1
1 
Назад
Размер шрифта

Больше.Сброс.Меньше

Книга пророка Авдия

Славянский текст

1
1 Видение Авдиино: сия глаголет Господь Бог Идумеи: слух слышах от Господа, известие во языки посла: востаните, и востанем на ню ратию.
2 Се, мала дах тя во языцех, безчестен ты еси зело.
3 Презорство сердца твоего воздвиже тя живущаго в пещерах каменных: возвышаяй храмину свою, глаголяй в сердцы своем: кто мя свержет на землю?
4 Аще вознесешися якоже орел и аще положиши гнездо твое среде звезд, и оттуду свергу тя, глаголет Господь.
5 Аще бы татие влезли к тебе, или разбойницы нощию, камо бы повержен был еси? Еда не украли бы доволных себе? Или аще бы объемлющии виноград влезли к тебе, еда бы не оставили гроздия?
6 Како обыскася Исав, и взята быша сокровенная его?
7 Даже до предел испустиша тя: вси мужие завета твоего сопротивишася ти, премогоша тя мужие мирницы твои: (ядущии с тобою) положиша лесть под тобою, несть смысла в них.
8 В той день, глаголет Господь, погублю премудрыя от Идумеи и смысл от горы Исавовы:
9 и убоятся воини твои, иже от Феман, да отимется человек от горы Исавовы.
10 Посечения ради и нечестия, еже на брата твоего Иакова, покрыет тя студ, и отвержен будеши во век.
11 От негоже дне сопротивился еси во дни пленяющих иноплеменников силу его, и чуждии внидоша во врата его и о Иерусалиме вергоша жребия, и ты был еси яко един от них.
12 И да не презриши дне брата твоего в день чуждих, и да не порадуешися о сынех Иудиных в день погибели их, и да не велеречиши в день скорби:
13 и не входи во врата людий Моих в день болезни их, и не презри и ты сонма их в день потребления их, и не совещайся на силу их в день погибели их:
14 ниже настой на исходы их потребити избегающыя их, ниже заключай бежащыя их в день скорби.
15 Понеже близ день Господень на вся языки: якоже сотворил еси, сице будет ти, воздаяние твое воздастся на главу твою.
16 Понеже якоже еси пил на горе Моей святей, испиют вси языцы вино, испиют и снидут, и будут яко не бывшии.
17 В горе же Сиони будет спасение, и будет свята: и наследят дом Иаковль наследивших я.
18 И будет дом Иаковль огнь, дом же Иосифов пламень, а дом Исавов в тростие, и возгорятся на них и поядят я, и не будет избегаяй дому Исавову, яко Господь глагола.
19 И наследят иже во нагеве гору Исавову, и иже в раздолии иноплеменники: и возмут гору Ефремову и поле Самарийско, и Вениамина и Галаадитиду.
20 И преселения начало сие сыном Израилевым, земля Хананейска до Сарепты: преселение же Иерусалимле до Ефрафа: и наследят грады Нагевовы.
21 И взыдут спасаемии от горы Сиони, еже отмстити гору Исавлю, и будет царство Господеви.

{показать одну главу на странице}

 Первое соборное послание святого апостола Петра аввакум • www.церковно-славянская-библия.рф пророк Аввакум Послание к Колоссянам (Кол) Часы Пасхи Вознесение ascension. Церковно-славянский язык ЕС Синодальный перевод. Книга пророка Аввакума (Авв) Книга Притчей Соломоновых (Притчи) Исход. 1 паралипоменон • www.церковно-славянская-библия.рф 1 паралипоменон Великая Среда great and holy wednesday Евангелие от Луки (Лк) #text =
channel = https://yandex.ru/blogs/rss/search? — Яндекс.Поиск по блогам https://img.yandex.net/i/logo100x43.png Поиск Яндекса по блогам https://yandex.ru/blogs 100 43 60 yandex.ru/blogs support@blogs.yandex.ru noindex Результаты поиска Яндекса по блогам и форумам по запросу: «» 0 en-usnoindexnonadultnoРезультаты поиска Яндекса по блогам и форумам по запросу: «»
#text =
Яндекс.Метрика
  ЧИСТЫЙ ИНТЕРНЕТ о Библии