: во́ньже низпослѝ на́мъ ве́лїю ми́лость.
На стїхо́внѣ самогла́сны, гла́съ а҃:
Пѧтдесѧ́тницы наста̀ дне́й преполове́нїе, въ не́мже хрⷭ҇то́съ ѡ҆бнажи́въ малови́днѡ бж҃е́ственнꙋю си́лꙋ, разсла́бленнаго стѧгнꙋ̀ сло́вомъ, того̀ ѿ ѻ҆дра̀ возста́вивъ, и҆ бг҃олѣ́пнѡ чꙋдотворѧ̀ во зда́нномъ тѣ́лѣ, человѣ́кѡмъ дарова̀ вѣ́чный живо́тъ, и҆ ве́лїю ми́лость.
Сті́хъ: Помѧнѝ со́нмъ тво́й, є҆го́же стѧжа́лъ є҆сѝ и҆спе́рва.
Во ст҃и́лище прише́лъ є҆сѝ премꙋ́дросте бж҃їѧ, преполовлѧ́ющꙋсѧ пра́здникꙋ, ᲂу҆чѧ̀ и҆ ѡ҆блича́ѧ непокѡри́выѧ і҆ꙋдє́и, фарїсє́и и҆ кни́жники, и҆ вопїѧ̀ со дерзнове́нїемъ (л. р҃н) къ ни́мъ: жа́ждай да грѧде́тъ ко мнѣ̀, и҆ пїе́тъ во́дꙋ живо́тнꙋю, и҆ не вжа́ждетъ во вѣ́къ: вѣ́рꙋѧй мое́й бл҃гости, рѣ́ки потекꙋ́тъ и҆з̾ чре́ва є҆гѡ̀ жи́зни вѣ́чныѧ. ѽ бла́гости и҆ благоꙋтро́бїѧ твоегѡ̀, хрⷭ҇тѐ бж҃е на́шъ, сла́ва тебѣ̀!
Сті́хъ: Бг҃ъ же цр҃ь на́шъ пре́жде вѣ́ка:
Гла́съ в҃:
Є҆гда̀ преполове́нїе пра́здника наста̀, взы́де і҆и҃съ во ст҃и́лище, и҆ ᲂу҆ча́ше непокѡри́выѧ і҆ꙋдє́и, глаго́лѧ: жа́ждай да грѧде́тъ ко мнѣ̀, и҆ пїе́тъ во́дꙋ живо́тнꙋю вѣ́чнꙋю, и҆ не вжа́ждетсѧ въ вѣ́къ. вѣ́рꙋѧй въ мѧ̀, рѣ́ки потекꙋ́тъ и҆з̾ чре́ва є҆гѡ̀, и҆ и҆мѣ́ти бꙋ́детъ свѣ́тъ живо́тный.
Сла́ва и҆ ны́нѣ: гла́съ и҃.
Преполови́вшꙋсѧ пра́здникꙋ, ᲂу҆ча́щꙋ тѝ сп҃се, глаго́лахꙋ і҆ꙋдє́е: ка́кѡ се́й вѣ́сть пи́смена не ᲂу҆чи́всѧ; не разꙋмѣ́юще, ꙗ҆́кѡ ты̀ є҆сѝ премꙋ́дрость ᲂу҆стро́ившаѧ мі́ръ, сла́ва тебѣ̀.
Та́же, тропа́рь ѿпꙋсти́тельный: Преполови́вшꙋсѧ пра́здникꙋ: [ли́стъ рл҃а ѡ҆б.] То́йже и҆ на Бг҃ъ гдⷭ҇ь: въ сре́дꙋ на ᲂу҆́трени.
Въ сре́дꙋ пѧ́тыѧ седми́цы по па́сцѣ на ᲂу҆́трени,
по а҃-мъ, и҆ по в҃-мъ стїхосло́вїи, сѣда́льны пра́здника: Воскрⷭ҇нїе хрⷭ҇то́во: Ѱало́мъ н҃. И҆ канѡ́ны д҃-гѡ гла́са, со і҆рмосо́мъ на и҃: и҆ ѻ҆сма́гѡ гла́са, на ѕ҃. Конда́къ, и҆ і҆́косъ, и҆ є҆ѯапостїла́рїй пра́здника.
На хвали́техъ, Всѧ́кое дыха́нїе: поста́вимъ стїхѝ д҃:
Премⷣрость и҆ си́ла, ѻ҆́ч҃ее сїѧ́нїе, сло́во присносꙋ́щное (л. р҃н ѡ҆б.) и҆ сн҃ъ бж҃їй, во ст҃и́лище прїи́де пло́тїю, и҆ ᲂу҆ча́ше і҆ꙋдє́йскїѧ лю́ди жестѡ́кїѧ и҆ неблагѡда́рныѧ, и҆ ᲂу҆дивлѧ́хꙋсѧ премꙋ́дрости бога́тствꙋ, вопїю́ще: ѿкꙋ́дꙋ вѣ́сть пи́смена ни ѿ когѡ́же ᲂу҆чи́всѧ; [Два́жды.]
Кни́жникѡмъ затыка́ше ᲂу҆ста̀, і҆ꙋдє́и ѡ҆блича́ше мессі́а гдⷭ҇ь, вопїѧ̀ къ ни́мъ: не на лицѐ законопрестꙋ̑пницы, ꙗ҆́кѡ непра́ведни сꙋди́те: въ сꙋббѡ́тꙋ бо а҆́зъ разсла́бленнаго воздви́гнꙋхъ. тѣ́мже гдⷭ҇ь сꙋббѡ́ты є҆́смь и҆ зако́на: что̀ и҆́щете менѐ ᲂу҆би́ти, ᲂу҆ме́ршыѧ воздви́гшаго;
Навꙋѳі́а ка́менїемъ поби́ша лю́тїи и҆ законопрестꙋ́пнїи, і҆ꙋде́йское собра́нїе неблагода́рное, и҆са́їю же пило́ю древѧ́нною растро́ша, въ ка́лъ мꙋ́драго і҆еремі́ю вверго́ша, гдⷭ҇а же на крⷭ҇тъ возне́сше, взыва́хꙋ: хра́мъ разорѧ́ѧ, спасѝ себѐ, и҆ ᲂу҆вѣ́рꙋемъ.
Сла́ва, и҆ ны́нѣ: гла́съ д҃:
Просвѣти́вшесѧ бра́тїе воскресе́нїемъ сп҃са хрⷭ҇та̀, и҆ дости́гше преполове́нїѧ пра́здника влⷣчнѧ, прїи́скреннѡ сохрани́мъ за́пѡвѣди бж҃їѧ, да досто́йни бꙋ́демъ и҆ вознесе́нїе пра́здновати, и҆ прише́ствїе полꙋчи́ти ст҃а́гѡ дх҃а.
Славосло́вїе вели́кое. И҆ ѿпꙋ́стъ.
На лїтꙋргі́и блажє́нна ѻ҆бои́хъ канѡ́нѡвъ, пѣ́снь ѳ҃-ѧ. Прокі́менъ, и҆ а҆ллилꙋ́їа пра́здника, а҆пⷭ҇лъ, и҆ є҆ѵⷢ҇лїе днѐ. Прича́стный: Ꙗ҆ды́й мою̀ пло́ть, и҆ пїѧ́й мою̀ кро́вь, во мнѣ̀ пребыва́етъ: И҆ ѿдае́тсѧ пра́здникъ. Слꙋ́жба мине́и пое́тсѧ на повече́рїи. (л. рн҃а)
Въ сре́дꙋ пѧ́тыѧ седми́цы по па́сцѣ ве́чера,
на Гдⷭ҇и воззва́хъ: поста́вимъ стїхѡ́въ ѕ҃, и҆ пое́мъ стїхи̑ры ѡ҆ самарѧны́нѣ. Гла́съ д҃.
Подо́бенъ: Зва́нный свы́ше:
На кла́дѧзѣ хрⷭ҇то́съ самарѧны́ню ѡ҆брѣ́тъ, просѝ во́дꙋ пи́ти ѿ неѧ̀, жа́ждай сеѧ̀ и҆справле́нїѧ и҆ спасе́нїѧ, є҆́же и҆ ᲂу҆разꙋмѣ́сѧ дѣ́лы и҆сполнѧ́емое. сїю́ бо влекꙋ́щꙋю питїѐ, питїѧ̀ са́мъ и҆звлека́етъ, и҆ питїѧ̀ и҆сполнѧ́етъ живꙋ́щагѡ, согра́жданѡмъ возвѣща́ющꙋю: сѐ дре́вле въ зако́нѣ рече́нный мессі́а хрⷭ҇то́съ, ꙗ҆ви́сѧ ꙗ҆́кѡ человѣ́къ, мы́слей сокрове́нныхъ ѿкрыва́ѧ неизречє́ннаѧ.
Сѐ мессі́а хрⷭ҇то́съ, сꙋ́щымъ во гра́дѣ, на землѝ ꙗ҆ви́сѧ, самарѧны́нѧ глаго́летъ: напи́санный прїитѝ, и҆́же содѣ́ѧннаѧ мно́ю сказа̀, и҆ ꙗ҆̀же во глꙋбинѣ̀ се́рдца моегѡ̀ сокровє́ннаѧ, всѧ̑ мнѣ̀ речѐ, ꙗ҆́кѡ соверши́хъ. тѣ́мже гра́дъ сте́кшїйсѧ ви́дитъ словеса̀ є҆ѧ̀, по всемꙋ̀ и҆́стинствꙋющаѧ, и҆ ве́щи ᲂу҆дивлѧ́етсѧ, и҆ ᲂу҆вѣрѧ́етсѧ видѣ́нїю.
Тебѐ въ шесты́й ча́съ, ꙗ҆́кѡ влⷣкꙋ и҆ногда̀ въ раѝ ходѧ́ща бг҃а, прама́тернѧѧ ви́дѣ дщѝ па́ки, въ ча́съ шесты́й та́кѡ сѣдѧ́ща, и҆дѣ́же и҆сто́чникъ воды̀, и҆ кладене́цъ и҆скопа́сѧ, и҆ ѿ неѧ̀ просѧ́ща пи́ти, ꙗ҆́кѡ да водо́ю сїю̀ напои́ши жи́зни нетлѣ́нїѧ, є҆́же и҆ содѣ́ѧсѧ: твоеѧ́ бо живоно́сныѧ воды̀, ѻ҆на̀ и҆з̾ѻби́льнѡ напи́вшисѧ, и҆ во гра́дѣ проповѣ́да водно́е бога́тство.
И҆ мине́и, г҃. Сла́ва, и҆ ны́нѣ: гла́съ а҃:
На и҆сто́чникъ прише́лъ є҆сѝ, и҆сто́чниче чꙋде́съ, въ шесты́й (л. рн҃а ѡ҆б.) ча́съ, є҆́ѵинъ ᲂу҆лови́ти пло́дъ: є҆́ѵа бо въ то́й и҆зы́де и҆з̾ раѧ̀ пре́лестїю ѕмі́евою: прибли́жи бо сѧ самарѧны́нѧ почерпстѝ во́дꙋ, ю҆́же ви́дѣвъ речѐ сп҃съ: да́ждь мѝ во́дꙋ пи́ти, и҆ а҆́зъ воды̀ текꙋ́щїѧ насы́щꙋ тѧ̀, и҆ во гра́дъ те́кши цѣломꙋ́дреннаѧ, наро́дѡмъ возвѣстѝ а҆́бїе: прїиди́те, ви́дите хрⷭ҇та̀ гдⷭ҇а, сп҃са дꙋ́шъ на́шихъ.
На стїхо́внѣ стїхи̑ры ѻ҆смогла́сника, гла́съ д҃:
Врата̀ а҆́дова сокрꙋши́лъ є҆сѝ гдⷭ҇и, и҆ твое́ю сме́ртїю сме́ртное ца́рство разрꙋши́лъ є҆сѝ: ро́дъ же человѣ́ческїй ѿ тлѣ́нїѧ свободи́лъ є҆сѝ, живо́тъ и҆ нетлѣ́нїе мі́рꙋ дарова́въ, и҆ ве́лїю ми́лость.
Сті́хъ: Къ тебѣ̀ возведо́хъ ѻ҆́чи моѝ:
А҆пⷭ҇льскїй ли́къ, дх҃омъ ст҃ы́мъ просвѣти́лъ є҆сѝ хрⷭ҇тѐ, и҆ на́шꙋ скве́рнꙋ грѣхо́внꙋю тѣ́ми ѿмы́й бж҃е, и҆ поми́лꙋй на́съ.
Сті́хъ: Поми́лꙋй на́съ гдⷭ҇и, поми́лꙋй на́съ:
Мꙋ́чениченъ: И҆мꙋ́ще дерзнове́нїе ко сп҃сꙋ ст҃і́и, моли́тесѧ непреста́ннѡ за ны̀ грѣ̑шныѧ, ѡ҆ставле́нїе прегрѣше́нїй просѧ́ще, и҆ дꙋша́мъ на́шымъ ве́лїю ми́лость.
Сла́ва, и҆ ны́нѣ: гла́съ в҃:
На стꙋдене́цъ ꙗ҆́кѡ прїи́де гдⷭ҇ь, самарѧны́нѧ молѧ́ше благоꙋтро́бнаго: пода́ждь мѝ во́дꙋ вѣ́ры, и҆ прїимꙋ̀ кꙋпѣ́льныѧ воды̀ ра́дованїе и҆ и҆збавле́нїе: животода́вче гдⷭ҇и, сла́ва тебѣ̀.
Тропа́рь: Свѣ́тлꙋю воскресе́нїѧ: (л. рн҃в)
Въ четверто́къ є҃ седми́цы по па́сцѣ, на ᲂу҆́трени,
по а҃-мъ стїхосло́вїи, сѣда́ленъ, гла́съ д҃.
Подо́бенъ: Вознесы́йсѧ на крⷭ҇тъ:
Распны́йсѧ на́съ ра́ди во́лею, и҆ вмѣне́нъ бы́въ въ ме́ртвыхъ животода́вче, и҆ воскре́съ тридне́внѡ хрⷭ҇тѐ бж҃е на́шъ, сокрꙋши́лъ є҆сѝ си́лою твое́ю сме́рти держа́вꙋ, всѣ́хъ воста́нїемъ твои́мъ сꙋ́щихъ во а҆́дѣ ѡ҆живи́вый. и҆ воспѣва́юще чте́мъ твоѐ воста́нїе всѝ, безсме́ртне гдⷭ҇и.
Сті́хъ: Во всю̀ зе́млю и҆зы́де вѣща́нїе и҆́хъ:
Подо́бенъ: Ско́рѡ предварѝ:
Свѣти̑ла въ концѣ́хъ ᲂу҆ченикѝ твоѧ̑, сп҃се, показа́лъ є҆сѝ сїѧ́юща твои́мъ проповѣ́данїемъ, просвѣща́ющыѧ дꙋ́шы на́шѧ: пре́лесть і҆́дѡльскꙋю тѣ́ми ѡ҆мрачи́въ, ᲂу҆че́ньми бл҃гоче́стїѧ просвѣти́вый мі́ръ. тѣ́хъ моли́твами спасѝ дꙋ́шы на́шѧ.
Сті́хъ: Ди́венъ бг҃ъ во ст҃ы́хъ свои́хъ:
Мꙋ́чениченъ: Крⷭ҇то́мъ воѡрꙋжи́вшесѧ страстоте́рпцы твоѝ, побѣди́ша кѡ́зни ѕлонача́льнагѡ врага̀, хрⷭ҇тѐ бж҃е на́шъ: возсїѧ́ша ꙗ҆́кѡ свѣти̑ла, человѣ́ки наставлѧ́юще, подаю́тъ и҆сцѣлє́нїѧ вѣ́рою просѧ́щымъ. тѣ́хъ моли́твами спасѝ дꙋ́шы на́шѧ.
Сла́ва, и҆ ны́нѣ: крⷭ҇тобг҃оро́диченъ:
Дв҃о пренепоро́чнаѧ, пребл҃га́го бг҃а ро́ждшаѧ, со а҆пⷭ҇лы того̀ непреста́ннѡ молѝ, ѡ҆ставле́нїе прегрѣше́нїй, и҆ и҆справле́нїе житїѧ̀ пода́ти на́мъ, пре́жде конца̀, вѣ́рою и҆ любо́вїю воспѣва́ющымъ тѧ̀ по до́лгꙋ, є҆ди́на всепѣ́таѧ. (л. рн҃в ѡ҆б.)
По в҃-мъ стїхосло́вїи сѣда́ленъ, гла́съ ѕ҃.
Подо́бенъ: Оу҆пова́нїе мі́рꙋ:
Ꙗ҆́кѡ вѣ́рнѣй самарѧны́нѣ гдⷭ҇и, бж҃ества̀ твоегѡ̀ и҆сто́чникъ ѿве́рзлъ є҆сѝ, и҆ и҆злїѧ́лъ є҆сѝ бг҃оразꙋ́мїе на ню̀, напоѧ́ѧ питїе́мъ бг҃опрїѧ́тнымъ: и҆ ны́нѣ всѣ́мъ на́мъ низпослѝ прегрѣше́нїй ѡ҆чище́нїе пребл҃гі́й. [Два́жды.]
Воскресе́нїе хрⷭ҇то́во ви́дѣвше: ѱало́мъ н҃. Канѡ́нъ самарѧны́ни, со і҆рмосы̀ на и҃: и҆ мине́и на д҃. Конда́къ, и҆ і҆́косъ самарѧны́ни, и҆ є҆ѯапостїла́рїй, два́жды.
На хвали́техъ поста́вимъ стїхѝ д҃. И҆ пое́мъ стїхи̑ры ѻ҆смогла́сника, гла́съ д҃:
Ѻ҆те́ческихъ твои́хъ нѣ́дръ не разлꙋчи́всѧ, є҆диноро́дне сло́ве бж҃їй, прише́лъ є҆сѝ на зе́млю за человѣколю́бїе, чл҃вѣ́къ бы́въ непрело́женъ, и҆ крⷭ҇тъ и҆ сме́рть претерпѣ́лъ є҆сѝ пло́тїю, безстра́стный бж҃ество́мъ, воскре́съ же и҆з̾ ме́ртвыхъ, безсме́ртїе по́далъ є҆сѝ человѣ́ческомꙋ ро́дꙋ ꙗ҆́кѡ є҆ди́нъ всеси́ленъ. [Два́жды.]
Некни̑жныѧ ᲂу҆ченикѝ дх҃ъ тво́й ст҃ы́й наказа́тели ꙗ҆вѝ хрⷭ҇тѐ бж҃е, и҆ многовѣща́ннымъ сли́чїемъ ꙗ҆зы́кѡвъ пре́лесть ᲂу҆празднѝ, ꙗ҆́кѡ всеси́ленъ.
Мꙋ́чениченъ:
Ка́кѡ ва́шымъ подвигѡ́мъ не ᲂу҆диви́мсѧ ст҃і́и мч҃нцы, ꙗ҆́кѡ тѣ́ломъ ме́ртвеннымъ ѡ҆бложе́ни, безплѡ́тныѧ врагѝ побѣди́сте; не ᲂу҆страши́ша ва́съ мꙋчи́тєльскаѧ прещє́нїѧ, ни ᲂу҆жаси́ша ва́съ мꙋ́къ приложє́нїѧ, вои́стиннꙋ досто́йнѡ ѿ хрⷭ҇та̀ просла́вистесѧ. непреста́ннѡ моли́тесѧ спасти́сѧ дꙋша́мъ на́шымъ. (л. рн҃г)
Сла́ва, и҆ ны́нѣ: гла́съ в҃:
Собезнача́льный и҆ соприсносꙋ́щный сн҃ъ и҆ сло́во ѻ҆́ч҃ее, на и҆сто́чникъ прїи́де, и҆сто́чникъ и҆сцѣле́нїй, и҆ жена̀ ѿ самарі́и прїи́де почерпстѝ во́дꙋ, ю҆́же ви́дѣвъ речѐ сп҃съ: да́ждь мѝ воды̀ пи́ти, и҆ ше́дши пригласѝ твоего̀ мꙋ́жа. ѻ҆на́ же ꙗ҆́кѡ человѣ́кꙋ глаго́лющи, а҆ не бг҃ꙋ, ᲂу҆таи́ти тща́щисѧ, глаго́лаше: не и҆́мамъ мꙋ́жа. и҆ ᲂу҆чи́тель къ не́й: и҆́стинꙋ рекла̀ є҆сѝ: не и҆́мамъ мꙋ́жа, пѧ́ть бо и҆мѣ́ла є҆сѝ, и҆ ны́нѣ є҆го́же и҆́маши, нѣ́сть тво́й мꙋ́жъ. ѻ҆на́ же ѡ҆ глаго́лѣ ᲂу҆диви́вшисѧ, и҆ во гра́дъ те́кши, наро́дѡмъ вопїѧ́ше, глаго́лющи: прїиди́те ви́дите хрⷭ҇та̀, и҆́же да́рꙋетъ мі́рови ве́лїю ми́лость.
На стїхо́внѣ самарѧны́ни, Гла́съ д҃. Подо́бенъ: Ꙗ҆́кѡ до́блѧ:
Ты̀ и҆сто́чникъ бла́гости сы́й и҆ пꙋчи́на, жи́зни же храни́тель, є҆ди́не бл҃гоꙋтро́бне, ка́кѡ женѣ̀ самарѧны́нѣ бесѣ́дꙋѧ возгласи́лъ є҆сѝ: да́ждь мѝ во́дꙋ пи́ти, ꙗ҆́кѡ да прїи́меши ѡ҆ставле́нїе: воспѣва́емъ твоѐ мно́гое бл҃гоꙋтро́бїе, и҆́мже спаса́еши чл҃вѣ́ческїй ве́сь ро́дъ, за мно́гꙋю бла́гость.
Сті́хъ: Налѧцы̀, и҆ ᲂу҆спѣва́й, и҆ ца́рствꙋй, и҆́стины ра́ди, и҆ кро́тости, и҆ пра́вды.
Прїиди́те ви́дите человѣ́ка, и҆́же рече́ ми дне́сь на и҆сто́чницѣ сѣдѧ́й, что̀ сотвори́хъ: проро́къ бо и҆́стиннѣшїй є҆́сть и҆ превели́кїй, сокровє́ннаѧ и҆ ꙗ҆влє́ннаѧ вѣ́дый всѧ̑. но да́рꙋй во́дꙋ жи́вꙋ, ю҆́же подае́ши жа́ждꙋщымъ, да не вжа́ждꙋ па́ки во вѣ́ки, чл҃вѣколю́бче.
Сті́хъ: Возлюби́лъ є҆сѝ пра́вдꙋ, и҆ возненави́дѣлъ є҆сѝ беззако́нїе. (л. рн҃г ѡ҆б.)
И҆сто́чникъ приснотекꙋ́щїй, животѐ безсме́ртне, стрꙋѧ̀ неистоща́емаѧ же и҆ нетлѣ́ннаѧ, пꙋтеше́ствовавъ сѣдѧ́ше бли́зъ кла́дѧзѧ, своѧ̑ ᲂу҆ченикѝ посла́въ по бра́шно, бесѣ́доваше женѣ̀ че́рплющей, сїю̀ хотѧ̀ ᲂу҆лови́ти, и҆ просвѣти́ти дꙋшѝ є҆ѧ̀ ѻ҆́чи.
Сла́ва, и҆ ны́нѣ: гла́съ г҃:
Да ра́дꙋетсѧ дне́сь свѣ́тлѡ нб҃о и҆ землѧ̀, ꙗ҆́кѡ хрⷭ҇то́съ ꙗ҆ви́сѧ воплоща́емь ꙗ҆́кѡ человѣ́къ, да а҆да́ма и҆зме́тъ ѿ клѧ́твы всеро́дна, и҆ ᲂу҆дивлѧ́етсѧ чꙋдесы̀ въ самарі́ю прише́дъ: женѣ́ же бесѣ́доваше воды̀ просѧ̀, и҆́же ѻ҆́блаки вода́ми ѡ҆дѣва́ѧй. тѣ́мже всѝ вѣ́рнїи поклони́мсѧ, на́съ ра́ди во́лею ѡ҆бнища́вшемꙋ, бл҃гоꙋтро́бнымъ совѣ́томъ.
Въ четверто́къ ве́чера,
на Гдⷭ҇и воззва́хъ: стїхи̑ры подо́бны, гла́съ д҃.
Подо́бенъ: Гдⷭ҇и, возше́дъ на крⷭ҇тъ:
Ви́дите, є҆го́же преднаписа̀ мѡѷсе́й, і҆и҃са мессі́ю, въ зако́нѣ прїитѝ, на землѝ ꙗ҆́вльшасѧ благоꙋтро́бїѧ ра́ди и҆ мнѣ̀ бесѣ́довавша ꙗ҆́кѡ чл҃вѣ́ка на кла́дѧзѣ: вои́стиннꙋ се́й є҆́сть хрⷭ҇то́съ въ мі́ръ грѧды́й, сꙋ́щымъ въ сѷха́рѣ самарѧны́нѧ ꙗ҆ви́сѧ глаго́лющи.
Ѿ сла́дкихъ ᲂу҆́стъ жены̀, во́дꙋ пїе́мꙋю, сла́дкꙋю и҆стека́ющꙋю, сꙋ́щїи во гра́дѣ пїю́ще, и҆ ко кла́дѧзю и҆сточа́ющемꙋ ѻ҆би́лїе воды̀, потща́хꙋсѧ тещѝ ско́рѡ (л. рн҃д) и҆ и҆сто́чникъ ви́дѣти приснотекꙋ́щїй, и҆ста́ѧвшыѧ дꙋ́шы воспрохлажда́ющїй.
Соѻбра́зный ви́дѧще и҆сто́чникъ, и҆ є҆динови́дный человѣ́ческагѡ составле́нїѧ, женѣ̀ вопїѧ́хꙋ во гра́дѣ сꙋ́щїи: не ктомꙋ̀ твоеѧ̀ ра́ди бесѣ́ды мы̀ вѣ́ровахомъ, вои́стиннꙋ позна́вше, ꙗ҆́кѡ то́й є҆́сть и҆збавле́нїе и҆ спасе́нїе мі́рꙋ вѣ́чное.
Сла́ва, и҆ ны́нѣ: гла́съ ѕ҃:
При стꙋденцѣ̀ і҆а́кѡвли ѡ҆брѣ́тъ і҆и҃съ самарѧны́ню, про́ситъ воды̀ ѿ неѧ̀, ѻ҆блака́ми покрыва́ѧй зе́млю. ѽ чꙋдесѐ! и҆́же херꙋві́мы носи́мый, блꙋдни́цѣ женѣ̀ бесѣ́доваше, воды̀ просѧ̀, и҆́же на вода́хъ зе́млю повѣ́сивый: воды̀ и҆скі́й, и҆́же и҆сто́чники и҆ є҆зе́ра во́дъ и҆злива́ѧй: хотѧ̀ привлещѝ сїю̀ вои́стиннꙋ, ᲂу҆ловлѧ́емꙋю ѿ сꙋпоста́та врага̀, и҆ напои́ти ю҆̀ водо́ю живо́ю, пали́мꙋю въ безмѣ́стїихъ лю́тѣ, ꙗ҆́кѡ є҆ди́нъ благоꙋтро́бный и҆ человѣколю́бецъ.
На стїхо́внѣ стїхи́ра крⷭ҇тнаѧ, гла́съ д҃:
Всегда̀ и҆мꙋ́ще хрⷭ҇тѐ, крⷭ҇тъ тво́й на по́мощь, сѣ̑ти вра̑жїѧ ᲂу҆до́бь попира́емъ.
Сті́хъ: Къ тебѣ̀ возведо́хъ ѻ҆́чи моѝ:
Воскре́сна: Гдⷭ҇и, возше́дъ на крⷭ҇тъ, пра́дѣднюю на́шꙋ клѧ́твꙋ потреби́лъ є҆сѝ: и҆ соше́дъ во а҆́дъ, ꙗ҆̀же ѿ вѣ́ка ᲂу҆́зники свободи́лъ є҆сѝ, нетлѣ́нїе да́рꙋѧ человѣ́ческомꙋ ро́дꙋ. сегѡ̀ ра́ди пою́ще сла́вимъ животворѧ́щее и҆ спаси́тельное твоѐ воста́нїе.
Сті́хъ: Поми́лꙋй на́съ гдⷭ҇и, поми́лꙋй на́съ:
Мꙋ́чениченъ: Жє́ртвы ѡ҆дꙋшевлє́нныѧ, всесожжє́нїѧ (л. рн҃д ѡ҆б.) словє́снаѧ, мꙋ́чєницы гдⷭ҇ни, заколє́нїѧ совершє́нна бж҃їѧ, бг҃а зна̑ющаѧ, и҆ бг҃омъ зна́ємаѧ ѻ҆вча́та, и҆́хже ѡ҆гра́да волкѡ́мъ невхо́дна, моли́тесѧ и҆ на́мъ ᲂу҆пасє́нымъ бы́ти съ ва́ми на водѣ̀ ᲂу҆покое́нїѧ.
Сла́ва, и҆ ны́нѣ: гла́съ ѕ҃:
Та́кѡ глаго́летъ гдⷭ҇ь самарѧны́ни: а҆́ще бы є҆сѝ вѣ́дала да́ръ бж҃їй, и҆ кто̀ є҆́сть глаго́лѧй тебѣ̀, да́ждь мѝ воды̀ пи́ти, ты́ бы проси́ла ᲂу҆ негѡ̀, и҆ да́лъ бы тѝ пи́ти, да не вжа́ждешисѧ во вѣ́ки, глаго́летъ гдⷭ҇ь.
Въ пѧто́къ на ᲂу҆́трени,
по а҃-мъ стїхосло́вїи сѣда́ленъ, ѻ҆смогла́сника, гла́съ д҃.
Подо́бенъ: Ско́рѡ предварѝ:
На крⷭ҇тѣ̀ тѧ̀ пригвозди́ша і҆ꙋдє́и сп҃се, и҆́мже ѿ ꙗ҆зы́кѡвъ на́съ воззва́лъ є҆сѝ хрⷭ҇тѐ бж҃е на́шъ, просте́рлъ є҆сѝ дла̑ни на не́мъ во́лею, копїе́мъ же въ ре́бра твоѧ̀ и҆зво́лилъ є҆сѝ пробости́сѧ: мно́жествꙋ щедро́тъ твои́хъ сла́ва человѣколю́бче.
Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ.
Мꙋ́чениченъ: Мꙋ́чєницы твоѝ гдⷭ҇и, во страда́нїихъ свои́хъ вѣнцы̀ прїѧ́ша нетлѣ̑нныѧ ѿ тебѐ бг҃а на́шегѡ. и҆мꙋ́ще бо крѣ́пость твою̀, мꙋчи́телей низложи́ша, сокрꙋши́ша и҆ де́монѡвъ немѡщны́ѧ де́рзѡсти. тѣ́хъ моли́твами спасѝ дꙋ́шы на́шѧ.
Сла́ва, и҆ ны́нѣ: крⷭ҇тобг҃оро́диченъ:
На крⷭ҇тѣ̀ тѧ̀ возвыша́ема ꙗ҆́кѡ ᲂу҆зрѣ̀ пречⷭ҇таѧ мт҃и твоѧ̀, сло́ве бж҃їй, мт҃рски рыда́ющи вѣща́ше: что̀ (л. рн҃є) но́вое и҆ стра́нное сїѐ чꙋ́до сн҃е мо́й; ка́кѡ животѐ всѣ́хъ вкꙋша́еши сме́рть, ѡ҆живи́ти ᲂу҆ме́ршыѧ хотѧ̀, ꙗ҆́кѡ благоꙋтро́бенъ.
По в҃-мъ стїхосло́вїи сѣда́ленъ пра́здника, гла́съ д҃:
Подо́бенъ: Ско́рѡ предварѝ:
Ѿ кла́дѧзѧ воды̀, земна́гѡ и҆ тлѣ́ннагѡ, прише́дши ѻ҆бы́чнѡ самарѧны́нѧ почерпстѝ, живꙋ́ю во́дꙋ почерпѐ: та́кѡ ѡ҆брѣ́тши и҆сто́чникъ сѣдѧ́щїй, и҆дѣ́же и҆сто́чникъ и҆ кла́дѧзь і҆а́кѡвъ и҆скопа̀, мі́ра пламенопита́тєльныѧ зно́емъ напаѧ́ющїй. [Два́жды.]
Воскрⷭ҇нїе хрⷭ҇то́во: ѱало́мъ н҃. Канѡ́нъ самарѧны́ни, со і҆рмосо́мъ на и҃: И҆ мине́и на д҃.
На хвали́техъ стїхи̑ры ѻ҆смогла́сника, гла́съ д҃:
Да́лъ є҆сѝ зна́менїе боѧ́щымсѧ тебѐ гдⷭ҇и, крⷭ҇тъ тво́й чⷭ҇тны́й, и҆́мже побѣди́лъ є҆сѝ нача̑ла тмы̀ и҆ вла̑сти, и҆ возве́лъ є҆сѝ на́съ на дре́внее блаже́нство. тѣ́мже твоѐ чл҃вѣколю́бное смотре́нїе сла́вимъ, і҆и҃се всеси́льне, сп҃се дꙋ́шъ на́шихъ. [Два́жды.]
Крⷭ҇то́мъ твои́мъ хрⷭ҇тѐ сп҃се, наста́ви на́съ на и҆́стинꙋ твою̀, и҆ и҆зба́ви ны̀ ѿ сѣте́й вра́жїихъ: воскресы́й и҆з̾ ме́ртвыхъ, возста́ви ны̀ па́дшыѧ грѣхо́мъ, просте́ръ рꙋ́кꙋ твою̀ человѣколю́бче гдⷭ҇и, моли́твами свѧты́хъ твои́хъ.
Мꙋ́чениченъ:
Честна̀ сме́рть свѧты́хъ твои́хъ гдⷭ҇и: меча́ми бо и҆ ѻ҆гне́мъ, и҆ стꙋ́денїю сокрꙋша́еми, и҆злїѧ́ша кро́вь свою̀, наде́ждꙋ и҆мꙋ́ще на тѧ̀, воспрїѧ́ти трꙋдѡ́въ мздꙋ̀: претерпѣ́ша, и҆ прїѧ́ша ѿ тебѐ сп҃се ве́лїю ми́лость. (л. рн҃є ѡ҆б.)
Сла́ва, и҆ ны́нѣ: гла́съ ѕ҃:
И҆сто́чникъ живонача́лїѧ і҆и҃съ сп҃съ на́шъ, ко и҆сто́чникꙋ прише́дъ патрїа́рха і҆а́кѡва, пи́ти проша́ше воды̀ ѿ жены̀ самарѧны́ни. се́й же непрїѡбщи́тельное і҆ꙋде́ємъ прире́кшей, мꙋ́дрый зижди́тель приво́дитъ ю҆̀ сла́дкими глаго́лы, па́че къ проше́нїю присноживо́тныѧ воды̀, ю҆́же и҆ прїи́мши всѣ̑мъ проповѣ́да, ре́кши: прїиди́те ви́дите та́йныхъ вѣ́дца и҆ бг҃а, прише́дша пло́тїю, за є҆́же спастѝ человѣ́ка.
На стїхо́внѣ стїхи̑ры, гла́съ д҃.
Подо́бенъ: Ꙗ҆́кѡ до́блѧ:
Съ почерпа́ломъ почерпстѝ, прише́дши ко кла́дѧзю, почерпа́ло без̾ воды̀ ѡ҆ста́вивши, є҆ди́на ко гра́дꙋ востечѐ, и҆сто́чникъ животекꙋ́щїй вопїю́щи ѡ҆брѣстѝ самарѧны́нѧ, незави́стный. ѿѻнꙋ́дꙋже почерпѐ спаси́тельнꙋю во́дꙋ, и҆ се́ю прохладѝ се́рдце и҆ста́ѧвшее страстьмѝ.
Сті́хъ: Налѧцы̀, и҆ ᲂу҆спѣва́й, и҆ црⷭ҇твꙋй, и҆́стины ра́ди, и҆ кро́тости, и҆ пра́вды.
Вои́стиннꙋ рекла̀ є҆сѝ, речѐ сп҃съ самарѧны́нѣ, ꙗ҆́кѡ не и҆́маши дне́сь мꙋ́жа зако́нна, пѧ́ть бо и҆мѣ́ла є҆сѝ пе́рвѣе, и҆ ны́нѣ, є҆го́же стѧжа́ла є҆сѝ, нѣ́сть тво́й мꙋ́жъ, но зако́на чꙋ́ждь. ꙗ҆́же и҆ потща́вшисѧ сꙋ́щымъ во гра́дѣ вопїѧ́ше: ви́дѣхъ человѣ́ка, и҆́же и҆зрече́ ми всѧ̑, є҆ли́ка вта́йнѣ сотвори́хъ.
Сті́хъ: Возлюби́лъ є҆сѝ пра́вдꙋ, и҆ возненави́дѣлъ є҆сѝ беззако́нїе.
Стрꙋю̀ и҆нꙋ́ю животекꙋ́щꙋю, ѿ нбⷭ҇нагѡ кла́дѧзѧ самарѧны́нѧ почерпѐ, на кла́дѧзѣ ѡ҆брѣ́тши сїю̀ (л. рн҃ѕ) и҆злива́емꙋ, и҆з̾ негѡ́же тлѣ́ннꙋю и҆мѧ́ше по ѻ҆бы́чаю почерпстѝ во́дꙋ, и҆нꙋ́ю земнꙋ́ю. но и҆на́ѧ входѧ́щаѧ въ се́рдце є҆ѧ̀ показа́сѧ, а҆́ки и҆сто́чникъ и҆ны́й но́вый, страсте́й ѡ҆роша́ющїй распале́нїе.
Сла́ва, и҆ ны́нѣ: гла́съ и҃:
Є҆гда̀ ꙗ҆ви́лсѧ є҆сѝ во пло́ти хрⷭ҇тѐ бж҃е, за неизрече́нное смотре́нїе, слы́шавши самарѧны́нѧ сло́во тебѐ чл҃вѣколю́бца, ѡ҆ста́ви почерпа́ло ᲂу҆ стꙋденца̀. и҆ течѐ глаго́лющи сꙋ́щымъ во гра́дѣ: прїиди́те, ви́дите сердцевѣ́дца, є҆да̀ се́й є҆́сть ча́емый хрⷭ҇то́съ, и҆мѣ́ѧй ве́лїю ми́лость;
Въ пѧто́къ ве́чера,
на Гдⷭ҇и воззва́хъ: поста́вимъ стїхѡ́въ ѕ҃, и҆ пое́мъ стїхи̑ры самарѧны́ни трѝ, и҆ мине́и трѝ.
Стїхи̑ры самарѧны́ни, гла́съ а҃:
На и҆сто́чникъ прише́лъ є҆сѝ, и҆сто́чниче чꙋде́съ, въ шесты́й ча́съ, є҆́ѵинъ ᲂу҆лови́ти пло́дъ: є҆́ѵа бо въ то́й и҆зы́де и҆з̾ раѧ̀ пре́лестїю ѕмі́евою. прибли́жи бо сѧ самарѧны́нѧ почерпстѝ во́дꙋ, ю҆́же ви́дѣвъ речѐ сп҃съ: да́ждь мѝ во́дꙋ пи́ти, и҆ а҆́зъ воды̀ текꙋ́щїѧ насы́щꙋ тѧ̀. и҆ во гра́дъ те́кши цѣломꙋ́дреннаѧ, наро́дѡмъ возвѣстѝ а҆́бїе: прїиди́те ви́дите хрⷭ҇та̀ гдⷭ҇а, сп҃си́телѧ дꙋ́шъ на́шихъ.
Гла́съ в҃: На стꙋдене́цъ ꙗ҆́кѡ прїи́де гдⷭ҇ь, самарѧны́нѧ молѧ́ше благоꙋтро́бнаго: пода́ждь мѝ во́дꙋ вѣ́ры, и҆ (л. рн҃ѕ ѡ҆б.) прїимꙋ̀ кꙋпѣ́льныѧ воды̀, ра́дованїе и҆ и҆збавле́нїе, животода́вче гдⷭ҇и сла́ва тебѣ̀.
Собезнача́льный и҆ соприсносꙋ́щный сн҃ъ и҆ сло́во ѻ҆́ч҃ее на и҆сто́чникъ прїи́де, и҆сто́чникъ и҆сцѣле́нїй, и҆ жена̀ ѿ самарі́и прїи́де почерпстѝ во́дꙋ, ю҆́же ви́дѣвъ речѐ сп҃съ: да́ждь мѝ во́дꙋ пи́ти, и҆ ше́дши пригласѝ твоего̀ мꙋ́жа. ѻ҆на́ же ꙗ҆́кѡ человѣ́кꙋ глаго́лющи, а҆ не бг҃ꙋ, ᲂу҆таи́ти тща́щисѧ, глаго́лаше: не и҆́мамъ мꙋ́жа. и҆ ᲂу҆чи́тель къ не́й: и҆́стинꙋ рекла̀ є҆сѝ, не и҆́мамъ мꙋ́жа: пѧ́ть бо и҆мѣ́ла є҆сѝ, и҆ ны́нѣ є҆го́же и҆́маши, нѣ́сть тво́й мꙋ́жъ. ѻ҆на́ же ѡ҆ глаго́лѣ ᲂу҆диви́вшисѧ, и҆ во гра́дъ те́кше, наро́дѡмъ вопїѧ́ше, глаго́лющи: прїиди́те, ви́дите хрⷭ҇та̀, и҆́же да́рꙋетъ мі́рови ве́лїю ми́лость.
Сла́ва: гла́съ ѕ҃:
При стꙋденцѣ̀ і҆а́кѡвли ѡ҆брѣ́тъ і҆и҃съ самарѧны́ню, про́ситъ воды̀ ѿ неѧ̀, ѻ҆блака́ми покрыва́ѧй зе́млю. ѽ чꙋдесѐ! и҆́же херꙋві́мы носи́мый, блꙋдни́цѣ женѣ̀ бесѣ́доваше, воды̀ просѧ̀, и҆́же на вода́хъ зе́млю повѣ́сивый, воды̀ и҆скі́й, и҆́же и҆сто́чники и҆ є҆зе́ра во́дъ и҆злива́ѧй, хотѧ̀ привлещѝ сїю̀ вои́стиннꙋ, ᲂу҆ловлѧ́емꙋю ѿ сопоста́та врага̀, и҆ напои́ти ю҆̀ водо́ю живо́ю, пали́мꙋю въ безмѣ́стїихъ лю́тѣ, ꙗ҆́кѡ є҆ди́нъ благоꙋтро́бный и҆ чл҃вѣколю́бецъ.
И҆ ны́нѣ: бг҃оро́диченъ, гла́съ д҃:
И҆́же тебѐ ра́ди, бг҃оѻц҃ъ проро́къ дв҃дъ, пѣ́сненнѡ ѡ҆ тебѣ̀ провозгласѝ, вели̑чїѧ тебѣ̀ сотво́ршемꙋ: предста̀ цр҃и́ца ѡ҆деснꙋ́ю тебѐ. тѧ́ бо мт҃рь хода́таицꙋ живота̀ показа̀, без̾ ѻ҆ц҃а̀ и҆з̾ тебѐ вочеловѣ́читисѧ бл҃говоли́вый (л. рн҃з) бг҃ъ да сво́й па́ки ѡ҆бнови́тъ ѻ҆́бразъ, и҆стлѣ́вшїй страстьмѝ, и҆ заблꙋ́ждшее горохи́щное ѡ҆брѣ́тъ ѻ҆вча̀, на ра́мо воспрїи́мъ, ко ѻ҆ц҃ꙋ̀ принесе́тъ, и҆ своемꙋ̀ хотѣ́нїю, съ нбⷭ҇ными совокꙋпи́тъ си́лами, и҆ спасе́тъ бцⷣе мі́ръ, хрⷭ҇то́съ и҆мѣ́ѧй ве́лїю и҆ бога́тꙋю ми́лость.
На стїхо́внѣ стїхи̑ры воскре́сны ѻ҆смогла́сника, гла́съ д҃:
Животворѧ́щемꙋ твоемꙋ̀ крⷭ҇тꙋ̀ непреста́ннѡ кла́нѧющесѧ хрⷭ҇тѐ бж҃е, тридне́вное воскресе́нїе твоѐ сла́вимъ: тѣ́мъ бо ѡ҆бнови́лъ є҆сѝ и҆стлѣ́вшее чл҃вѣ́ческое є҆стество̀ всеси́льне, и҆ и҆́же на нб҃са̀ восхо́дъ ѡ҆бнови́лъ є҆сѝ на́мъ, ꙗ҆́кѡ є҆ди́нъ бл҃гъ и҆ чл҃вѣколю́бецъ.
Сті́хъ: Гдⷭ҇ь воцр҃и́сѧ, въ лѣ́потꙋ ѡ҆блече́сѧ.
Дре́ва преслꙋша́нїѧ запреще́нїе разрѣши́лъ є҆сѝ сп҃се, на дре́вѣ кре́стнѣмъ во́лею пригвозди́всѧ, и҆ во а҆́дъ соше́дъ си́льне, смє́ртныѧ ᲂу҆́зы ꙗ҆́кѡ бг҃ъ растерза́лъ є҆сѝ. тѣ́мже кла́нѧемсѧ є҆́же и҆з̾ ме́ртвыхъ твоемꙋ̀ воскресе́нїю, ра́достїю вопїю́ще: всеси́льне гдⷭ҇и, сла́ва тебѣ̀.
Сті́хъ: И҆́бо ᲂу҆твердѝ вселе́ннꙋю:
Врата̀ а҆́дова сокрꙋши́лъ є҆сѝ гдⷭ҇и, и҆ твое́ю сме́ртїю сме́ртное црⷭ҇тво разрꙋши́лъ є҆сѝ, ро́дъ же человѣ́ческїй ѿ тлѣ́нїѧ свободи́лъ є҆сѝ, живо́тъ и҆ нетлѣ́нїе мі́рꙋ дарова́въ, и҆ ве́лїю ми́лость.
Сті́хъ: До́мꙋ твоемꙋ̀ подоба́етъ ст҃ы́нѧ:
Гдⷭ҇и возше́дъ на крⷭ҇тъ, пра́дѣднюю на́шꙋ клѧ́твꙋ потреби́лъ є҆сѝ, и҆ соше́дъ во а҆́дъ, ꙗ҆̀же ѿ вѣ́ка ᲂу҆́зники свободи́лъ є҆сѝ, нетлѣ́нїе да́рꙋѧ человѣ́ческомꙋ ро́дꙋ. сегѡ̀ ра́ди пою́ще сла́вимъ, животворѧ́щее и҆ спаси́тельное твоѐ воста́нїе. (л. рн҃з ѡ҆б.)
Сла́ва, и҆ ны́нѣ: гла́съ и҃:
Є҆гда̀ ꙗ҆ви́лсѧ є҆сѝ во пло́ти хрⷭ҇тѐ бж҃е, за неизрече́нное смотре́нїе, слы́шавши самарѧны́нѧ сло́во тебѐ человѣколю́бца, ѡ҆ста́ви почерпа́ло ᲂу҆ стꙋденца̀, и҆ течѐ глаго́лющи сꙋ́щымъ во гра́дѣ: прїиди́те, ви́дите сердцевѣ́дца, є҆да̀ се́й є҆́сть ча́емый хрⷭ҇то́съ, и҆мѣ́ѧй ве́лїю млⷭ҇ть;
Въ сꙋббѡ́тꙋ на ᲂу҆́трени,
по а҃-мъ стїхосло́вїи сѣда́ленъ воскре́сенъ, гла́съ д҃:
Воззрѣ́вше на гро́бный вхо́дъ, и҆ пла́мене а҆́гг҃льскагѡ не терпѧ́ще мѷронѡ́сицы, съ тре́петомъ дивлѧ́хꙋсѧ глаго́люще: є҆да̀ ᲂу҆кра́десѧ, ѿве́рзый разбо́йникꙋ ра́й; є҆да́ ли воста̀, и҆́же и҆ пре́жде стра́сти проповѣ́давый воста́нїе вои́стиннꙋ воскре́се хрⷭ҇то́съ, сꙋ́щымъ во а҆́дѣ подаѧ̀ живо́тъ и҆ воскресе́нїе. [Два́жды.]
Сла́ва, и҆ ны́нѣ: бг҃оро́диченъ:
Є҆́же ѿ вѣ́ка ᲂу҆тае́ное, и҆ а҆́гг҃лѡмъ несвѣ́домое та́инство, тобо́ю бцⷣе сꙋ́щымъ на землѝ ꙗ҆ви́сѧ бг҃ъ, въ несли́тномъ соедине́нїи воплоща́емь, и҆ крⷭ҇тъ во́лею на́съ ра́ди воспрїи́мъ, и҆́мже воскреси́въ первозда́ннагѡ спасѐ ѿ сме́рти дꙋ́шы на́шѧ.
По в҃-мъ стїхосло́вїи сѣда́ленъ, гла́съ д҃.
Подо́бенъ: Вознесы́йсѧ на крⷭ҇тъ:
Да ра́дꙋетсѧ не́бо, да веселѧ́тсѧ земна́ѧ, ꙗ҆́кѡ хрⷭ҇то́съ ѿ дв҃ы ꙗ҆ви́всѧ ꙗ҆́кѡ человѣ́къ, и҆зба́ви и҆з̾ и҆стлѣ́нїѧ всѐ человѣ́чество свое́ю сме́ртїю, чꙋдесы̀ возсїѧ̀: женѣ̀ самарѧны́нѣ воды̀ просѧ́щей, подае́тъ и҆сто́чникъ и҆сцѣле́нїй, ꙗ҆́кѡ є҆ди́нъ безсме́ртный. [Два́жды.] (л. рн҃и)
Воскресе́нїе хрⷭ҇то́во: ѱало́мъ н҃: Канѡ́нъ пра́здника, на ѕ҃: И҆ ст҃а́гѡ ѻ҆би́тели, на д҃: И҆ мине́и на д҃. Конда́къ, и҆ є҆ѯапостїла́рїй пра́здника.
На хвали́техъ поста́вимъ стїхѝ д҃. И҆ пое́мъ настоѧ́щыѧ стїхи̑ры воскрⷭ҇ны, гла́съ д҃:
Крⷭ҇тъ претерпѣ́вый и҆ сме́рть, и҆ воскресы́й и҆з̾ ме́ртвыхъ, всеси́льне гдⷭ҇и, сла́вимъ твоѐ воскресе́нїе.
Крⷭ҇то́мъ твои́мъ хрⷭ҇тѐ, дре́внїѧ клѧ́твы свободи́лъ є҆сѝ на́съ, и҆ сме́ртїю твое́ю є҆стество̀ на́ше мꙋ́чащаго дїа́вола ᲂу҆праздни́лъ є҆сѝ, воста́нїемъ же твои́мъ ра́дости всѧ̑ и҆спо́лнилъ є҆сѝ. тѣ́мже вопїе́мъ тѝ: воскрⷭ҇ы́й и҆з̾ ме́ртвыхъ гдⷭ҇и, сла́ва тебѣ̀.
Твои́мъ крⷭ҇то́мъ хрⷭ҇тѐ сп҃се, наста́ви на́съ на и҆́стинꙋ твою̀, и҆ и҆зба́ви ны̀ ѿ сѣте́й вра́жїихъ: воскресы́й и҆з̾ ме́ртвыхъ, возста́ви ны̀ па́дшыѧ грѣхо́мъ, просте́ръ рꙋ́кꙋ твою̀ чл҃вѣколю́бче гдⷭ҇и, мл҃твами ст҃ы́хъ твои́хъ.
Ѻ҆те́ческихъ твои́хъ нѣ́дръ не разлꙋчи́всѧ є҆диноро́дный сло́ве бж҃їй, прише́лъ є҆сѝ на зе́млю за человѣколю́бїе, человѣ́къ бы́въ непрело́женъ, и҆ крⷭ҇тъ и҆ сме́рть претерпѣ́лъ є҆сѝ пло́тїю, безстра́стный бжⷭ҇тво́мъ: воскре́съ же и҆з̾ ме́ртвыхъ, безсме́ртїе пода́лъ є҆сѝ человѣ́ческомꙋ ро́дꙋ, ꙗ҆́кѡ є҆ди́нъ всеси́ленъ.
Сла́ва, и҆ ны́нѣ, гла́съ ѕ҃:
И҆сто́чникъ живонача́лїѧ і҆и҃съ сп҃съ на́шъ, ко и҆сто́чникꙋ прише́дъ патрїа́рха і҆а́кѡва, пи́ти проша́ше воды̀, ѿ жены̀ самарѧны́ни: се́й же непрїѡбщи́тельное і҆ꙋде́ѡмъ прире́кшей, мꙋ́дрый зижди́тель приво́дитъ ю҆̀ сла́дкими глаго́лы, па́че къ проше́нїю присносꙋ́щныѧ воды̀, ю҆́же и҆ прїи́мши (л. рн҃и ѡ҆б.) всѣ̑мъ проповѣ́да рекꙋ́щи: прїиди́те, ви́дите сокрове́нныхъ вѣ́дца и҆ бг҃а, прише́дшаго пло́тїю, за є҆́же спастѝ человѣ́ка.
На стїхо́внѣ стїхи̑ры, гла́съ д҃.
Подо́бенъ: Ꙗ҆́кѡ до́блѧ:
И҆сто́чника приснотекꙋ́щаго сѣдѧ́ща на кла́дѧзи ви́дѣвши жена̀, терпѧ́щи зно́й премно́гихъ страсте́й и҆сцѣли́тельнꙋю просѧ́ше прїѧ́ти во́дꙋ жи́зни, и҆з̾ негѡ̀ и҆злива́емꙋю а҆́ки пото́къ: ю҆́же и҆ прїѧ́тъ тꙋ́не ѿ сло́ва и҆ не ктомꙋ̀ ко кла́дѧзю тщи́тсѧ, земно́мꙋ и҆ тлѣ́нномꙋ.
Сті́хъ: Налѧцы̀, и҆ ᲂу҆спѣва́й, и҆ црⷭ҇твꙋй, и҆́стины ра́ди и҆ кро́тости, и҆ пра́вды.
І҆ꙋдє́йскїѧ ѻ҆бы́чаи женѣ̀ гонѧ́щей, и҆ своѐ прилага́ющей неприча́стное, прича́стїю воды̀ хрⷭ҇то́съ, прїѡбщѝ мꙋ́дрый содѣ́тель, сла́дкими провѣща́ньми, и҆ проси́ти животекꙋ́щꙋю сїю̀ во́дꙋ бж҃е́ственнꙋю, ю҆́же пи́вши, ко гра́дꙋ прїи́де возвѣща́ющи бы̑вшаѧ.
Сті́хъ: Возлюби́лъ є҆сѝ пра́вдꙋ, и҆ возненави́дѣлъ є҆сѝ беззако́нїе.
Ни почерпа́ла и҆́маши, и҆ кла́дѧзь глꙋбоча́йшїй, ѿкꙋ́дꙋ ᲂу҆́бѡ пода́си мѝ во́дꙋ нетлѣ́ннꙋю; самарѧны́нѧ вопїѧ́ше тѝ хрⷭ҇тѐ, тебѐ ꙗ҆́кѡ человѣ́ка мнѧ́щи, а҆ не бг҃а, и҆ словесє́мъ чꙋдѧ́щисѧ: ю҆́же вѣща́ньми сладча́йшими напои́въ, и҆ бг҃а тѧ̀ всѣ́хъ тва́рей и҆сповѣ́дати сотвори́лъ є҆сѝ.
Сла́ва, и҆ ны́нѣ, гла́съ ѕ҃:
Та́кѡ глаго́летъ гдⷭ҇ь самарѧны́ни: а҆́ще бы є҆сѝ вѣ́дала да́ръ бж҃їй, и҆ кто̀ є҆́сть глаго́лѧй тебѣ̀, да́ждь мѝ воды̀ пи́ти: ты́ бы проси́ла ᲂу҆ негѡ̀, и҆ да́лъ бы тѝ пи́ти, да не вжа́ждешисѧ во вѣ́ки, глаго́летъ гдⷭ҇ь.

Let's block ads! (Why?)

cu text/html http://www.ponomar.net/cgi-bin/bookreader2.cgi?uuid=0696c87a-cfe8-11e0-85d1-b5e18845b6b3&file=15sedm5.xml
#text =

www.церковно-славянская-библия.рф
X
Послание Иеремии (ПослИер) к филиппийцам • www.церковно-славянская-библия.рф к филиппийцам послание святого апостола павла Апокалипсис св. Ап. Иоанна Богослова (Откр) От Луки — Святого Луки От Матфея Святое Благовествование Сборник двунадесяти месяцев Книга Судей (Суд) Книга Судей Израилевых — седьмая часть Танаха, часть Библии, Ветхого Завета. В книге излагается история евреев от последних лет жизни Иисуса Полный церковно-славянский словарь Дьяченко. 30 000 слов Первая книга Царств (1Цар) Кни́ги Ца́рств — четыре исторических книги Ветхого Завета в Септуагинте и в православном каноне. 2 петра • www.церковно-славянская-библия.рф второе соборное послание апостола петра Час шестой sixth hour