Войдите в аккаунт Google. И обновите страницу
ЕС Первая книга Маккавейская (1Макк) Книга Есфирь (Есф) Соборное послание апостола Иакова general Epistle of the apostle james Книга Пророка Наума Синодальный перевод. Книга пророка Исаии (Ис) 2 ездры • www.церковно-славянская-библия.рф 2 Ездры Синодальный перевод. Первая книга Паралипоменон (1Пар) Синодальный перевод. Послание к Филимону (Филим) Неделя шестая по Пасхе, о слепом the sixth sunday after pascha, the sunday of the man Born Blind. Церковно-славянский язык Google   ЧИСТЫЙ ИНТЕРНЕТ о Библии
1

Третия седмица Великого поста

Третья седмица (с понедельника по пяток)

Великий пост. Седьмица третья

Третья седмица (с понедельника по пяток) Third Week (Monday through Friday)



  • Третья седмица (с понедельника по пяток) in Постная Триодь
  • (л. рч҃є)
    Въ понедѣ́льникъ г҃-ѧ седми́цы,
    на ᲂу҆́трени трⷪ҇чны гла́са. По а҃-мъ стїхосло́вїи глаго́лемъ сѣда́льны ᲂу҆мили́тєльныѧ ѻ҆смогла́сника, слꙋчи́вшагѡсѧ гла́са. По в҃-мъ же стїхосло́вїи сѣда́ленъ господи́на і҆ѡ́сифа, гла́съ и҃.
    Подо́бенъ: Повелѣ́нное та́йнѡ:
    Воздержа́нїѧ ѻ҆гне́мъ попали́мъ всѝ хвра̑стнаѧ страсте́й воста̑нїѧ, и҆ пла́мень ѻ҆́ный негаси́мый сле́зными ны́нѣ ᲂу҆гаси́мъ то́ки, вопїю́ще сꙋди́ти хотѧ́щемꙋ все́й землѝ: сп҃се бл҃гоꙋтро́бне гдⷭ҇и, неѡсꙋждє́ны на́съ соблюдѝ, подаѧ̀ на́мъ согрѣше́нїй проще́нїе. [Два́жды.]
    Бг҃оро́диченъ. Подо́бенъ:
    Бг҃обл҃года́тнаѧ чⷭ҇таѧ бл҃гослове́ннаѧ, за милосе́рдїе щедро́тъ, и҆з̾ тебѐ рожде́ннаго, съ вы́шними си́лами, и҆ со а҆рха́гг҃лы, и҆ со всѣ́ми безпло́тными, ѡ҆ на́съ моли́те непреста́ннѡ, да́ти на́мъ пре́жде конца̀ проще́нїе, и҆ ѡ҆чище́нїе грѣхѡ́въ и҆ житїѧ̀ и҆справле́нїе, ꙗ҆́кѡ да ѡ҆брѧ́щемъ млⷭ҇ть.
    По г҃-мъ же стїхосло́вїи сѣда́ленъ, господи́на ѳео́дѡра: Гла́съ и҃.
    Подо́бенъ: Повелѣ́нное та́йнѡ:
    Трⷪ҇це ст҃а́ѧ, и҆ чⷭ҇тна́ѧ, по́стъ въ седми́цахъ трїе́хъ соверша́ющыѧ, сохранѝ цѣ́лы и҆ неѡсꙋжде́ны, сподо́би (л. рч҃є ѡ҆б.) бл҃готещѝ и҆ къ про́чымъ, и҆ всѧ̑ за́пѡвѣди твоѧ̑ соверши́ти: ꙗ҆́кѡ да си́це дости́гнемъ неѡсꙋжде́ннѡ ви́дѣти пресла́вное воскрⷭ҇нїе, пѣ́нїе хвалꙋ̀ приносѧ́ще. [Два́жды.]
    Бг҃оро́диченъ, гла́съ то́йже: Предста́тельство вѣ́рныхъ бг҃ороди́тельнице, ѡ҆скорблѧ́емыхъ ра́досте, и҆ сѣ́тꙋющихъ преве́лїе ᲂу҆тѣше́нїе, ѿ чре́ва твоегѡ̀ дв҃о всест҃а́гѡ преесте́ственнѡ ро́ждшагосѧ, непреста́ннѡ ѡ҆ на́съ со а҆́гг҃лы и҆ нача́лы молѝ, и҆зба́витисѧ на́мъ въ ча́съ и҆спыта́нїѧ, лю́тагѡ ѡ҆сꙋжде́нїѧ.
    Канѡ́нъ въ мине́и, и҆ настоѧ́щїй трипѣ́снецъ, господи́на і҆ѡ́сифа.
    И҆ стїхосло́витсѧ пѣ́снь. Гла́съ и҃.
    Пѣ́снь а҃.
    І҆рмо́съ: Пѣ́снь возсле́мъ лю́дїе:
    И҆мѣ́ѧй ꙗ҆́кѡ бг҃ъ ми́лостивное, ка́ющасѧ прїимѝ мѧ̀, и҆жди́вшаго житїѐ моѐ блꙋ́днѡ, вопїю̀ тѝ: согрѣши́хъ, клеветникѡ́въ не тре́бꙋю, стꙋ́дъ дѣ́лъ мои́хъ приносѧ̀.
    Снѣ́дь ѡ҆ста́вль а҆́гг҃льскꙋю, ᲂу҆подо́бихсѧ скотѡ́мъ, внегда̀ пита́тисѧ скве́рною ѕло́бою: но ᲂу҆́бѡ ѡ҆браща́ющасѧ прїимѝ мѧ̀, ꙗ҆́кѡ є҆ди́наго ѿ нає́мникъ твои́хъ, нбⷭ҇ный ѻ҆́ч҃е.
    Но́щь сласте́й ѿ пи́щи прибыва́ющꙋю всѝ вѣ́рнїи ѡ҆ста́вивше, къ свѣ́тꙋ и҆́стины тща́тельнѡ пристꙋ́пимъ, да свѣтоно́сныѧ трапе́зы сподо́бимсѧ.
    Бг҃оро́диченъ: Ра́дꙋйсѧ прест҃ы́й хра́ме, рꙋно̀ бг҃оро́сное, запечатлѣ́нный и҆сто́чниче безсме́ртныѧ стрꙋѝ: ста́до твоѐ влⷣчце сохранѧ́й ѿ всѧ́кихъ ра́тникѡвъ невоева́но.
    И҆́ный господи́на ѳео́дѡра. Гла́съ то́йже.
    І҆рмо́съ: Пои́мъ бг҃ꙋ:
    Ны́нѣ въ седми́цахъ трїе́хъ, ꙗ҆́коже дре́вле тридне́внѣ і҆и҃ль, ѡ҆чи́стившесѧ бра́тїе, въ го́рꙋ моли́твъ (л. рч҃ѕ) дости́гнемъ, и҆ ѿтꙋ́дꙋ бж҃е́ственный гла́съ ᲂу҆слы́шавше, хрⷭ҇та̀ воспои́мъ.
    Ꙗ҆́коже самѱѡ́нъ посто́мъ ᲂу҆крѣ́пльшесѧ, прїиди́те, ꙗ҆́коже и҆на́го ѕвѣ́рѧ порази́мъ лю́дїе, чре́внаго бѣ́са, и҆ не посмѣе́тсѧ далі́да страсте́й, прельща́ющаѧ на́съ.
    Трⷪ҇ченъ: Трѝ пою̀ херꙋві́мски, ст҃о́е тебѐ бж҃ество̀: свѣ́ты и҆ свѣ́тъ, и҆ живо́тъ и҆ животы̀, бг҃а ро́ждшаго, бг҃а рожде́ннаго, бг҃а ѿ ѻ҆ц҃а̀ и҆сходѧ́щаго, дх҃а жива́го.
    Бг҃оро́диченъ: Ра́дꙋйсѧ є҆́ѵы ра́досте, и҆́бо ѻ҆́ныѧ печа́ль ржⷭ҇тво́мъ твои́мъ преста̀ чⷭ҇таѧ. ра́дꙋйсѧ, незаходи́магѡ свѣ́та свѣ́тлый ѻ҆́блаче, и҆з̾ негѡ́же возсїѧ̀ хрⷭ҇то́съ бг҃ъ.
    Сла́ва тебѣ̀ бж҃е на́шъ, сла́ва тебѣ̀.
    Вѣ́рою ꙗ҆́коже дв҃дъ, и҆ мы̀ смиренномꙋ́дрїемъ воѡрꙋжи́вшесѧ, ꙗ҆́кѡ и҆на́го голїа́ѳа го́рдаго ᲂу҆ма̀ низложи́вше, посѣце́мъ кꙋ́пнѡ и҆ тьмы̑ страсте́й.
    І҆рмо́съ: Пои́мъ бг҃ꙋ, ѡ҆ го́рькїѧ рабо́ты фараѡ́новы и҆зба́вльшемꙋ і҆и҃лѧ, и҆ ѻ҆́гненнымъ столпо́мъ и҆ свѣ́тлымъ ѻ҆́блакомъ наста́вльшемꙋ, ꙗ҆́кѡ просла́висѧ.
    Пѣ́снь и҃.
    І҆рмо́съ: Бг҃оглаго́ливїи:
    И҆жди́въ бога́тство ѻ҆те́ческое со блꙋдни́цами, и҆згна́нъ бы́хъ ѿ преддве́рїй бл҃года́ти ѻ҆каѧ́нный: но прїими́ мѧ̀ ѻ҆́ч҃е, за безчи́сленнꙋю млⷭ҇ть.
    Во свѣтлѣ́йшемъ поста̀ свѣтозаре́нїи мл҃твъ просвѣти́вшесѧ, свѣтови́дни бꙋ́демъ, ꙗ҆́кѡ да грѣхо́вныѧ тьмы̀ и҆збѣ́гнемъ.
    Мо́литъ тѧ̀ ли́къ безпло́тныхъ, херꙋві́ми мо́лѧтъ, и҆ ст҃ы́хъ чи́нове, дꙋ́шы на́шѧ сп҃сѝ хрⷭ҇тѐ, многомлⷭ҇тиве. (л. рч҃ѕ ѡ҆б.)
    Бг҃оро́диченъ: Недѣ́ланный гро́здъ заче́ншаѧ, ѡ҆мраче́нна мѧ̀ пїѧ́нствомъ грѣха̀ ᲂу҆цѣломꙋ́дри бцⷣе дв҃о, наде́ждо дꙋ́шъ на́шихъ.
    И҆́ный. І҆рмо́съ: Покрыва́ѧй вода́ми:
    Ѻ҆те́ческагѡ сокро́вища, и҆мѣ́нїѧ чꙋ́днагѡ, ма́тере всѣ́хъ послꙋжи́вшихъ влⷣцѣ хрⷭ҇тꙋ̀, прїиди́те наслади́мсѧ бра́тїе поста̀: и҆́бо се́й ᲂу҆крѣплѧ́етъ тѣ́ло, и҆ просвѣща́етъ ᲂу҆́мъ и҆ се́рдце.
    Гедеѡ́на чꙋ́днаго подража́ющи дꙋшѐ, добродѣ́тєли носѧ́щи, вѣ́рꙋ, наде́ждꙋ и҆ любо́вь хрⷭ҇то́вꙋ, и҆зы́ди ᲂу҆бива́ющи и҆ноплемє́нныѧ стра̑сти, ꙗ҆́коже ѻ҆́ный съ тремѝ сты̀, мадїа́мскїй ꙗ҆зы́къ потреблѧ́ѧ.
    Трⷪ҇ченъ: И҆ трⷪ҇цꙋ сла́влю тѧ̀, и҆ ꙗ҆́кѡ є҆ди́ницꙋ пою̀ тѧ̀, бж҃ество̀ є҆ди́но, ѻ҆́ч҃е вседержи́телю, и҆ є҆динонача́льне сн҃е, дш҃е ст҃ы́й, и҆ всевлⷣчнѧѧ держа́во, є҆ди́но є҆стество̀, є҆ди́но црⷭ҇тво, въ трїе́хъ начерта́нїихъ же покланѧ́емое.
    Бг҃оро́диченъ: Ꙗ҆́же въ ржⷭ҇твѣ̀ ᲂу҆бѣжѐ болѣ́зни преесте́ственнѡ, въ твое́й чⷭ҇тнѣ́й стрⷭ҇ти позна̀ ро́ждшаѧ тѧ̀, и҆ болѣ́зноваше зрѧ́щи на крⷭ҇тѣ̀ тѧ̀ пригвожде́на во́лею ѿ і҆ꙋде́євъ, на вода́хъ зе́млю ѡ҆снова́вшаго.
    Сла́ва тебѣ̀ бж҃е на́шъ, сла́ва тебѣ̀.
    Є҆гда̀ прїи́деши во сла́вѣ твое́й сꙋди́ти все́й землѝ, съ ты́сѧщами и҆ тьма́ми си́лъ твои́хъ: тогда̀ мѧ̀ гдⷭ҇и пощадѝ, ѡ҆сла́би, и҆ и҆зба́ви ѡ҆сꙋжде́нїѧ, не посрамѝ менѐ, нижѐ ѡ҆сꙋдѝ ѻ҆гню̀ вѣ́чномꙋ.
    Хва́лимъ, бл҃гослови́мъ, покланѧ́емсѧ гдⷭ҇ви, пою́ще и҆ превозносѧ́ще во всѧ̑ вѣ́ки.
    І҆рмо́съ: Покрыва́ѧй вода́ми превы́спрєннѧѧ своѧ̑, полага́ѧй мо́рю предѣ́лъ песо́къ, и҆ содержа́й всѧ̑, тѧ̀ пое́тъ со́лнце, тѧ̀ сла́витъ лꙋна̀, тебѣ̀ прино́ситъ пѣ́снь всѧ̀ тва́рь, ꙗ҆́кѡ содѣ́телю всѣ́хъ во вѣ́ки. (л. рч҃з)
    Пѣ́снь ѳ҃.
    І҆рмо́съ: Проѧвле́нное:
    Ѿ твоеѧ̀ ᲂу҆дали́вшасѧ ѻ҆́ч҃е любвѐ, и҆ во́льными стремле́ньми сласте́й порабоще́на, ѡ҆браща́ющасѧ ꙗ҆́кѡ блꙋ́днаго прїимѝ: є҆ди́нъ бо є҆сѝ многомлⷭ҇тивъ.
    Непло́днаѧ ꙗ҆ви́хсѧ смоко́вница, є҆ди́нꙋ то́кмѡ ѕло́бꙋ дѣ́лаѧ ѻ҆каѧ́нный, ѻ҆́гнь мнѣ̀ и҆схода́таившꙋю: ты̀ ᲂу҆́бѡ гдⷭ҇и плодоно́сна мѧ̀ покажѝ, дѣѧ̑нїѧ бл҃га̑ѧ плодоносѧ́ща тебѣ̀.
    Пости́сѧ дꙋшѐ моѧ̀ ѕло́бы и҆ лꙋка́вства, ᲂу҆держи́сѧ гнѣ́ва и҆ ꙗ҆́рости, и҆ всѧ́кагѡ грѣха̀: і҆и҃съ бо такова́гѡ хо́щетъ поста̀, чл҃вѣколю́бецъ бг҃ъ на́шъ.
    Бг҃оро́диченъ: Ты̀ є҆сѝ бцⷣе ѻ҆рꙋ́жїе на́ше, и҆ стѣна̀, ты̀ є҆сѝ застꙋпле́нїе къ тебѣ̀ прибѣга́ющихъ: тѧ̀ и҆ ны́нѣ на мл҃твꙋ дви́жемъ, да и҆зба́вимсѧ ѿ врагѡ́въ на́шихъ.
    И҆́ный. І҆рмо́съ: Велича́емъ тѧ̀:
    Чи́стый по́стъ, ѕлы́хъ ѿложе́нїе принесе́мъ, ꙗ҆́кѡ да́ры бл҃гопрїѧ́тны, хрⷭ҇тꙋ̀ бг҃ꙋ на́шемꙋ.
    Є҆лїссе́й дре́вле ка́кѡ пита́ше прⷪ҇ро́ки, ᲂу҆вѣ́дѣвши дꙋшѐ, любе́знѡ пита́йсѧ, бл҃годарѧ́щи хрⷭ҇та̀.
    Трⷪ҇ченъ: Трїѷпоста́сное є҆ди́но тѧ̀ бж҃ество̀ воспѣва́ю, ли́цы зра́къ, ѻ҆ц҃а̀ безнача́льнаго, и҆ сн҃а, и҆ дх҃а жива́го.
    Бг҃оро́диченъ: Бг҃омт҃и ѻ҆трокови́це, черто́же нбⷭ҇нагѡ цр҃ѧ̀ хрⷭ҇та̀, сп҃сѝ мл҃твами твои́ми, любо́вїю пою́щыѧ тѧ̀.
    Сла́ва тебѣ̀ бж҃е на́шъ, сла́ва тебѣ̀.
    Данїи́лъ въ ро́вѣ ѕвѣ́ри ᲂу҆кротѝ, воздержа́нїѧ броздо́ю, и҆ мы̀ постѧ́щесѧ стра̑сти ᲂу҆дрꙋчи́мъ.
    І҆рмо́съ: Велича́емъ тѧ̀ всенепоро́чнꙋю мт҃рь хрⷭ҇та̀ бг҃а на́шегѡ, ю҆́же ѡ҆сѣнѝ дх҃ъ ст҃ы́й.
    Свѣти́ленъ гла́са. (л. рч҃з ѡ҆б.)
    На стїхо́внѣ самогла́сенъ днѐ, два́жды, гла́съ д҃:
    Въ лю́тꙋю прегрѣше́нїй мои́хъ скве́рнꙋ ѡ҆блеко́хсѧ, и҆ ра́дости черто́га и҆згна́нъ бы́хъ, ᲂу҆ще́дри мѧ̀ неизглаго́ланнымъ твои́мъ бл҃гоꙋтро́бїемъ, ꙗ҆́кѡ блꙋ́днаго сы́на, бж҃е, и҆ поми́лꙋй мѧ̀.
    Мꙋ́чениченъ: Кто̀ не диви́тсѧ зрѧ̀, ст҃і́и мꙋ́чєницы, по́двигъ до́брый, и҆́мже подвиза́стесѧ; ка́кѡ бо въ тѣлесѝ сꙋ́ще, безпло́тнаго врага̀ побѣди́сте, хрⷭ҇та̀ и҆сповѣ́давше, и҆ крⷭ҇то́мъ воѡрꙋжи́вшесѧ; тѣ́мже досто́йнѡ ꙗ҆ви́стесѧ де́мѡнѡвъ прогони́тели, и҆ ва́рварѡвъ бори́тели, непреста́ннѡ моли́те, сп҃сти́сѧ дꙋша́мъ на́шымъ.
    Сла́ва, и҆ ны́нѣ, бг҃оро́диченъ, гла́съ то́йже: Свѣщѐ неꙋгаси́маѧ, престо́ле пра́ведный, пречⷭ҇таѧ влⷣчце, молѝ сп҃сти́сѧ дꙋша́мъ на́шымъ.
    На ѕ҃-мъ часѣ̀ тропа́рь прⷪ҇ро́чества, гла́съ д҃:
    Ꙗ҆́кѡ не́мощни є҆смы̀, и҆ разсла́блени грѣхмѝ, и҆сцѣлѝ сокрꙋшє́нїѧ на̑ша, врачꙋ̀ дꙋ́шъ на́шихъ, свѣ́дый ᲂу҆́мъ человѣ́чь, чл҃вѣколю́бче.
    Прокі́менъ, ѱало́мъ м҃а, гла́съ д҃: Мл҃тва бг҃ꙋ живота̀ моегѡ̀, рекꙋ̀ бг҃ꙋ: застꙋ́пникъ мо́й є҆сѝ. Сті́хъ: И҆́мже ѡ҆́бразомъ жела́етъ є҆ле́нь на и҆сто́чники водны̑ѧ:
    Прⷪ҇ро́чества и҆са́їина чте́нїе. [Глава̀ и҃, ст. г҃і- к҃в, глава̀ ѳ҃, ст. а҃-з҃]
    Гдⷭ҇а си́лъ, того̀ ѡ҆ст҃и́те, и҆ то́й бꙋ́детъ тебѣ̀ въ стра́хъ. И҆ а҆́ще бꙋ́деши ᲂу҆пова́ѧ на него̀, бꙋ́детъ тебѣ̀ во ѡ҆сщ҃е́нїе, а҆ не ꙗ҆́коже ѡ҆ ка́мень претыка́нїѧ преткне́шисѧ, нижѐ ꙗ҆́кѡ ѡ҆ ка́мень паде́нїѧ: до́мове же і҆а́кѡвли въ прꙋ́глѣ, и҆ въ раздо́лїи сѣдѧ́щїи во і҆ерⷭ҇ли́мѣ. Сегѡ̀ ра́ди и҆знемо́гꙋтъ въ ни́хъ мно́зи, и҆ падꙋ́тъ, и҆ сокрꙋша́тсѧ, и҆ прибли́жатсѧ, и҆ ꙗ҆́ти бꙋ́дꙋтъ человѣ́цы въ тверды́ни сꙋ́ще. Тогда̀ ꙗ҆вле́ни бꙋ́дꙋтъ печатлѣ́ющїи зако́нъ, є҆́же не ᲂу҆чи́тисѧ.

    http://www.ponomar.net/cgi-bin/bookreader2.cgi?uuid=8fcb82a0-cf75-11e0-b5ed-986bd7a8165a&file=18sedm3.xml


    Страсть блуда Определение страсти Блуд – пристрастие...

    ...накануне воскресных и праздничных дней, а также во время святок и светлой седмицы.
    Sun, 25 Jun 2017 16:04:22 GMT
    Значение Евангелия от Луки для нашего времени Третье...

    Третье Евангелие особо выделяет внимание Спасителя к грешникам, к
    Sun, 25 Jun 2017 13:07:57 GMT
    www.церковно-славянская-библия.рф
    X
    Первая книга Царств (1Цар) Шестая седмица по Пасхе (с понедельника по субботу) the sixth week after pascha (monday through saturday). Церковно-славянский язык Третья книга Царств (3Цар) К коринфянам первое послание святого апостола Павла Вторая седмица по Пасхе (с понедельника по субботу) Псалтирь (Пс) Синодальный перевод. Книга пророка Наума (Наум) Послание к Филиппийцам (Фил) Деяния святых апостол the acts of the apostles ЕС Преподобный Ефрем Сирин. Толкование на книгу пророчества Даниила Четвертая седмица по Пасхе (с понедельника по субботу) Книга Неемии (Неем) Книга Неемии — 37-я часть Танаха, 11-я книга Ктувим, часть Ветхого Завета, написанная Неемией. В канонической христианской Библии эта книга находится под номером 16. Книга эта состоит из 13 глав и помещается между 1 и 2-й книгами Ездры, как сродная с ними по содержанию.
     

    Ваш IP:
    54.161.79.96

    Мы не следим за вами